Алнур - النور - The Light

1 Мы сурэр Тэ къедгъэхыгъ, хабзэу къэдгъэуцугъ, ащ итэу Iэятэ къэгъэшъыпкъэжьыгъэ зэхэугуфыкIыгъэхэр шъо акъыл хэшъухынэу Тэ къедгъэхыгъ!
بِسْمِ اللَّهِ الرَّحْمَٰنِ الرَّحِيمِ سُورَةٌ أَنْزَلْنَاهَا وَفَرَضْنَاهَا وَأَنْزَلْنَا فِيهَا آيَاتٍ بَيِّنَاتٍ لَعَلَّكُمْ تَذَكَّرُونَ
2 Шъхьагъусэ зиIэ хъулъфыгъэ, бзылъфыгъэ хэтакIо пэпчъ огъуишъэкIэ жъугъэпщынэ. Шъо Алахьым, ахърэт мафэм шIошъхъуныгъэ шъыпкъэ афэшъушIыгъэмэ, Ащ идин шъуитэу ахэмэ гукIэгъу афэшъушIыным зыдежъугъэхьыхы хъущтэп. Ахэр жъугъэпщынэхэ зыхъукIэ, Тхьэр зышIошъ хъурэмэ ащыщхэу нэбгырэ заулэ щытынхэ фае.
الزَّانِيَةُ وَالزَّانِي فَاجْلِدُوا كُلَّ وَاحِدٍ مِنْهُمَا مِائَةَ جَلْدَةٍ ۖ وَلَا تَأْخُذْكُمْ بِهِمَا رَأْفَةٌ فِي دِينِ اللَّهِ إِنْ كُنْتُمْ تُؤْمِنُونَ بِاللَّهِ وَالْيَوْمِ الْآخِرِ ۖ وَلْيَشْهَدْ عَذَابَهُمَا طَائِفَةٌ مِنَ الْمُؤْمِنِينَ
3 Шъхьэгъусэ зиIэгъэ хъулъфыгъэ хэтакIом къыщэн фаер бзылъфыгъэ хэтакIоу шъхьэгъусэ зиIагъэр ары е тхьабэ зышIошъ хъущтыгъэр ары. Бзылъфыгъэ хэтакIоу шъхьэгъусэ зиIагъэр зыдэкIон фаер хъулъфыгъэ хэтакIоу шъхьэгъусэ зиIагъэр е тхьабэ зышIошъ хъурэр ары. Ау Тхьэр зышIошъ хъухэрэр ащ фитхэп.
الزَّانِي لَا يَنْكِحُ إِلَّا زَانِيَةً أَوْ مُشْرِكَةً وَالزَّانِيَةُ لَا يَنْكِحُهَا إِلَّا زَانٍ أَوْ مُشْرِكٌ ۚ وَحُرِّمَ ذَٰلِكَ عَلَى الْمُؤْمِنِينَ
4 ЛIы зиIэ бзылъфыгъэхэм пцIы атезылъхьэу шыхьатиплI къезымыщалIэхэрэр огъу тIокIиплIыкIэ жъугъэпщынэх, ахэр сыдигъокIи щыхьат шъумышIых, ахэр цIыф щыкIыгъэх,
وَالَّذِينَ يَرْمُونَ الْمُحْصَنَاتِ ثُمَّ لَمْ يَأْتُوا بِأَرْبَعَةِ شُهَدَاءَ فَاجْلِدُوهُمْ ثَمَانِينَ جَلْدَةً وَلَا تَقْبَلُوا لَهُمْ شَهَادَةً أَبَدًا ۚ وَأُولَٰئِكَ هُمُ الْفَاسِقُونَ
5 Ахэмэ ахэтых нэужым кIэгъожьхэрэр, цIыф тэрэз хъужьхэрэр, Алахьым къыпфегъэгъу, гукIэгъу хэлъ!
إِلَّا الَّذِينَ تَابُوا مِنْ بَعْدِ ذَٰلِكَ وَأَصْلَحُوا فَإِنَّ اللَّهَ غَفُورٌ رَحِيمٌ
6 Ежь фэшъхьаф шыхьат имыIэу ишъузхэр зыгъэмысэрэм ежь пае шыхьат ышIыщтыр плIэгъогогъо Алахьым ыцIэкIэ шъыпкъэ зэриIорэр ашIошъ зэригъэхъурэр ары,
وَالَّذِينَ يَرْمُونَ أَزْوَاجَهُمْ وَلَمْ يَكُنْ لَهُمْ شُهَدَاءُ إِلَّا أَنْفُسُهُمْ فَشَهَادَةُ أَحَدِهِمْ أَرْبَعُ شَهَادَاتٍ بِاللَّهِ ۙ إِنَّهُ لَمِنَ الصَّادِقِينَ
7 Ау ежь пцIыусмэ, ятфанэрэм Алахьым ибгыбзэ ежь тефэнэу ыIон фае.
وَالْخَامِسَةُ أَنَّ لَعْنَتَ اللَّهِ عَلَيْهِ إِنْ كَانَ مِنَ الْكَاذِبِينَ
8 Ар пцIыусэу ыIоу Алахьыр плIэ шыхьатэу къызихьыкIэ, бзылъфыгъэм ипщыныжь щагъэзые.
وَيَدْرَأُ عَنْهَا الْعَذَابَ أَنْ تَشْهَدَ أَرْبَعَ شَهَادَاتٍ بِاللَّهِ ۙ إِنَّهُ لَمِنَ الْكَاذِبِينَ
9 Ар шъыпкъаIоу щытмэ, Алахьым игубж лъэш ежь къытефэнэу, ятфанэрэу Алахьыр шыхьатэу къехьы.
