Алмурсэлат - الـمرسلات - Those Sent Forth

1 Зэуж итхэу къагъакIохэрэм мэлэIичхэмкIэ,
بِسْمِ اللَّهِ الرَّحْمَٰنِ الرَّحِيمِ وَالْمُرْسَلَاتِ عُرْفًا
2 ПсынкIэ дэдэу зекIохэрэмкIэ,
فَالْعَاصِفَاتِ عَصْفًا
3 ИзыпхъыхьэхэрэмкIэ,
وَالنَّاشِرَاتِ نَشْرًا
4 Теубытагъэ хэлъэу зэхэзыфыхэрэмкIэ,
فَالْفَارِقَاتِ فَرْقًا
5 ШIэныгъэр язытыхэрэмкIэ,
فَالْمُلْقِيَاتِ ذِكْرًا
6 Фэгъэгъуныгъэмрэ гъэщынэхэмрэ языIожьхэрэмкIэ Iуагъэ сэшIы.
عُذْرًا أَوْ نُذْرًا
7 Шъузэрагъэгугъагъэр хьазыр къэхъущт.
إِنَّمَا تُوعَدُونَ لَوَاقِعٌ
8 Жъуагъохэр зыкIуасэхэкIэ,
فَإِذَا النُّجُومُ طُمِسَتْ
9 Уашъор зызэгоукIэ,
وَإِذَا السَّمَاءُ فُرِجَتْ
10 Къушъхьэхэр сапэу жьым зыхахьэхэкIэ,
وَإِذَا الْجِبَالُ نُسِفَتْ
11 ЛIыкIомэ пIэлъэ гъэнэфагъэ къазыратыкIэ,
وَإِذَا الرُّسُلُ أُقِّتَتْ
12 Сыд мафэм нэсэу гъэнэфагъэр зэкIахьащта?
لِأَيِّ يَوْمٍ أُجِّلَتْ
13 Унашъо зыщашIыщт мафэм нэс!
لِيَوْمِ الْفَصْلِ
14 Унашъо зыщашIыщт мафэр пшIэным о сыда къыуитыщтыр?
وَمَا أَدْرَاكَ مَا يَوْمُ الْفَصْلِ
15 А мафэр пцIыкIэ зыгъэмысэхэрэмкIэ тхьамыкIагъу!
وَيْلٌ يَوْمَئِذٍ لِلْمُكَذِّبِينَ
16 Апэрэхэр Тэ дгъэкIодыгъэхэба?
أَلَمْ نُهْلِكِ الْأَوَّلِينَ
17 ЕтIанэ ауж къикIыгъэхэр ахэмэ ауж идгъэхьащтхэба?.
ثُمَّ نُتْبِعُهُمُ الْآخِرِينَ
18 Тэ джаущтэу гунахьышIэмэ тадэзекIо.
كَذَٰلِكَ نَفْعَلُ بِالْمُجْرِمِينَ
19 А мафэр пцIыкIэ зыгъэмысэхэрэмкIэ тхьамыкIагъу!
وَيْلٌ يَوْمَئِذٍ لِلْمُكَذِّبِينَ
20 ПкIэ зимыIэ псым Тэ шъукъыхэдгъэкIыгъэба.
أَلَمْ نَخْلُقْكُمْ مِنْ مَاءٍ مَهِينٍ
21 Ар пIэлъэ гъэнэфагъэм нэсэу,
فَجَعَلْنَاهُ فِي قَرَارٍ مَكِينٍ
22 ЧIыпIэшIу дгъэIылъыгъэба?
إِلَىٰ قَدَرٍ مَعْلُومٍ
23 Тэ ар тшIэн тлъэкIыгъэ. Тэ лъэкIышхо зэрэтиIэр!
فَقَدَرْنَا فَنِعْمَ الْقَادِرُونَ
24 А мафэр пцIыкIэ зыгъэмысэхэрэмкIэ тхьамыкIагъу!
وَيْلٌ يَوْمَئِذٍ لِلْمُكَذِّبِينَ
25 Тэ чIыгур псэухэм, хьадэхэм апае
أَلَمْ نَجْعَلِ الْأَرْضَ كِفَاتًا
26 ГъолъыпIэ тшIыгъэх,
أَحْيَاءً وَأَمْوَاتًا
27 Ащ къушъхьэ хэIэтыкIыгъэхэр тедгъэуцуагъэх, псы IэшIукIэ шъудгъэшъокIыгъ.
وَجَعَلْنَا فِيهَا رَوَاسِيَ شَامِخَاتٍ وَأَسْقَيْنَاكُمْ مَاءً فُرَاتًا
28 А мафэм пцIыусхэм тхьамыкIагъо афыщылъ!
