Алшъаффат - الصافات - Those Ranging in Ranks

1 Iуагъэ сэшIы сатырэ зэготхэмкIэ,
بِسْمِ اللَّهِ الرَّحْمَٰنِ الرَّحِيمِ وَالصَّافَّاتِ صَفًّا
2 Къаигъэу IузыфхэрэмкIэ,
فَالزَّاجِرَاتِ زَجْرًا
3 ГукъэкIыжьхэр къэзыIуатэхэрэмкIэ,
فَالتَّالِيَاتِ ذِكْرًا
4 Шъыпкъэ дэдэмкIэ шъуи Тхьэ зы,
إِنَّ إِلَٰهَكُمْ لَوَاحِدٌ
5 Уашъоми, чIыгуми, ахэмэ азфагу илъыми я Тхьэ, тыгъэкъокIыпIэм и Тхьэ!
رَبُّ السَّمَاوَاتِ وَالْأَرْضِ وَمَا بَيْنَهُمَا وَرَبُّ الْمَشَارِقِ
6 ШъыпкъэмкIэ, анахь ошъо благъэр, жъуагъомэ ядэхагъэкIэ Тэ дгъэкIэрэкIагъэ.
إِنَّا زَيَّنَّا السَّمَاءَ الدُّنْيَا بِزِينَةٍ الْكَوَاكِبِ
7 Сыд фэдэрэ шэйтан бзаджэ щытыухъумэным пае,
وَحِفْظًا مِنْ كُلِّ شَيْطَانٍ مَارِدٍ
8 Алахь лъагэм ахэр едэIухэрэп, ахэмэ бгъу пстэумкIи яох.
لَا يَسَّمَّعُونَ إِلَى الْمَلَإِ الْأَعْلَىٰ وَيُقْذَفُونَ مِنْ كُلِّ جَانِبٍ
9 Iуафынхэм пае ахэмэ хьазаб пщыныжь афыщылъ.
دُحُورًا ۖ وَلَهُمْ عَذَابٌ وَاصِبٌ
10 Ащ фэдэ тыгъугъэ ышIынэу ахэмэ ащыщ горэ зэрэфежьагъэм лъыпытэу, мэшIо тхъобзэ нэфынэу бзэгу пчъагъэ зиIэм ащ ыуж ефы.
إِلَّا مَنْ خَطِفَ الْخَطْفَةَ فَأَتْبَعَهُ شِهَابٌ ثَاقِبٌ
11 Ахэмэ яупчI: Ахэра нахь лъэшхэу къагъэшIыгъэхэр е Тэ къэдгъэшIыгъэхэр ара? Тэ ахэр Iэм къепкIырэ ятIэм хэтшIыкIыгъэх!
فَاسْتَفْتِهِمْ أَهُمْ أَشَدُّ خَلْقًا أَمْ مَنْ خَلَقْنَا ۚ إِنَّا خَلَقْنَاهُمْ مِنْ طِينٍ لَازِبٍ
12 Ары, о огъэшIагъо, ау ахэр мэщхых;
بَلْ عَجِبْتَ وَيَسْخَرُونَ
13 Ащ фэгъэхьыгъэу агу къызагъэкIыжькIэ, ахэмэ агу къэкIыжьрэп,
وَإِذَا ذُكِّرُوا لَا يَذْكُرُونَ
14 Iэятэ къэгъэшъыпкъэжьыгъэ горэ залъэгъукIэ, дэхьащхых,
وَإِذَا رَأَوْا آيَةً يَسْتَسْخِرُونَ
15 АIо: "Ар нэрлъэгъу шхъухь ныIэп!
وَقَالُوا إِنْ هَٰذَا إِلَّا سِحْرٌ مُبِينٌ
16 Тэ тызылIахэу яжьэ къупшъхьэ тызыхъужькIэ, тыкъэхъужьынэуи?
أَإِذَا مِتْنَا وَكُنَّا تُرَابًا وَعِظَامًا أَإِنَّا لَمَبْعُوثُونَ
17 Тэ тыкъызтекIыгъэхэри ащ фэдэуи?
أَوَآبَاؤُنَا الْأَوَّلُونَ
18 ЯIу: "Ары, ащ игъусэу шъо гъэцIыкIугъэ шъухъущт!"
قُلْ نَعَمْ وَأَنْتُمْ دَاخِرُونَ
19 Мары, зы джэмэкъэ пхъаш ныIэп ищыкIагъэр, заплъыхьэу ахэмэ рагъэжьэщт,
فَإِنَّمَا هِيَ زَجْرَةٌ وَاحِدَةٌ فَإِذَا هُمْ يَنْظُرُونَ
20 АIощт: "Тэ Тхьэр къытэуагъ! Ар тиIоф зыщаIощт мафэр ары".
وَقَالُوا يَا وَيْلَنَا هَٰذَا يَوْمُ الدِّينِ
21 Шъо пцIыкIэ шъулъытэщтыгъэ мафэу шъузыщызэхафыщтыр ары.