وَالْخَامِسَةَ أَنَّ غَضَبَ اللَّهِ عَلَيْهَا إِنْ كَانَ مِنَ الصَّادِقِينَ
10 Алахьыр шъуфэхьалэлэу, шIу къышъуфишIэу щымытыгъэмэ, Алахьым ыгу къышъуфэгъоу, Iушэу щымытыгъэмэ ....
وَلَوْلَا فَضْلُ اللَّهِ عَلَيْكُمْ وَرَحْمَتُهُ وَأَنَّ اللَّهَ تَوَّابٌ حَكِيمٌ
11 ПцIы къыфэзыхьи уадэжь къэкIуагъэхэр шъо шъущыщых. Ар оркIэ бзэджагъэу умылъытэ, ар шъоркIэ шIугъэ. Ахэмэ ащыщ цIыф пэпчъ тефэщтыр псэкIодэу ыгъэхъагъэм фэдиз. Ахэмэ ащыщэу анахь псэкIодыбэ зыгъэхъагъэм пщыныжь ин дэдэ фыщылъ.
إِنَّ الَّذِينَ جَاءُوا بِالْإِفْكِ عُصْبَةٌ مِنْكُمْ ۚ لَا تَحْسَبُوهُ شَرًّا لَكُمْ ۖ بَلْ هُوَ خَيْرٌ لَكُمْ ۚ لِكُلِّ امْرِئٍ مِنْهُمْ مَا اكْتَسَبَ مِنَ الْإِثْمِ ۚ وَالَّذِي تَوَلَّىٰ كِبْرَهُ مِنْهُمْ لَهُ عَذَابٌ عَظِيمٌ
12 Ар зызэхэшъохым, Тхьэр зышIошъ хъурэ хъулъфыгъэри бзылъфыгъэри, сыд пае шъугукIэ дэгъоу шъуемыгупшысагъа, шъумыIуагъа: "Ар пцIы гъэнэфагъ!"
لَوْلَا إِذْ سَمِعْتُمُوهُ ظَنَّ الْمُؤْمِنُونَ وَالْمُؤْمِنَاتُ بِأَنْفُسِهِمْ خَيْرًا وَقَالُوا هَٰذَا إِفْكٌ مُبِينٌ
13 АщкIэ шыхьат нэбгыриплI сыд пае ахэмэ къамыщагъа? Ахэмэ шыхьатхэр къамыщагъэмэ, Алахьым ыпашъхьэ ахэр щыпцIыусых.
لَوْلَا جَاءُوا عَلَيْهِ بِأَرْبَعَةِ شُهَدَاءَ ۚ فَإِذْ لَمْ يَأْتُوا بِالشُّهَدَاءِ فَأُولَٰئِكَ عِنْدَ اللَّهِ هُمُ الْكَاذِبُونَ
14 ГъашIэу шъузхэтым, ахърэт дунаим Алахьым хьалэлыгъэу къыщышъуфыриIэм, Ащ ишIушIэн мыхъугъэмэ, шъо гущыIэхэу ишъутэкъухьэщтыгъэхэм апае пщыныжь ин дэдэ къышъуфэкIони
وَلَوْلَا فَضْلُ اللَّهِ عَلَيْكُمْ وَرَحْمَتُهُ فِي الدُّنْيَا وَالْآخِرَةِ لَمَسَّكُمْ فِي مَا أَفَضْتُمْ فِيهِ عَذَابٌ عَظِيمٌ
15 Зикъэбар шъумышIэрэр шъо бзэгукIэ, IупэкIэ къашъуIощтыгъэ, Алахьым ыпашъхьэ мэхьанэшхо щызиIэр мэхьанэ хъатэ имыIэу шъулъытэщтыгъэ.
إِذْ تَلَقَّوْنَهُ بِأَلْسِنَتِكُمْ وَتَقُولُونَ بِأَفْوَاهِكُمْ مَا لَيْسَ لَكُمْ بِهِ عِلْمٌ وَتَحْسَبُونَهُ هَيِّنًا وَهُوَ عِنْدَ اللَّهِ عَظِيمٌ
16 Ар зызэхэшъохым, шъо сыда зыкIэшъумыIуагъэр: "Ащ тэ тытегущыIэныр къекIурэп. О щытхъур уадэжь!Ар пцIышхо дэд".
وَلَوْلَا إِذْ سَمِعْتُمُوهُ قُلْتُمْ مَا يَكُونُ لَنَا أَنْ نَتَكَلَّمَ بِهَٰذَا سُبْحَانَكَ هَٰذَا بُهْتَانٌ عَظِيمٌ
17 Шъо Тхьэр шъушIошъ мэхъумэ, ащ яхьщыр сыдигъуи шъумышIэжьынэу Алахьым къыжъугурегъаIо.
يَعِظُكُمُ اللَّهُ أَنْ تَعُودُوا لِمِثْلِهِ أَبَدًا إِنْ كُنْتُمْ مُؤْمِنِينَ
18 Алахьым иIэятэхэр къышъуфызэхефых, Алахьым ешIэ, Iуш!
وَيُبَيِّنُ اللَّهُ لَكُمُ الْآيَاتِ ۚ وَاللَّهُ عَلِيمٌ حَكِيمٌ
19 Шъыпкъэ дэдэмкIэ, шIошъхъуныгъэ шъыпкъэ зышIыгъэхэм афэгъэхьыгъэу бзэджагъэхэр къэбар зышIынхэр зикIасэхэм гъашIэу зыхэтхэми ахърэтми хьазаб пщыныжь афыщылъ, Алахьым ешIэ, ау шъо шъушIэрэп!