وَيْلٌ يَوْمَئِذٍ لِلْمُكَذِّبِينَ
29 Шъо пцIыкIэ шъулъытэщтыгъэр пщыныжькIэ шъуушэты!
انْطَلِقُوا إِلَىٰ مَا كُنْتُمْ بِهِ تُكَذِّبُونَ
30 Ныбжьыкъоу щэ зэгокIрэм дэжь шъукIу,
انْطَلِقُوا إِلَىٰ ظِلٍّ ذِي ثَلَاثِ شُعَبٍ
31 Ащ жьау къышIрэп, машIом шъущиухъумэщтэп!
لَا ظَلِيلٍ وَلَا يُغْنِي مِنَ اللَّهَبِ
32 Ащ мэшIочэ инхэр къедзых.
إِنَّهَا تَرْمِي بِشَرَرٍ كَالْقَصْرِ
33 Мэхъшэ гъожьмэ афэдэ къабз пIонэу .
كَأَنَّهُ جِمَالَتٌ صُفْرٌ
34 А мафэр пцIыкIэ тызгъэмысэхэрэмкIэ тхьамыкIагъу!
وَيْلٌ يَوْمَئِذٍ لِلْمُكَذِّبِينَ
35 А мафэм джаурхэр бзэкощтых.
هَٰذَا يَوْمُ لَا يَنْطِقُونَ
36 Заухыижьынхэу ахэр фит ашIыщтхэп.
وَلَا يُؤْذَنُ لَهُمْ فَيَعْتَذِرُونَ
37 А мафэр пцIыкIэ тызгъэмысэхэрэмкIэ тхьамыкIагъу!
وَيْلٌ يَوْمَئِذٍ لِلْمُكَذِّبِينَ
38 Тэ шъори шъуапэкIэ щыIагъэхэри зытыугъоижьыщтхэ мафэр ары ар зыхъущтыр.
هَٰذَا يَوْمُ الْفَصْلِ ۖ جَمَعْنَاكُمْ وَالْأَوَّلِينَ
39 Шъо тхьагъэпцIыгъэ горэ шъуIэ илъмэ, Сэ тхьагъэпцIыгъэ къызыздешъухь!
فَإِنْ كَانَ لَكُمْ كَيْدٌ فَكِيدُونِ
40 А мафэр пцIыкIэ тызгъэмысэхэрэмкIэ тхьамыкIагъу!
وَيْلٌ يَوْمَئِذٍ لِلْمُكَذِّبِينَ
41 Тхьэм ищынагъо зыгу илъхэр жьаум чIэсых, псынэкIэчъымэ ахэтых,
إِنَّ الْمُتَّقِينَ فِي ظِلَالٍ وَعُيُونٍ
42 АшIоигъо пхъэшъхьэ=мышъхьэр яI.
وَفَوَاكِهَ مِمَّا يَشْتَهُونَ
43 Шъо шъушIэщтыгъэм пае гухахъо шъуфэхъоу шъушх!
كُلُوا وَاشْرَبُوا هَنِيئًا بِمَا كُنْتُمْ تَعْمَلُونَ
44 ШIу зышIэхэрэм Тэ джаущтэу тяшIушIэ!
إِنَّا كَذَٰلِكَ نَجْزِي الْمُحْسِنِينَ
45 А мафэр пцIыкIэ тызгъэмысэхэрэмкIэ тхьамыкIагъу!
وَيْلٌ يَوْمَئِذٍ لِلْمُكَذِّبِينَ
46 Мы чIыгум джыри тIэкIурэ зыщыжъугъэтхъэжъ, шъуешъу, шъушх. Шъо шъупсэкIодышI.
كُلُوا وَتَمَتَّعُوا قَلِيلًا إِنَّكُمْ مُجْرِمُونَ
47 А мафэр пцIыр зышIошъ хъущтыгъэхэмкIэ тхьамыкIагъу!
وَيْلٌ يَوْمَئِذٍ لِلْمُكَذِّبِينَ
48 Ахэмэ зэраIокIэ: "шъхьащэ шъушIы" шъхьащэ ашIрэп.
وَإِذَا قِيلَ لَهُمُ ارْكَعُوا لَا يَرْكَعُونَ
49 А мафэр пцIыр зышIошъ хъущтыгъэхэмкIэ тхьамыкIагъу!
وَيْلٌ يَوْمَئِذٍ لِلْمُكَذِّبِينَ
50 Ащ ыуж сыд фэдэ къэбара ежьхэм шIошъхъуныгъэ шъыпкъэ зыфашIыщтыр?
فَبِأَيِّ حَدِيثٍ بَعْدَهُ يُؤْمِنُونَ