هَٰذَا يَوْمُ الْفَصْلِ الَّذِي كُنْتُمْ بِهِ تُكَذِّبُونَ
22 Яныбджэгъухэр ягъусэхэу, жъалымагъэ зезыхьэщтыгъэхэр, Алахьым фэшъхьафэу, ахэмэ шъхьащэ зыфашIыщтыгъэхэр къэшъуугъоих,
احْشُرُوا الَّذِينَ ظَلَمُوا وَأَزْوَاجَهُمْ وَمَا كَانُوا يَعْبُدُونَ
23 Ахэр джыхьнэм гъогум тешъущэх,
مِنْ دُونِ اللَّهِ فَاهْدُوهُمْ إِلَىٰ صِرَاطِ الْجَحِيمِ
24 Къэжъугъэуцух, ахэмэ къяупчIыщтых:
وَقِفُوهُمْ ۖ إِنَّهُمْ مَسْئُولُونَ
25 "Сыда къышъохъулIагъэр, шъузэдеIэжьрэпи?"
مَا لَكُمْ لَا تَنَاصَرُونَ
26 Ары, непэ ахэр IорышIэх!
بَلْ هُمُ الْيَوْمَ مُسْتَسْلِمُونَ
27 ЗэупчIыжьхэзэ, ахэмэ зым адырэм зыфегъазэ.
وَأَقْبَلَ بَعْضُهُمْ عَلَىٰ بَعْضٍ يَتَسَاءَلُونَ
28 Ахэмэ аIо: "Джабгъу лъэныкъомкIэ къикIхэу шъорба ащыгъум тадэжь къэкIогъагъэхэр?"
قَالُوا إِنَّكُمْ كُنْتُمْ تَأْتُونَنَا عَنِ الْيَمِينِ
29 Адырэмэ аIощт: "Хьау, шъо Тхьэр шъушIошъ хъоу шъущытыгъэп,
قَالُوا بَلْ لَمْ تَكُونُوا مُؤْمِنِينَ
30 ШъоркIэ тэ лъэкI тиIагъэп, шъо ащыгъум гъунэм нэсэу зэкIокIыгъэ цIыф лъэпкъэу шъущытыгъ.
وَمَا كَانَ لَنَا عَلَيْكُمْ مِنْ سُلْطَانٍ ۖ بَلْ كُنْتُمْ قَوْمًا طَاغِينَ
31 Ти Тхьэ игущыIэ тэркIэ къэшъыпкъэжьыгъ, джы тэ тыушэтыщт!
فَحَقَّ عَلَيْنَا قَوْلُ رَبِّنَا ۖ إِنَّا لَذَائِقُونَ
32 Тэ шъо шъудгъэгъощагъ, сыда пIомэ тэри гъощагъэу тыщытыгъ."
فَأَغْوَيْنَاكُمْ إِنَّا كُنَّا غَاوِينَ
33 А мафэм хьазабэу ащэчыщтымкIэ ахэр нэмыкIхэм гъусэ афэхъущтых.
فَإِنَّهُمْ يَوْمَئِذٍ فِي الْعَذَابِ مُشْتَرِكُونَ
34 Шъыпкъэ дэдэмкIэ, псэкIодшIэгъабэ зиIэхэм Тэ джаущтэу тадэзекIо!
إِنَّا كَذَٰلِكَ نَفْعَلُ بِالْمُجْرِمِينَ
35 Ахэмэ араIо зэхъум: "Алахьым фэшъхьаф Тхьэ щыIэп!" загъэпагэщтыгъэ,
إِنَّهُمْ كَانُوا إِذَا قِيلَ لَهُمْ لَا إِلَٰهَ إِلَّا اللَّهُ يَسْتَكْبِرُونَ
36 АIощтыгъэ: "Зытет шъыпкъэмкIэ, ышъэ икIыгъэ усакIом пае тэ титхьэхэр IэкIыб тшIынха?"
وَيَقُولُونَ أَئِنَّا لَتَارِكُو آلِهَتِنَا لِشَاعِرٍ مَجْنُونٍ
37 Хьау, шъыпкъэр голъэу ар къэкIуагъ, лIыкIохэр зэрэщыIагъэхэр къеушыхьаты.
بَلْ جَاءَ بِالْحَقِّ وَصَدَّقَ الْمُرْسَلِينَ
38 Шъо, Iо хэлъэп, хьазаб пщынэжьыр зэхэшъушIэщт!
إِنَّكُمْ لَذَائِقُو الْعَذَابِ الْأَلِيمِ
39 Шъо шъушIагъэм пай ныIэп тынэу къышъуатыщтыр.
وَمَا تُجْزَوْنَ إِلَّا مَا كُنْتُمْ تَعْمَلُونَ
40 Алахьым иIумэтхэу гу къабзэ зиIэхэм афэшъхьафрэ,
إِلَّا عِبَادَ اللَّهِ الْمُخْلَصِينَ
41 Ахэмэ Iахь гъэнэфагъэ яIэщт.
أُولَٰئِكَ لَهُمْ رِزْقٌ مَعْلُومٌ
42 Пхъэшъхьэ=мышъхьэхэм лъытэныгъэ щафашIыщт
فَوَاكِهُ ۖ وَهُمْ مُكْرَمُونَ
43 Джэнэт тхъагъохэм.