إِنَّ الَّذِينَ يُحِبُّونَ أَنْ تَشِيعَ الْفَاحِشَةُ فِي الَّذِينَ آمَنُوا لَهُمْ عَذَابٌ أَلِيمٌ فِي الدُّنْيَا وَالْآخِرَةِ ۚ وَاللَّهُ يَعْلَمُ وَأَنْتُمْ لَا تَعْلَمُونَ
20 Алахьым шъо хьалэлыгъэу къышъуфыриIэр, Ащ ишIушIэн мыхъугъэмэ, Алахьыр шъабэу, гукIэгъу хэлъэу зэрэщытыр мыхъугъэмэ...
وَلَوْلَا فَضْلُ اللَّهِ عَلَيْكُمْ وَرَحْمَتُهُ وَأَنَّ اللَّهَ رَءُوفٌ رَحِيمٌ
21 О шIошъхъуныгъэ шъыпкъэ зышIыгъэхэр, шэйтаным илъэуж шъурымыкIу! Шэйтаным илъэуж рыкIохэрэр. Ащ емыкIурэ хэбзэнчъагъэ щэхъу унашъо къышIырэп. Шъо хьалэлыгъэу Алахьым къышъуфыриIэр, Ащ ишIушIэн ары мыхъугъэмэ, шъуащыщэу зы нэбгыри зигъэкъэбзэжьын ылъэкIыныеп. Ау Алахьым шIоигъор егъэкъэбзэжьы: Алахьым зэхехы, ешIэ!
يَا أَيُّهَا الَّذِينَ آمَنُوا لَا تَتَّبِعُوا خُطُوَاتِ الشَّيْطَانِ ۚ وَمَنْ يَتَّبِعْ خُطُوَاتِ الشَّيْطَانِ فَإِنَّهُ يَأْمُرُ بِالْفَحْشَاءِ وَالْمُنْكَرِ ۚ وَلَوْلَا فَضْلُ اللَّهِ عَلَيْكُمْ وَرَحْمَتُهُ مَا زَكَىٰ مِنْكُمْ مِنْ أَحَدٍ أَبَدًا وَلَٰكِنَّ اللَّهَ يُزَكِّي مَنْ يَشَاءُ ۗ وَاللَّهُ سَمِيعٌ عَلِيمٌ
22 Фикъун зиIэ шъущыщхэм, баихэм, Iахьылхэм, тхьамыкIэхэм, Алахьым пае яхэгъэгу къырафыгъэхэм Iахь афамышIынэу, тхьэлъанэ арэмышI, агу шIу илъэу, гъэшIоныгъэ ахэлъэу щэрэтых. Алахьым шъо къышъуфигъэгъунэу шъуфаеба? Шъыпкъэ дэдэмкIэ, Алахьым къыпфегъэгъу, гукIэгъу хэлъ!
وَلَا يَأْتَلِ أُولُو الْفَضْلِ مِنْكُمْ وَالسَّعَةِ أَنْ يُؤْتُوا أُولِي الْقُرْبَىٰ وَالْمَسَاكِينَ وَالْمُهَاجِرِينَ فِي سَبِيلِ اللَّهِ ۖ وَلْيَعْفُوا وَلْيَصْفَحُوا ۗ أَلَا تُحِبُّونَ أَنْ يَغْفِرَ اللَّهُ لَكُمْ ۗ وَاللَّهُ غَفُورٌ رَحِيمٌ
23 Шъуз шъхьэлъытэжьхэм, Iом пымылъхэм, Тхьэр зышIошъ хъухэрэм пцIы атезылъхьэхэрэм ашIэщтыгъэмкIэ мы дунаими ахърэт мафэми Тхьэм игубж ателъ, хьазабышхо ащэчыщт.
إِنَّ الَّذِينَ يَرْمُونَ الْمُحْصَنَاتِ الْغَافِلَاتِ الْمُؤْمِنَاتِ لُعِنُوا فِي الدُّنْيَا وَالْآخِرَةِ وَلَهُمْ عَذَابٌ عَظِيمٌ
24 А мафэу ахэмэ абзэгухэри, аIэхэри, алъакъохэри ашIэщтыгъэмкIэ шыхьат зафэхъухэкIэ,
يَوْمَ تَشْهَدُ عَلَيْهِمْ أَلْسِنَتُهُمْ وَأَيْدِيهِمْ وَأَرْجُلُهُمْ بِمَا كَانُوا يَعْمَلُونَ
25 Ахэмэ дин шъыпкъэу яIагъэмкIэ а мафэм икъу шъыпкъэу Алахьым къаритыщт, ахэмэ ашIэщт Алахьыр шъыпкъэ нафэу зэрэщытыр.
يَوْمَئِذٍ يُوَفِّيهِمُ اللَّهُ دِينَهُمُ الْحَقَّ وَيَعْلَمُونَ أَنَّ اللَّهَ هُوَ الْحَقُّ الْمُبِينُ
26 Бзылъфыгъэ дэйхэр хъулъфыгъэ дэймэ апаех, хъулъфыгъэ дэйхэр бзылъфыгъэ дэймэ апаех, бзылъфыгъэ дэгъухэр хъулъфыгъэ дэгъумэ апаех, хъулъфыгъэ дэгъухэр бзылъфыгъэ дэгъумэ апаех. АIорэм ахэмэ яIоф хэлъэп. Ахэмэ афагъэгъущт, IахьышIу аратыщт!
