Алкъиямэ - الـقـيامـة - The Resurrection

1 Къаймэт мафэмкIэ Iуагъэ сэшIы.
بِسْمِ اللَّهِ الرَّحْمَٰنِ الرَّحِيمِ لَا أُقْسِمُ بِيَوْمِ الْقِيَامَةِ
2 Зэгыижьырэ псэмкIэ Iуагъэ сэшIы!
وَلَا أُقْسِمُ بِالنَّفْسِ اللَّوَّامَةِ
3 Тэ цIыфым икъупшъхьэхэр сыдигъуи тымыугъоижьынхэм шIошъхъуныгъэ фыриIа?
أَيَحْسَبُ الْإِنْسَانُ أَلَّنْ نَجْمَعَ عِظَامَهُ
4 Ащ ыIэхъуамбэхэр зэгодгъэуцожьынхэм Тэ тыфэамал.
بَلَىٰ قَادِرِينَ عَلَىٰ أَنْ نُسَوِّيَ بَنَانَهُ
5 Ау цIыфым имыхъо=мышIэхэр ыпэ ригъэшъыхэ шIоигъу.
بَلْ يُرِيدُ الْإِنْسَانُ لِيَفْجُرَ أَمَامَهُ
6 Ар къэупчIэ, сыдигъуа Къаймэт мафэр?
يَسْأَلُ أَيَّانَ يَوْمُ الْقِيَامَةِ
7 Нэплъэгъур къызыушIункIыкIэ,
فَإِذَا بَرِقَ الْبَصَرُ
8 Мазэр зиубытыкIэ,
وَخَسَفَ الْقَمَرُ
9 Тыгъэмрэ мазэмрэ зы зыхъухэкIэ,
وَجُمِعَ الشَّمْسُ وَالْقَمَرُ
10 А мафэм цIыфым ыIощт: "ШъхьэегъэзыпIэ тыдэ щызгъотыщта?"
يَقُولُ الْإِنْسَانُ يَوْمَئِذٍ أَيْنَ الْمَفَرُّ
11 ЩыIэп шъхьэегъэзыпIэ.
كَلَّا لَا وَزَرَ
12 А мафэм аужырэ шъхьэегъэзыпIэр уи Тхьэ дэжь щыI!
إِلَىٰ رَبِّكَ يَوْمَئِذٍ الْمُسْتَقَرُّ
13 Джащыгъум цIыфым шIагъэу иIэхэр, мышIагъэу къыгъэнагъэхэр къыриIощт.
يُنَبَّأُ الْإِنْسَانُ يَوْمَئِذٍ بِمَا قَدَّمَ وَأَخَّرَ
14 Сыд фэдэ къыхьыгъэми цIыфыр ежь-ежьырэу зылъыплъэжьэу,
بَلِ الْإِنْسَانُ عَلَىٰ نَفْسِهِ بَصِيرَةٌ
15 Зиухыижьэу хъугъэми.
وَلَوْ أَلْقَىٰ مَعَاذِيرَهُ
16 КъурIаныр къыкIэпIотыкIыжь зыхъукIэ, убзэгу умыгъэпсынкIэ, гумэкI лые къызхэмыгъаф.
لَا تُحَرِّكْ بِهِ لِسَانَكَ لِتَعْجَلَ بِهِ
17 Сурэхэр зэпыдгъэуцонхэр, зэрищыкIагъэм тетэу тыкъеджэныр Тэ тиIоф.
إِنَّ عَلَيْنَا جَمْعَهُ وَقُرْآنَهُ
18 Тэ (Джэбраил ыIупэкIэ тхыгъэм ) тыкъыфеджэ зыхъукIэ, тыкъызэреджэрэм утигъусэу лъыплъ.
فَإِذَا قَرَأْنَاهُ فَاتَّبِعْ قُرْآنَهُ
19 ЫужкIэ ар о къыфызэхэтфыжьыныр Тэ тиIоф.
ثُمَّ إِنَّ عَلَيْنَا بَيَانَهُ
20 Джы щегъэжьагъэу аущтэу шъумызекIу. Ау мы дунэе гъашIэр шъо шIу шъулъэгъу.