فِي جَنَّاتِ النَّعِيمِ
44 ЗэпэIусхэу ахэр тетIысхьапIэмэ щатесыщтых.
عَلَىٰ سُرُرٍ مُتَقَابِلِينَ
45 Ахэмэ псынэкIэчъыпс къаргъор зэрыт Iэгубжъэхэр адаIыгъхэу къадекIокIыщтых.
يُطَافُ عَلَيْهِمْ بِكَأْسٍ مِنْ مَعِينٍ
46 Ешъохэрэр фыжэу ыгъатхъэхэу.
بَيْضَاءَ لَذَّةٍ لِلشَّارِبِينَ
47 Узгъэчэфын ащ хэлъэп, ахэр ащ ыгъэулэущтхэп.
لَا فِيهَا غَوْلٌ وَلَا هُمْ عَنْهَا يُنْزَفُونَ
48 Ахэмэ апашъхьэ нэплъэгъу укIытапхэхэр зиIэхэр, зынэхэр нэфынэхэу,
وَعِنْدَهُمْ قَاصِرَاتُ الطَّرْفِ عِينٌ
49 Фэсакъхэзэ къаухъумэрэ кIэнкIэмэ афэдэ къабзэхэр итыщтых.
كَأَنَّهُنَّ بَيْضٌ مَكْنُونٌ
50 ЗэупчIыжьыхэу ахэмэ рагъэжьэщт.
فَأَقْبَلَ بَعْضُهُمْ عَلَىٰ بَعْضٍ يَتَسَاءَلُونَ
51 Ащыщ горэм ыIуагъ: "Сэ ныбджэгъу сиIагъ.
قَالَ قَائِلٌ مِنْهُمْ إِنِّي كَانَ لِي قَرِينٌ
52 Ащ ыIощтыгъэ: "Мыр шъыпкъэу зылъытэрэмэ ори уащыща?
يَقُولُ أَإِنَّكَ لَمِنَ الْمُصَدِّقِينَ
53 Тэ тылIэжьэу, яжьэ къупшъхьэ тызыхъужьрэм, тэ тиIоф аIожьынэуи?"
أَإِذَا مِتْنَا وَكُنَّا تُرَابًا وَعِظَامًا أَإِنَّا لَمَدِينُونَ
54 Ащ еIо: "Шъо ащ зыпари ишъулъагъорэба?"
قَالَ هَلْ أَنْتُمْ مُطَّلِعُونَ
55 Адырэр иплъагъ, ар джэхьнэм пчэгум рилъэгъуагъ.
فَاطَّلَعَ فَرَآهُ فِي سَوَاءِ الْجَحِيمِ
56 Ащ ыIуагъ: "Алахьым ыцIэкIэ Тхьэ сэIо! О сэ сыбгъэкIодыным уфэхьазырыгъ.
قَالَ تَاللَّهِ إِنْ كِدْتَ لَتُرْدِينِ
57 Сэ си Тхьэ ишIушIэн мыхъугъэмэ, сэри мыщ исмэ ащыщ сыхъущтыгъэ.
وَلَوْلَا نِعْمَةُ رَبِّي لَكُنْتُ مِنَ الْمُحْضَرِينَ
58 Тэ тылIэжьыщтба,
أَفَمَا نَحْنُ بِمَيِّتِينَ
59 Апэрэ лIэныгъэм фэшъхьафкIэ тэ тагъэпщынэщтба?"
إِلَّا مَوْتَتَنَا الْأُولَىٰ وَمَا نَحْنُ بِمُعَذَّبِينَ
60 Шъыпкъэ дэдэмкIэ, ар тхъэгъо ин дэдэу щыт!
إِنَّ هَٰذَا لَهُوَ الْفَوْزُ الْعَظِيمُ
61 Мыщ фэдэм ихьатыркIэ лажьэхэрэр орэлажьэх.
لِمِثْلِ هَٰذَا فَلْيَعْمَلِ الْعَامِلُونَ
62 А шхынра нахьышIур е панэхэр зытет чъыгра?
أَذَٰلِكَ خَيْرٌ نُزُلًا أَمْ شَجَرَةُ الزَّقُّومِ
63 Хэбзэнчъэ зышIэхэрэр рыдгъэпщынэнхэм пае Тэ ар къэдгъэкIыгъ.
إِنَّا جَعَلْنَاهَا فِتْنَةً لِلظَّالِمِينَ
64 Ар джэхьнэм лъачIэм къыхэкIрэ чъыг.
إِنَّهَا شَجَرَةٌ تَخْرُجُ فِي أَصْلِ الْجَحِيمِ
65 Ащ къыпыкIэхэрэр шэйтаным ышъхьэ фэдэ къабзэх.
طَلْعُهَا كَأَنَّهُ رُءُوسُ الشَّيَاطِينِ
66 Ахэмэ ар ашхы, аныбэ изы ашIы.