الْخَبِيثَاتُ لِلْخَبِيثِينَ وَالْخَبِيثُونَ لِلْخَبِيثَاتِ ۖ وَالطَّيِّبَاتُ لِلطَّيِّبِينَ وَالطَّيِّبُونَ لِلطَّيِّبَاتِ ۚ أُولَٰئِكَ مُبَرَّءُونَ مِمَّا يَقُولُونَ ۖ لَهُمْ مَغْفِرَةٌ وَرِزْقٌ كَرِيمٌ
27 О шIошъхъуныгъэ шъыпкъэ зышIыгъэхэр, Iизын къышъуатынэу шъуямыупчIэу, шъуиунэмэ афэшъхьаф хэт иуни шъуимыхь, ахэмэ ащыпсэухэрэм мамыр яIэнэу шъуафэлъаIу. Ащ пае шъуиIоф дэгъу хъущт, ар шъугу къэжъугъэкIыжь!
يَا أَيُّهَا الَّذِينَ آمَنُوا لَا تَدْخُلُوا بُيُوتًا غَيْرَ بُيُوتِكُمْ حَتَّىٰ تَسْتَأْنِسُوا وَتُسَلِّمُوا عَلَىٰ أَهْلِهَا ۚ ذَٰلِكُمْ خَيْرٌ لَكُمْ لَعَلَّكُمْ تَذَكَّرُونَ
28 Ащ зыпари ишъумыгъуатэмэ, Iизын къышъуамытыфэ шъуимыхь Ау къышъуаIомэ, "Жъугъэзэжь!- къэжъугъэзэжь. Ар шъоркIэ нахь къабз, Алахьым ешIэ шъо шъушIэрэр.
فَإِنْ لَمْ تَجِدُوا فِيهَا أَحَدًا فَلَا تَدْخُلُوهَا حَتَّىٰ يُؤْذَنَ لَكُمْ ۖ وَإِنْ قِيلَ لَكُمُ ارْجِعُوا فَارْجِعُوا ۖ هُوَ أَزْكَىٰ لَكُمْ ۚ وَاللَّهُ بِمَا تَعْمَلُونَ عَلِيمٌ
29 Шъуимылъку зэрылъ унэхэу цIыф зэрымысхэм шъуазэрэрыхьэрэм, шъоркIэ гунахь хэлъэп. Шъо къэжъугъэлъагъори шъуушъэфыри Алахьым ешIэ!
لَيْسَ عَلَيْكُمْ جُنَاحٌ أَنْ تَدْخُلُوا بُيُوتًا غَيْرَ مَسْكُونَةٍ فِيهَا مَتَاعٌ لَكُمْ ۚ وَاللَّهُ يَعْلَمُ مَا تُبْدُونَ وَمَا تَكْتُمُونَ
30 Тхьэр зышIошъ хъурэмэ яIу, ахэмэ анапIэхэр рарэдзых, зыгъэхъулъфыгъэхэрэр арэухъум: Ар ахэмкIэ нахь къабз. Шъыпкъэ дэдэмкIэ, ахэмэ ашIэрэр Алахьым ешIэ!
قُلْ لِلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ۚ ذَٰلِكَ أَزْكَىٰ لَهُمْ ۗ إِنَّ اللَّهَ خَبِيرٌ بِمَا يَصْنَعُونَ
31 Тхьэр зышIошъ хъурэ бзылъфыгъэмэ яIу: Янэплъэгъухэр рарэдзыхых, ябзылъфыгъагъэ къарэухъум, яшъуашэмэ ащыщхэу кIыIутелъмэ афэшъхьаф къарэмыгъэлъагъу, бгъэ зэгохыпIэмэ техъонхэр афарэшIых, ялIыхэм, е ятэхэм, е ялIыхэм ятэмэ, е акъохэм, е ялIымэ акъохэм, е ашыхэм, е ашымэ якIалэхэм, е ашыпхъухэм якIалэхэм, е ябзылъфыгъэхэм, е ягъэр бзылъфыгъэхэу аIэ къихьагъэхэм, е унэIут хъулъфыгъэхэу бзылъфыгъэм емынэцIыжьхэрэм, е кIэлэцIыкIухэу бзылъфыгъэ пцIанэр къызгурымыIохэрэм афэшъхьафхэм ящыгъынхэр арамыгъэлъэгъух, чIэгъчIэлъ щыгъынхэу ащыгъхэр арамыгъэлъэгъунхэм паи зэрэкIохэрэм фэрэсакъых. О диныр зышIошъ хъухэрэр, Алахьым зыфэжъугъаз, шъо насыпышIо шъухъункIи мэхъу!
وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا ۖ وَلْيَضْرِبْنَ بِخُمُرِهِنَّ عَلَىٰ جُيُوبِهِنَّ ۖ وَلَا يُبْدِينَ زِينَتَهُنَّ إِلَّا لِبُعُولَتِهِنَّ أَوْ آبَائِهِنَّ أَوْ آبَاءِ بُعُولَتِهِنَّ أَوْ أَبْنَائِهِنَّ أَوْ أَبْنَاءِ بُعُولَتِهِنَّ أَوْ إِخْوَانِهِنَّ أَوْ بَنِي إِخْوَانِهِنَّ أَوْ بَنِي أَخَوَاتِهِنَّ أَوْ نِسَائِهِنَّ أَوْ مَا مَلَكَتْ أَيْمَانُهُنَّ أَوِ التَّابِعِينَ غَيْرِ أُولِي الْإِرْبَةِ مِنَ الرِّجَالِ أَوِ الطِّفْلِ الَّذِينَ لَمْ يَظْهَرُوا عَلَىٰ عَوْرَاتِ النِّسَاءِ ۖ وَلَا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِنْ زِينَتِهِنَّ ۚ وَتُوبُوا إِلَى اللَّهِ جَمِيعًا أَيُّهَ الْمُؤْمِنُونَ لَعَلَّكُمْ تُفْلِحُونَ
32 ПщылIхэу, унэIут бзылъфыгъэхэу шъуиIэхэр шъхьэзакъохэмэ къяжъугъащ, дэжъугъакIох. Ахэр тхьамыкIэхэмэ, Ежь ихьалэлыгъэ щыщ мылъку Алахьым къаритыщт. Алахьым шIу ешIэ, Iушым иIушыжь!
وَأَنْكِحُوا الْأَيَامَىٰ مِنْكُمْ وَالصَّالِحِينَ مِنْ عِبَادِكُمْ وَإِمَائِكُمْ ۚ إِنْ يَكُونُوا فُقَرَاءَ يُغْنِهِمُ اللَّهُ مِنْ فَضْلِهِ ۗ وَاللَّهُ وَاسِعٌ عَلِيمٌ
33 Къащэнэу амал зимыIэхэм, Алахьым ихьалэлыгъэ щыщ мылъку къаретыфэ, зарэIаж. ШъуIэ къихьагъэмэ ащыщхэу шъхьафит хъужьынхэм фаехэм тхылъ афэшъутх, ахэмэ шIу агу илъэу шъошIэмэ, Алахьым иIэм щыщэу Ащ къышъуитыгъэм щыщ ахэмэ яшъут, унэIут пшъашъэхэр Iэдэбныгъэшхо ахэлъынэу фаехэмэ, гъашIэу зыхэтхэм узэмыжагъэу къыхэхъухьэхэрэм афэмыблэнхэм пае хэтакIо хъунхэу ешъумыгъэзых. Хэтми ахэр езгъэзхэрэр. Ахэр зырагъэзыхэрэм ыуж Алахьым къыпфегъэгъу, гукIэгъу хэлъ!
وَلْيَسْتَعْفِفِ الَّذِينَ لَا يَجِدُونَ نِكَاحًا حَتَّىٰ يُغْنِيَهُمُ اللَّهُ مِنْ فَضْلِهِ ۗ وَالَّذِينَ يَبْتَغُونَ الْكِتَابَ مِمَّا مَلَكَتْ أَيْمَانُكُمْ فَكَاتِبُوهُمْ إِنْ عَلِمْتُمْ فِيهِمْ خَيْرًا ۖ وَآتُوهُمْ مِنْ مَالِ اللَّهِ الَّذِي آتَاكُمْ ۚ وَلَا تُكْرِهُوا فَتَيَاتِكُمْ عَلَى الْبِغَاءِ إِنْ أَرَدْنَ تَحَصُّنًا لِتَبْتَغُوا عَرَضَ الْحَيَاةِ الدُّنْيَا ۚ وَمَنْ يُكْرِهْهُنَّ فَإِنَّ اللَّهَ مِنْ بَعْدِ إِكْرَاهِهِنَّ غَفُورٌ رَحِيمٌ
34 Джы шъо Iэятэ зэхэугуфыкIыгъэхэр къышъуфедгъэхыгъэх, шъуапэкIэ щыIагъэхэр щысэтехыпIэу къышъодгъэлъэгъухи, Тхьэм ищынагъо зыгу илъхэм ушъыиныгъи къафедгъэхыгъ.
وَلَقَدْ أَنْزَلْنَا إِلَيْكُمْ آيَاتٍ مُبَيِّنَاتٍ وَمَثَلًا مِنَ الَّذِينَ خَلَوْا مِنْ قَبْلِكُمْ وَمَوْعِظَةً لِلْمُتَّقِينَ
35 Алахьыр уашъоми чIыгуми янур. Ащ инурэ дэпкъым хэт остыгъэм яхьщыр. Остыгъэр псышъо апчым ит, псышъо апчыр жъуагъом фэдэу мэлыды. Ар чъыгым къызэкIегъанэ, ащ хэлъым фэдэ дагъэ тыгъэ къыкъокIыпIэмкIи тыгъэ къохьапIэмкIи щыIэп. Ащ идагъэ машIо нэмысыгъэми, къыгъэнэфынэу хьазыр. Нурэм нурэр тет! Алахьым Ежь шIоигъор инурэ фещэ, цIыфмэ апае щысэхэр Алахьым къехьых. Алахьым зэкIэ ешIэ!
اللَّهُ نُورُ السَّمَاوَاتِ وَالْأَرْضِ ۚ مَثَلُ نُورِهِ كَمِشْكَاةٍ فِيهَا مِصْبَاحٌ ۖ الْمِصْبَاحُ فِي زُجَاجَةٍ ۖ الزُّجَاجَةُ كَأَنَّهَا كَوْكَبٌ دُرِّيٌّ يُوقَدُ مِنْ شَجَرَةٍ مُبَارَكَةٍ زَيْتُونَةٍ لَا شَرْقِيَّةٍ وَلَا غَرْبِيَّةٍ يَكَادُ زَيْتُهَا يُضِيءُ وَلَوْ لَمْ تَمْسَسْهُ نَارٌ ۚ نُورٌ عَلَىٰ نُورٍ ۗ يَهْدِي اللَّهُ لِنُورِهِ مَنْ يَشَاءُ ۚ وَيَضْرِبُ اللَّهُ الْأَمْثَالَ لِلنَّاسِ ۗ وَاللَّهُ بِكُلِّ شَيْءٍ عَلِيمٌ
36 Алахьым иIизын хэлъэу ашIыгъэ мэщытхэм Ащ ыцIэ къызыщыраIохэрэм. Ащ ищытхъу пчэдыжьи пчыхьи ащаIо.