كَلَّا بَلْ تُحِبُّونَ الْعَاجِلَةَ
21 Ахърэт гъашIэр къэшъогъанэ.
وَتَذَرُونَ الْآخِرَةَ
22 А мафэм зымэ анэгухэр нэфынэ лъэшкIэ лыдыщтых,
وُجُوهٌ يَوْمَئِذٍ نَاضِرَةٌ
23 Ахэмэ афэдэхэм янэплъэгъу я Тхьэ фагъэзэщт.
إِلَىٰ رَبِّهَا نَاظِرَةٌ
24 Нэгу кIосагъэхэри а мафэм тхьамыкIэгъошхо къатеоным
وَوُجُوهٌ يَوْمَئِذٍ بَاسِرَةٌ
25 Егупшысэхэу щыIэщтых.
تَظُنُّ أَنْ يُفْعَلَ بِهَا فَاقِرَةٌ
26 Ары, джэнджэш хэлъэп. Псэр тыкъыным къызысыкIэ,
كَلَّا إِذَا بَلَغَتِ التَّرَاقِيَ
27 Куо макъэ тыдэкIи къыщыIу зыхъукIэ, хэта Iэзэгъу уцыр къэзыхьын зылъэкIыщтыр?
وَقِيلَ مَنْ ۜ رَاقٍ
28 ЗэпэIапчъэ зыщыхъущтхэ уахътэр зэрэблагъэр цIыфым къызыгурыIокIэ,
وَظَنَّ أَنَّهُ الْفِرَاقُ
29 ЛъэкIапIэхэр зэрынагъэхэу,
وَالْتَفَّتِ السَّاقُ بِالسَّاقِ
30 А уахътэм о уи Тхьэ дэжь афыщтых.
إِلَىٰ رَبِّكَ يَوْمَئِذٍ الْمَسَاقُ
31 Ащ диныр ышIошъ хъущтыгъэп, нэмаз ышIыщтыгъэп.
فَلَا صَدَّقَ وَلَا صَلَّىٰ
32 Ащ КъурIаныр пцIыкIэ ылъытэщтыгъэ, ыкIыб къыгъазэщтыгъэ.
وَلَٰكِنْ كَذَّبَ وَتَوَلَّىٰ
33 ЕтIанэ ар пагэу иунагъо дэжькIэ IукIыжьыгъ.
ثُمَّ ذَهَبَ إِلَىٰ أَهْلِهِ يَتَمَطَّىٰ
34 Ау сыхьатыр къэсы, ар благъэ.
أَوْلَىٰ لَكَ فَأَوْلَىٰ
35 Ар зэпыу имыIэу нахь благъэ къэхъу, аужыпкъэм, джыри нахь благъэ къэхъу.
ثُمَّ أَوْلَىٰ لَكَ فَأَوْلَىٰ
36 Шъхьафитэу къагъэнэным цIыфыр егупшыса?
أَيَحْسَبُ الْإِنْسَانُ أَنْ يُتْرَكَ سُدًى
37 ПсынкIэу зэхэчъырэ хъопсащэу апэм ар щытыгъэба?
أَلَمْ يَكُ نُطْفَةً مِنْ مَنِيٍّ يُمْنَىٰ
38 ЕтIанэ ар лъыпцIагъэ хъуи, ащ Тхьэм ар хишIыкIыгъэба?
ثُمَّ كَانَ عَلَقَةً فَخَلَقَ فَسَوَّىٰ
39 Ащ Алахьым зэгъуситIу хишIыкIыгъ-хъулъфыгъэмрэ бзылъфыгъэмрэ.
فَجَعَلَ مِنْهُ الزَّوْجَيْنِ الذَّكَرَ وَالْأُنْثَىٰ
40 ЛIагъэхэр къыгъэхъужьынхэм пае Ащ лъэкIэу иIэр икъущтба?
أَلَيْسَ ذَٰلِكَ بِقَادِرٍ عَلَىٰ أَنْ يُحْيِيَ الْمَوْتَىٰ