فَإِنَّهُمْ لَآكِلُونَ مِنْهَا فَمَالِئُونَ مِنْهَا الْبُطُونَ
67 ЕтIанэ псэу къажъорэм ахэр рагъэшъощтых.
ثُمَّ إِنَّ لَهُمْ عَلَيْهَا لَشَوْبًا مِنْ حَمِيمٍ
68 ЕтIанэ, шъыпкъэ дэдэмкIэ, ахэмэ якъекIолIэжьыпIэщтыр джэхьнэмыр ары.
ثُمَّ إِنَّ مَرْجِعَهُمْ لَإِلَى الْجَحِيمِ
69 Ятэхэр гъощагъэхэу зэрэщытыгъэхэр ахэмэ алъэгъущт.
إِنَّهُمْ أَلْفَوْا آبَاءَهُمْ ضَالِّينَ
70 Ятэхэм ялъэуж тетхэу ахэр зэрэкIуагъэхэри алъэгъущт.
فَهُمْ عَلَىٰ آثَارِهِمْ يُهْرَعُونَ
71 Джыри ахэмэ апэкIэ щыIэгъэ цIыфмэ ащыщыбэхэр гъощагъэхэу щытыгъэх.
وَلَقَدْ ضَلَّ قَبْلَهُمْ أَكْثَرُ الْأَوَّلِينَ
72 Ахэмэ яушъыизэ агурызгъэIощтхэр Тэ афэдгъакIощтыгъэх.
وَلَقَدْ أَرْسَلْنَا فِيهِمْ مُنْذِرِينَ
73 ГъэдэIокIо ушъыякIомэ кIэух афэхъугъэм еплъ,
فَانْظُرْ كَيْفَ كَانَ عَاقِبَةُ الْمُنْذَرِينَ
74 Алахьым гукъабзэ фызиIэ иIумэтхэм афэшъхьафрэ!
إِلَّا عِبَادَ اللَّهِ الْمُخْلَصِينَ
75 Мары, Тэ Нухьэ къытэлъэIугъ, Тэ ащ джэуап шIагъо тызэрэфэхъугъэр!
وَلَقَدْ نَادَانَا نُوحٌ فَلَنِعْمَ الْمُجِيبُونَ
76 Ари ащ илъэпкъи тхьамыкIэгъошхом Тэ щытыухъумагъ.
وَنَجَّيْنَاهُ وَأَهْلَهُ مِنَ الْكَرْبِ الْعَظِيمِ
77 Ащ къыкIэныгъэр ежь ыуж къэнэнхэу тшIыгъэ.
وَجَعَلْنَا ذُرِّيَّتَهُ هُمُ الْبَاقِينَ
78 КъыкIэныгъэхэм Тэ ащ сэламэу фахьыжьыщтыр къахэдгъэнагъ:
وَتَرَكْنَا عَلَيْهِ فِي الْآخِرِينَ
79 "Зэрэдунаеу Нухьэ мамыр щегъот!"
سَلَامٌ عَلَىٰ نُوحٍ فِي الْعَالَمِينَ
80 ШIу зышIэхэрэм Тэ джаущтэу тятэ!
إِنَّا كَذَٰلِكَ نَجْزِي الْمُحْسِنِينَ
81 Шъыпкъэ дэдэмкIэ, ар Тэ тиIумэтхэм ащыщэу диныр зышIошъ хъурэмэ ащыщ!
إِنَّهُ مِنْ عِبَادِنَا الْمُؤْمِنِينَ
82 ЕтIанэ Тэ нэмыкIхэр чIедгъэхьагъэх.
ثُمَّ أَغْرَقْنَا الْآخَرِينَ
83 Ащ идин итыгъ Ибрахьими.
وَإِنَّ مِنْ شِيعَتِهِ لَإِبْرَاهِيمَ
84 Ар и Тхьэ дэжь гу зафэ иIэу къэкIуагъ.
إِذْ جَاءَ رَبَّهُ بِقَلْبٍ سَلِيمٍ
85 Мары, ащ ятэ, ицIыф лъэпкъ ариIуагъ: "Шъо сыда шъхьащэ зыфэшъушIырэр?
إِذْ قَالَ لِأَبِيهِ وَقَوْمِهِ مَاذَا تَعْبُدُونَ
86 Алахьым фэшъхьафэу къэугупшысыгъэр шъо тхьэкIэ шъуштэнэу шъуфэенэуи?
أَئِفْكًا آلِهَةً دُونَ اللَّهِ تُرِيدُونَ
87 Зэрэдунае и Тхьэ шъо сыда хэшIыкIэу фышъуиIэр?
فَمَا ظَنُّكُمْ بِرَبِّ الْعَالَمِينَ
88 Ащ инэплъэгъу жъуагъохэм атыридзагъ,
فَنَظَرَ نَظْرَةً فِي النُّجُومِ
89 ЫIуагъ: "Шъыпкъэ дэдэмкIэ, сэ сысымадж!"
فَقَالَ إِنِّي سَقِيمٌ
90 ЗэкIэкIожьхэзэ, ахэмэ ащ ыкIыб къыфагъэзагъ.