فِي بُيُوتٍ أَذِنَ اللَّهُ أَنْ تُرْفَعَ وَيُذْكَرَ فِيهَا اسْمُهُ يُسَبِّحُ لَهُ فِيهَا بِالْغُدُوِّ وَالْآصَالِ
37 ЦIыфхэу щэными щэфэными апае къамыгъанэу Алахьым елъэIухэрэм Нэмаз зышIыхэрэм, гур зыгъэкъабзэрэ сэдакъэ зытыхэрэм, мафэу ахэмэ агухэми анэхэми зыщызэпырагъэзэщтым щыщынэхэрэм
رِجَالٌ لَا تُلْهِيهِمْ تِجَارَةٌ وَلَا بَيْعٌ عَنْ ذِكْرِ اللَّهِ وَإِقَامِ الصَّلَاةِ وَإِيتَاءِ الزَّكَاةِ ۙ يَخَافُونَ يَوْمًا تَتَقَلَّبُ فِيهِ الْقُلُوبُ وَالْأَبْصَارُ
38 Ахэмэ шIоу ашIагъэм пае Алахьыр къятэным пае, Ащ Ежь ихьалэлыгъэ щыщкIэ ямылъку къафигъэбэгъоным пае, Алахьым зыфаем гъунэ имыIэу ышхыщтыр къыреты!
لِيَجْزِيَهُمُ اللَّهُ أَحْسَنَ مَا عَمِلُوا وَيَزِيدَهُمْ مِنْ فَضْلِهِ ۗ وَاللَّهُ يَرْزُقُ مَنْ يَشَاءُ بِغَيْرِ حِسَابٍ
39 Ау шIошъхъуныгъэ шъыпкъэ зымышIыгъэхэм ашIэрэр тыгъэхьажъоу шъоф нэкIым къыщылъагъорэм фэд. ПсыфалIэ лIэрэм ар псэу елъытэ, ау зынэскIэ, зыпари ыгъотрэп, ау ежь игъусэу Алахь закъоу ащ ышIагъэмкIэ джэуап Iызыхыжьыщтыр егъоты. Шъыпкъэ дэдэмкIэ, къыбдилъэгъущтымкIэ Алахьыр IэшIэх!
وَالَّذِينَ كَفَرُوا أَعْمَالُهُمْ كَسَرَابٍ بِقِيعَةٍ يَحْسَبُهُ الظَّمْآنُ مَاءً حَتَّىٰ إِذَا جَاءَهُ لَمْ يَجِدْهُ شَيْئًا وَوَجَدَ اللَّهَ عِنْدَهُ فَوَفَّاهُ حِسَابَهُ ۗ وَاللَّهُ سَرِيعُ الْحِسَابِ
40 Е ахэр хыор быжъутэм шъхьарыт шIункIым фэдэх. Зы хыорым адырэ хыорэр къытехьэ, ахэмэ ашъхьагъ ошъуапщэр ит. ШIункI къатхэр зым нахьи адырэр нахь шIункI, арышъ, зыIэ зыщэигъэм ыIэ ерагъэу елъэгъу. Алахьым нэфынэ зыфимыгъакIорэм нэфынэ иIэп!
أَوْ كَظُلُمَاتٍ فِي بَحْرٍ لُجِّيٍّ يَغْشَاهُ مَوْجٌ مِنْ فَوْقِهِ مَوْجٌ مِنْ فَوْقِهِ سَحَابٌ ۚ ظُلُمَاتٌ بَعْضُهَا فَوْقَ بَعْضٍ إِذَا أَخْرَجَ يَدَهُ لَمْ يَكَدْ يَرَاهَا ۗ وَمَنْ لَمْ يَجْعَلِ اللَّهُ لَهُ نُورًا فَمَا لَهُ مِنْ نُورٍ
41 Уашъом щыIи чIыгум щыIи, зэготхэу быбырэ бзыуми Алахьым ищытхъу зэраIорэр о плъэгъурэба? Ежь идыухьэ, Ащ щытхъоу фиIощтыр хэти ешIэ. Алахьым ешIэ ахэмэ ашIэрэр!
أَلَمْ تَرَ أَنَّ اللَّهَ يُسَبِّحُ لَهُ مَنْ فِي السَّمَاوَاتِ وَالْأَرْضِ وَالطَّيْرُ صَافَّاتٍ ۖ كُلٌّ قَدْ عَلِمَ صَلَاتَهُ وَتَسْبِيحَهُ ۗ وَاللَّهُ عَلِيمٌ بِمَا يَفْعَلُونَ
42 Уашъори чIыгури Алахьым ыIэ илъ, Алахьым дэжь къэжъугъэзэжьыщт.
وَلِلَّهِ مُلْكُ السَّمَاوَاتِ وَالْأَرْضِ ۖ وَإِلَى اللَّهِ الْمَصِيرُ
43 О плъэгъурэба Алахьым пщэхэр зэрэзэригъакIохэрэр, етIанэ ахэр зэхегъахьэх, етIанэ ошъуапщэ ешIых, ахэмэ атIуакIэмэ оешхор къазэрэдэкIрэр олъэгъу. Ащ уашъом къушъхьэм фэдэу ошъур къырегъэхы, ащкIэ Ежь шIоигъор егъэкIоды, шIоигъом шъхьарехы. Ащ ипчыкIэ хъопскI нэхэр пIихынэу хьазыр.