فَتَوَلَّوْا عَنْهُ مُدْبِرِينَ
91 Джащыгъум ар гъэбылъыгъэкIэ ахэмэ ятхьэмэ адэжь ихьагъ, ариIуагъ: "Шъо шъушхэрэба?
فَرَاغَ إِلَىٰ آلِهَتِهِمْ فَقَالَ أَلَا تَأْكُلُونَ
92 Сыда къышъохъулIагъэр, шъугущыIэрэба?"
مَا لَكُمْ لَا تَنْطِقُونَ
93 Ахэмэ якIуалIи, Iэ джабгъумкIэ яуагъ.
فَرَاغَ عَلَيْهِمْ ضَرْبًا بِالْيَمِينِ
94 Адырэхэр гузажъохэзэ, ыдэжь къекIухэ зэхъум,
فَأَقْبَلُوا إِلَيْهِ يَزِفُّونَ
95 ЫIуагъ: "Шъо мыжъом хэшъуупкIыгъэм сыдэущтэу шъхьащэ фэшъушIыра?
قَالَ أَتَعْبُدُونَ مَا تَنْحِتُونَ
96 Шъори шъо шъушIыри Алахьым къыгъэшIыгъ".
وَاللَّهُ خَلَقَكُمْ وَمَا تَعْمَلُونَ
97 Ахэмэ аIуагъ: "Ащ пае пхъэ машIо шъушIы, ар машIом пэшъудз!"
قَالُوا ابْنُوا لَهُ بُنْيَانًا فَأَلْقُوهُ فِي الْجَحِيمِ
98 Ащ пэшIуекIоу бзэджэгъэ гухэлъ шъэфхэр фызэхалъхьагъэх, ау Тэ ахэр тыушъхьакIугъэх.
فَأَرَادُوا بِهِ كَيْدًا فَجَعَلْنَاهُمُ الْأَسْفَلِينَ
99 Ащ ыIуагъ: "Сэ си Тхьэ дэжь сэкIо, сэ Ащ гъогу занкIэкIэ сищэщт.
وَقَالَ إِنِّي ذَاهِبٌ إِلَىٰ رَبِّي سَيَهْدِينِ
100 Я Алахь! ШэнышIу зиIэ кIалэ къысэт!"
رَبِّ هَبْ لِي مِنَ الصَّالِحِينَ
101 Тэ ар кIэлэ IасэкIэ дгъэгушIуагъэ.
فَبَشَّرْنَاهُ بِغُلَامٍ حَلِيمٍ
102 Ятэ игъусэу лэжьэн ылъэкIыным ар зынэсым, ащ ыIуагъ: "Сишъау! Къурмэныпхъэ усшIэу пкIыхьапIэ слъэгъугъэ, къызэхэф, къаIо о ащ узэрегупшысэрэр". Ащ ыIуагъ: "Тят, унашъоу о къыпфашIыгъэр шIэ, Алахьым шIоигъомэ, щэIагъэ зэрэсхэлъыр о плъэгъущт".
فَلَمَّا بَلَغَ مَعَهُ السَّعْيَ قَالَ يَا بُنَيَّ إِنِّي أَرَىٰ فِي الْمَنَامِ أَنِّي أَذْبَحُكَ فَانْظُرْ مَاذَا تَرَىٰ ۚ قَالَ يَا أَبَتِ افْعَلْ مَا تُؤْمَرُ ۖ سَتَجِدُنِي إِنْ شَاءَ اللَّهُ مِنَ الصَّابِرِينَ
103 НэбгыритIуми IорышIэхэу Алахьым зызыратым, ащ икIалэ ынэгу егъэзыхыгъэу чIыгум зытырегъэгъуалъхьэм,
فَلَمَّا أَسْلَمَا وَتَلَّهُ لِلْجَبِينِ
104 Тэ ащ макъэ къедгъэIугъ: "О Ибрахьим!
وَنَادَيْنَاهُ أَنْ يَا إِبْرَاهِيمُ
105 ПкIыхьыпIэу плъэгъугъэр о къэбгъэшъыпкъэжьыгъ". ШIу зышIэхэрэм Тэ джаущтэу тятэ!
قَدْ صَدَّقْتَ الرُّؤْيَا ۚ إِنَّا كَذَٰلِكَ نَجْزِي الْمُحْسِنِينَ
106 Шъыпкъэ дэдэмкIэ, ар ушэтын гъэнэфагъ.
إِنَّ هَٰذَا لَهُوَ الْبَلَاءُ الْمُبِينُ
107 Тэ ар тын лъапIэкIэ тыухыижьыгъэ.
وَفَدَيْنَاهُ بِذِبْحٍ عَظِيمٍ
108 Ащ къыкIэныгъэмэ сэлам фахьыжьынэу Тэ къахэдгъэнагъ:
وَتَرَكْنَا عَلَيْهِ فِي الْآخِرِينَ
109 "Ибрахьимэ мамыр егъот!"
سَلَامٌ عَلَىٰ إِبْرَاهِيمَ
110 ШIу зышIэхэрэм Тэ джаущтэу тятэ!
كَذَٰلِكَ نَجْزِي الْمُحْسِنِينَ
111 Диныр зышIошъ хъоу Тэ тиIумэтмэ ар ащыщыгъ.
إِنَّهُ مِنْ عِبَادِنَا الْمُؤْمِنِينَ
112 Исхьакъ пегъэмбарэу диныр зыгу илъыгъэм фэгъэхьыгъэ къэбарымкIэ ар Тэ дгъэгушIуагъэ,
وَبَشَّرْنَاهُ بِإِسْحَاقَ نَبِيًّا مِنَ الصَّالِحِينَ
113 Ежьыри Исхьакъи яморад къадэхъунэу етIолIагъ, ау ахэмэ къатекIыгъэхэр зыр зэфашIэу, адырэр псэкIодышIэ нэфэу хъугъэх.
وَبَارَكْنَا عَلَيْهِ وَعَلَىٰ إِسْحَاقَ ۚ وَمِنْ ذُرِّيَّتِهِمَا مُحْسِنٌ وَظَالِمٌ لِنَفْسِهِ مُبِينٌ
114 БэшIагъэу Моси Хьаруни Тэ тишIушIэн афэтшIагъ.
وَلَقَدْ مَنَنَّا عَلَىٰ مُوسَىٰ وَهَارُونَ
115 Ахэр яцIыф лъэпкъыхэр ягъусэхэу тхьамыкIэгъошхом хэтщыжьыгъэх.
وَنَجَّيْنَاهُمَا وَقَوْمَهُمَا مِنَ الْكَرْبِ الْعَظِيمِ
116 Ахэмэ тадеIагъ, ахэр текIуагъэх.
وَنَصَرْنَاهُمْ فَكَانُوا هُمُ الْغَالِبِينَ
117 НэбгыритIуми Тэ тхылъ зэхэугуфыкIыгъэ яттыгъ.
وَآتَيْنَاهُمَا الْكِتَابَ الْمُسْتَبِينَ
118 Ахэр гъогу занкIэм тетщагъэх.
وَهَدَيْنَاهُمَا الصِّرَاطَ الْمُسْتَقِيمَ
119 Ахэмэ къакIэныжьыгъэхэм сэламэу афахьыжьыщтыр къахэдгъэнагъ:
وَتَرَكْنَا عَلَيْهِمَا فِي الْآخِرِينَ
120 "Мосэрэ Хьарунэрэ мамыр агъот!"
سَلَامٌ عَلَىٰ مُوسَىٰ وَهَارُونَ
121 ШIу зышIэхэрэм Тэ джаущтэу тятэ!
إِنَّا كَذَٰلِكَ نَجْزِي الْمُحْسِنِينَ
122 Диныр зыгу илъхэу Тэ тиIумэтхэм а нэбгыритIур ащыщыгъ.
إِنَّهُمَا مِنْ عِبَادِنَا الْمُؤْمِنِينَ
123 Шъыпкъэ дэдэмкIэ, Иляс лIыкIоу щытыгъ.
وَإِنَّ إِلْيَاسَ لَمِنَ الْمُرْسَلِينَ
124 Ащ ицIыф лъэпкъ риIуагъ: "Тхьэм ищынагъо шъугу имылъэу шъущытынэуи?
إِذْ قَالَ لِقَوْمِهِ أَلَا تَتَّقُونَ
125 Бахьыл нэмаз фэшъушIынышъ, гъэпсакIомэ анахьышIур IэкIыб шъушIынэуи?"
أَتَدْعُونَ بَعْلًا وَتَذَرُونَ أَحْسَنَ الْخَالِقِينَ
126 Алахьыр шъуи Тхьэ, шъуятэмэ ятэхэми я Тхь.
اللَّهَ رَبَّكُمْ وَرَبَّ آبَائِكُمُ الْأَوَّلِينَ
127 Ахэмэ ар гъэпцIакIокIэ алъытагъ. Шъыпкъэ дэдэмкIэ, ахэр Сэ сапашъхьэ къихьажьыщтых!
فَكَذَّبُوهُ فَإِنَّهُمْ لَمُحْضَرُونَ
128 Алахьым иIумэтхэу диныр зыгу илъхэм афэшъхьафрэ.
إِلَّا عِبَادَ اللَّهِ الْمُخْلَصِينَ
129 Уахътэ тешIэмэ ащ къыкIэныгъэмэ фахьыжьыщт сэламыр къахэдгъэнагъ:
وَتَرَكْنَا عَلَيْهِ فِي الْآخِرِينَ
130 "Иляс мамыр егъот!"
سَلَامٌ عَلَىٰ إِلْ يَاسِينَ
131 ШIу зышIэхэрэм Тэ джаущтэу тятэ!
إِنَّا كَذَٰلِكَ نَجْزِي الْمُحْسِنِينَ
132 Диныр зыгу илъэу Тэ тиIумэтмэ ар ащыщыгъ.
إِنَّهُ مِنْ عِبَادِنَا الْمُؤْمِنِينَ
133 ЛютIи лIыкIоу щытыгъ.