أَلَمْ تَرَ أَنَّ اللَّهَ يُزْجِي سَحَابًا ثُمَّ يُؤَلِّفُ بَيْنَهُ ثُمَّ يَجْعَلُهُ رُكَامًا فَتَرَى الْوَدْقَ يَخْرُجُ مِنْ خِلَالِهِ وَيُنَزِّلُ مِنَ السَّمَاءِ مِنْ جِبَالٍ فِيهَا مِنْ بَرَدٍ فَيُصِيبُ بِهِ مَنْ يَشَاءُ وَيَصْرِفُهُ عَنْ مَنْ يَشَاءُ ۖ يَكَادُ سَنَا بَرْقِهِ يَذْهَبُ بِالْأَبْصَارِ
44 Чэщхэмрэ мафэхэмрэ Алахьым къызэблехъух: Акъыл 3иIэ цIыфхэмкIэ ащ ушъый хэлъ.
يُقَلِّبُ اللَّهُ اللَّيْلَ وَالنَّهَارَ ۚ إِنَّ فِي ذَٰلِكَ لَعِبْرَةً لِأُولِي الْأَبْصَارِ
45 Сыд фэдэ псэушъхьэри Алахьым псым къыхигъэкIыгъ. Ахэмэ ащыщхэр аныбашъокIэ мэцуахъох, лъэкъуитIукIэ, лъэкъуиплIыкIэ кIохэри ахэтых. ШIоигъор Алахьым къегъэхъу. Алахьым ыIэ къимыхьан щыIэп!
وَاللَّهُ خَلَقَ كُلَّ دَابَّةٍ مِنْ مَاءٍ ۖ فَمِنْهُمْ مَنْ يَمْشِي عَلَىٰ بَطْنِهِ وَمِنْهُمْ مَنْ يَمْشِي عَلَىٰ رِجْلَيْنِ وَمِنْهُمْ مَنْ يَمْشِي عَلَىٰ أَرْبَعٍ ۚ يَخْلُقُ اللَّهُ مَا يَشَاءُ ۚ إِنَّ اللَّهَ عَلَىٰ كُلِّ شَيْءٍ قَدِيرٌ
46 Iэятэ зэхэугуфыкIыгъэхэр Тэ къедгъэхыгъэх, Алахьым ежь зыфаер гъогу занкIэм фещэ.
لَقَدْ أَنْزَلْنَا آيَاتٍ مُبَيِّنَاتٍ ۚ وَاللَّهُ يَهْدِي مَنْ يَشَاءُ إِلَىٰ صِرَاطٍ مُسْتَقِيمٍ
47 Ахэмэ аIо: "Тэ Алахьым, Ащ илIыкIо шIошъхъуныгъэ шъыпкъэ афэтшIыгъ, тафэIорышIэ!" ЕтIанэ ахэмэ, ащыщхэм ащ ыуж акIыб къагъазэ, ахэр джаурых.
وَيَقُولُونَ آمَنَّا بِاللَّهِ وَبِالرَّسُولِ وَأَطَعْنَا ثُمَّ يَتَوَلَّىٰ فَرِيقٌ مِنْهُمْ مِنْ بَعْدِ ذَٰلِكَ ۚ وَمَا أُولَٰئِكَ بِالْمُؤْمِنِينَ
48 Алахьым, Ащ илIыкIо ахэр къызэхифынхэу ялъэIухэ зыхъукIэ, ахэмэ ащыщхэр IокIыжьых.
وَإِذَا دُعُوا إِلَى اللَّهِ وَرَسُولِهِ لِيَحْكُمَ بَيْنَهُمْ إِذَا فَرِيقٌ مِنْهُمْ مُعْرِضُونَ
49 Ахэмэ хьакъыр яягъэмэ IорышIэхэу Ащ ыдэжь къэкIонхи.
وَإِنْ يَكُنْ لَهُمُ الْحَقُّ يَأْتُوا إِلَيْهِ مُذْعِنِينَ
50 Ахэмэ агухэм сыд уза арылъыр? Ахэр еджэнджэшыха е Алахьыр, Ащ илIыкIо ахэмэ къафэмызэфэнхэм щэщынэха? Ахэр насыпынчъэх!
أَفِي قُلُوبِهِمْ مَرَضٌ أَمِ ارْتَابُوا أَمْ يَخَافُونَ أَنْ يَحِيفَ اللَّهُ عَلَيْهِمْ وَرَسُولُهُ ۚ بَلْ أُولَٰئِكَ هُمُ الظَّالِمُونَ
51 Тхьэр зышIошъ хъухэрэм Алахьым, Ащ илIыкIо ахэр къызэхифынхэу адэжь къызяджэхэкIэ, ахэмэ аIо: "Тэ зэхэтхыгъэ, тафэIорышIэ!" Ахэр насыпышIох.
إِنَّمَا كَانَ قَوْلَ الْمُؤْمِنِينَ إِذَا دُعُوا إِلَى اللَّهِ وَرَسُولِهِ لِيَحْكُمَ بَيْنَهُمْ أَنْ يَقُولُوا سَمِعْنَا وَأَطَعْنَا ۚ وَأُولَٰئِكَ هُمُ الْمُفْلِحُونَ
52 Алахьым, Ащ илIыкIо афэIорышIэхэрэм, Алахьым ищынагъо зыгу илъхэм, Ащ щыщынэхэрэм гъэхъагъэ ашIыщт.