وَإِنَّ لُوطًا لَمِنَ الْمُرْسَلِينَ
134 Ари зэкIэ ащ илъэпкъи къэдгъэнэжьыгъ.
إِذْ نَجَّيْنَاهُ وَأَهْلَهُ أَجْمَعِينَ
135 Тэ жъы хъугъэ ишъузэу къэнагъэмэ къахэнагъэм фэшъхьафрэ,
إِلَّا عَجُوزًا فِي الْغَابِرِينَ
136 Адырэхэр Тэ дгъэкIодыгъэх.
ثُمَّ دَمَّرْنَا الْآخَرِينَ
137 Шъо ахэмэ пчэдыжьым
وَإِنَّكُمْ لَتَمُرُّونَ عَلَيْهِمْ مُصْبِحِينَ
138 чэщым шъуябгъукIо, шъо акъыл къэжъугъотынба?
وَبِاللَّيْلِ ۗ أَفَلَا تَعْقِلُونَ
139 Юныси лIыкIоу щытыгъ.
وَإِنَّ يُونُسَ لَمِنَ الْمُرْسَلِينَ
140 "Мары, хьылъэ зэрылъ къухьэу IукIыжьрэм дэжькIэ ащ кIиIэжьыгъ.
إِذْ أَبَقَ إِلَى الْفُلْكِ الْمَشْحُونِ
141 Пхъэдз радзагъ, ар мысэу къычIэкIыгъ,
فَسَاهَمَ فَكَانَ مِنَ الْمُدْحَضِينَ
142 Пцэжъыем ар ыдырыгъ, сыда пIомэ уумысыныр фэшъуашэу щытыгъэшъ ары.
فَالْتَقَمَهُ الْحُوتُ وَهُوَ مُلِيمٌ
143 Щытхъур зыIорэмэ ащымыщэу ар щытыгъэмэ,
فَلَوْلَا أَنَّهُ كَانَ مِنَ الْمُسَبِّحِينَ
144 Ахэр къызщыхъужьыщтхэ мафэм нэс ащ ыныбэ ар къинэни.
لَلَبِثَ فِي بَطْنِهِ إِلَىٰ يَوْمِ يُبْعَثُونَ
145 Хы Iушъо нэкIым Тэ ар тетыдзагъ, ащыгъум ар сымэджагъ.
فَنَبَذْنَاهُ بِالْعَرَاءِ وَهُوَ سَقِيمٌ
146 Ащ ышъхьагъ къэбыр къыщыкIынэу Тэ унашъо тшIыгъэ.
وَأَنْبَتْنَا عَلَيْهِ شَجَرَةً مِنْ يَقْطِينٍ
147 ЕтIанэ нэбгырэ минишъэ е къехъоу цIыфхэр зыдэс къалэм дгъэкIуагъэ.
وَأَرْسَلْنَاهُ إِلَىٰ مِائَةِ أَلْفٍ أَوْ يَزِيدُونَ
148 Ахэмэ шIошъхъуныгъэ шъыпкъэ ашIыгъ, тхъэжьхэу щыIэнхэу Тэ пIалъэ яттыгъ.
فَآمَنُوا فَمَتَّعْنَاهُمْ إِلَىٰ حِينٍ
149 Ахэмэ яупчI: "Ахэмэ кIалэхэр зэряIэхэм фэдэу о уи Тхьэ пхъухэр иIэха?"
فَاسْتَفْتِهِمْ أَلِرَبِّكَ الْبَنَاتُ وَلَهُمُ الْبَنُونَ
150 МэлаIичхэр Тэ бзылъфыгъэхэу къэдгъэхъугъэха, ахэмэ алъэгъугъа?
أَمْ خَلَقْنَا الْمَلَائِكَةَ إِنَاثًا وَهُمْ شَاهِدُونَ
151 Еплъ, шъхьэнэкIыгъэба ахэмэ аIоныр:
أَلَا إِنَّهُمْ مِنْ إِفْكِهِمْ لَيَقُولُونَ
152 "Тхьэм кIэлэцIыкIухэр къыфэхъугъэх! Ахэмэ пцIы аусы.
وَلَدَ اللَّهُ وَإِنَّهُمْ لَكَاذِبُونَ
153 Къомэ анахьи пхъухэр Ащ нахь къахихыгъэнхэуи?
أَصْطَفَى الْبَنَاتِ عَلَى الْبَنِينَ
154 Сыд фэдэ лъапсэ яIэу ахэр аущтэу тегущыIэхэра?
مَا لَكُمْ كَيْفَ تَحْكُمُونَ
155 Ахэмэ зыкъашIэжьын амылъэкIэуи?
أَفَلَا تَذَكَّرُونَ
156 Е ахэмэ нафэу къызэрагъэшъыпкъэжьын яIа?
أَمْ لَكُمْ سُلْطَانٌ مُبِينٌ
157 Шъо шъузафэмэ, шъуитхылъ къэшъухь!
فَأْتُوا بِكِتَابِكُمْ إِنْ كُنْتُمْ صَادِقِينَ
158 Тхьэмрэ джынэхэмрэ зэIахьылхэу ахэмэ аIо, ау джынэмэ ашIэ, уахътэ зытешIэкIэ, ахэр Ащ ыпашъхьэ зэрэрагъэхьажьыщтхэр.
وَجَعَلُوا بَيْنَهُ وَبَيْنَ الْجِنَّةِ نَسَبًا ۚ وَلَقَدْ عَلِمَتِ الْجِنَّةُ إِنَّهُمْ لَمُحْضَرُونَ
159 Ащ гуагъэуцохэрэр щыжъугъэзыехи, Алахьым ищытхъу шъуIо!
سُبْحَانَ اللَّهِ عَمَّا يَصِفُونَ
160 "Шъо зыр ары ныIэп Алахьым гу къабзэ фызиIэхэу иIумэтхэр.
إِلَّا عِبَادَ اللَّهِ الْمُخْلَصِينَ
161 Шъори шъо шъхьащэ зыфэшъушIыхэри
فَإِنَّكُمْ وَمَا تَعْبُدُونَ
162 Тхьэм фэгъэхьыгъэу дэжъугъэхынхэ шъулъэкIыщтхэр,
مَا أَنْتُمْ عَلَيْهِ بِفَاتِنِينَ
163 Джыхьнэм машIом щыстыщтхэр арых ныIэп.
إِلَّا مَنْ هُوَ صَالِ الْجَحِيمِ
164 Тэ тщыщ пэпчъ чIыпIэ гъэнэфагъэ иI.
وَمَا مِنَّا إِلَّا لَهُ مَقَامٌ مَعْلُومٌ
165 Шъыпкъэ дэдэмкIэ, тэ сатырэу тыщыт,
وَإِنَّا لَنَحْنُ الصَّافُّونَ
166 Тэ щытхъур Алахьым фэтэIо".
وَإِنَّا لَنَحْنُ الْمُسَبِّحُونَ
167 Ахэмэ къаигъагъэкIэ аIощтыгъэ:
وَإِنْ كَانُوا لَيَقُولُونَ
168 "ИжъыкIэ щыIагъэхэм шIэныгъэ къытатыжьыгъэу тиIагъэмэ,
لَوْ أَنَّ عِنْدَنَا ذِكْرًا مِنَ الْأَوَّلِينَ
169 Тэ Алахьым гу къабзэ фызиIэ иIумэтхэу тыщытыни".
لَكُنَّا عِبَادَ اللَّهِ الْمُخْلَصِينَ
170 Ау ахэмэ КъурIаныр щагъэзыягъ. Ахэмэ шIэхэу къашIэщт.
فَكَفَرُوا بِهِ ۖ فَسَوْفَ يَعْلَمُونَ
171 ЫпэкIэ джыри Тэ тиIумэтхэу къэдгъэкIогъагъэхэм Тэ тигущыIэ апэ къидгъэшъыгъэхагъ.
وَلَقَدْ سَبَقَتْ كَلِمَتُنَا لِعِبَادِنَا الْمُرْسَلِينَ
172 Шъыпкъэ дэдэмкIэ, ахэр ары текIуагъэ хъущтхэр.
إِنَّهُمْ لَهُمُ الْمَنْصُورُونَ
173 Тэ тидзэ ахэмэ текIоныгъэ къафихьыщт.
وَإِنَّ جُنْدَنَا لَهُمُ الْغَالِبُونَ
174 Арышъ, охътэ гъэнэфагъэкIэ ахэмэ уакIыб афэгъаз,
فَتَوَلَّ عَنْهُمْ حَتَّىٰ حِينٍ
175 Ахэмэ алъыплъ, ежьхэми алъэгъущт!
وَأَبْصِرْهُمْ فَسَوْفَ يُبْصِرُونَ
176 Тэ типщынэжь ахэр дэгузажъоха?
أَفَبِعَذَابِنَا يَسْتَعْجِلُونَ
177 Ар ахэмэ япсэупIэмэ къызафехыкIэ, джа акъыл зэрагъэгъотхэрэм япчэдыжь тхьамыкIагъо зэрэхъущтыр!
فَإِذَا نَزَلَ بِسَاحَتِهِمْ فَسَاءَ صَبَاحُ الْمُنْذَرِينَ
178 Охътэ гъэнэфагъэкIэ ахэмэ агокI,
وَتَوَلَّ عَنْهُمْ حَتَّىٰ حِينٍ
179 Ахэмэ алъыплъ, ежьхэми шIэхэу алъэгъущт!
وَأَبْصِرْ فَسَوْفَ يُبْصِرُونَ
180 Ахэмэ Ащ гуагъэуцохэрэр зимыIэу, щытхъум и Тхьэу, о уи Тхьэ щытхъур ыдэжь!
سُبْحَانَ رَبِّكَ رَبِّ الْعِزَّةِ عَمَّا يَصِفُونَ
181 Ащ илIыкIохэм мамыр агъот!
وَسَلَامٌ عَلَى الْمُرْسَلِينَ
182 Зэрэдунае и Тхьэу, Алахьым щытхъур ыдэжь!
وَالْحَمْدُ لِلَّهِ رَبِّ الْعَالَمِينَ