وَمَنْ يُطِعِ اللَّهَ وَرَسُولَهُ وَيَخْشَ اللَّهَ وَيَتَّقْهِ فَأُولَٰئِكَ هُمُ الْفَائِزُونَ
53 Унашъо зэрафэпшIыгъэм тетэу заом ежьэнхэу Iогъэ лъэшхэр зытыралъхьажьызэ, Алахьым ыцIэкIэ ахэмэ Iуагъэ ашIыщтыгъэ. ЯIу: "Iуагъэ шъумышIы! Икъу шъыпкъэу IорышIэ шъухъу! ШъушIэрэр Алахьым ешIэ!"
وَأَقْسَمُوا بِاللَّهِ جَهْدَ أَيْمَانِهِمْ لَئِنْ أَمَرْتَهُمْ لَيَخْرُجُنَّ ۖ قُلْ لَا تُقْسِمُوا ۖ طَاعَةٌ مَعْرُوفَةٌ ۚ إِنَّ اللَّهَ خَبِيرٌ بِمَا تَعْمَلُونَ
54 ЯIу: "Алахьым шъуфэIорышI, пегъэмбарым шъуфэIорышI! Ау акIыб къагъазэмэ, ащ телъыр тыралъхьагъэр ары, шъо шъутелъыр къышъутыралъхьагъэр ары. Ащ шъуфэIорышIэ хъумэ, гъогу занкIэ шъурыкIощт. ЛIыкIом телъыр зэхэугуфыкIыгъэу къышъуиIожьыныр ары".
قُلْ أَطِيعُوا اللَّهَ وَأَطِيعُوا الرَّسُولَ ۖ فَإِنْ تَوَلَّوْا فَإِنَّمَا عَلَيْهِ مَا حُمِّلَ وَعَلَيْكُمْ مَا حُمِّلْتُمْ ۖ وَإِنْ تُطِيعُوهُ تَهْتَدُوا ۚ وَمَا عَلَى الرَّسُولِ إِلَّا الْبَلَاغُ الْمُبِينُ
55 Шъущыщхэу шIошъхъуныгъэ шъыпкъэ зышIыхэу, шIу зышIэщтхэр зэгорэм ахэр къызтекIыгъэхэм чIыгур аIэ къызэрэрилъхьэгъагъэм фэдэу аIэ чIыгур къырилъхьанэу, ахэмэ апае Ежь нахьышIукIэ къафилъытэрэ диныр къафигъэуцунэу, нахьыпэм щынагъоу яIагъэр щынэгъончъэкIэ къафызэблихъунэу Алахьым къыгъэгугъэгъагъэх. Ахэмэ Сэ зыпари къызгуамыгъэуцоу шъхьащэ къысфашIызэ ашIыщт. Ащ ыуж джаурэу къычIэкIхэрэр щыкIыгъэхэр арых!
وَعَدَ اللَّهُ الَّذِينَ آمَنُوا مِنْكُمْ وَعَمِلُوا الصَّالِحَاتِ لَيَسْتَخْلِفَنَّهُمْ فِي الْأَرْضِ كَمَا اسْتَخْلَفَ الَّذِينَ مِنْ قَبْلِهِمْ وَلَيُمَكِّنَنَّ لَهُمْ دِينَهُمُ الَّذِي ارْتَضَىٰ لَهُمْ وَلَيُبَدِّلَنَّهُمْ مِنْ بَعْدِ خَوْفِهِمْ أَمْنًا ۚ يَعْبُدُونَنِي لَا يُشْرِكُونَ بِي شَيْئًا ۚ وَمَنْ كَفَرَ بَعْدَ ذَٰلِكَ فَأُولَٰئِكَ هُمُ الْفَاسِقُونَ
56 Нэмази шъушIы, зэчати хэжъугъэкI, пегъэмбарым шъуфэIорышI, къышъуфагъэгъункIи мэхъу!
وَأَقِيمُوا الصَّلَاةَ وَآتُوا الزَّكَاةَ وَأَطِيعُوا الرَّسُولَ لَعَلَّكُمْ تُرْحَمُونَ
57 ШIошъхъуныгъэ шъыпкъэ зимыIэхэм Алахьым иIоф чIыгум къыщызэIагъэхьанэу шъумылъытэ, ахэмэ машIор япсэупIэщт Ар сыд фэдэу шъхьэегъэзыпIэ щынагъуа!
لَا تَحْسَبَنَّ الَّذِينَ كَفَرُوا مُعْجِزِينَ فِي الْأَرْضِ ۚ وَمَأْوَاهُمُ النَّارُ ۖ وَلَبِئْسَ الْمَصِيرُ
58 О шIошъхъуныгъэ шъыпкъэ зышIыгъэхэр! Шъуигъэрхэри шъущыщхэу зыныбжь имыкъугъэхэри шъуадэжь къихьанхэу фаехэ хъумэ, Iизын яшъутынэу мафэм щыщ охътищым къышъолъэIунхэ фаех сэбэхьэ нэмазым ыпэкIэ, щэджагъом дэжь шъо щыгъынхэр зызыщышъухрэм, ахъшам нэмазым ыуж, ар шъоркIэ охътищэу шъузщымыфэпагъэр ары. НэмыкI уахътэхэм шъорыкIи ахэмкIи шъузгъэохъун щыIэп, джащыгъум шъузэлъыкIу. Джащ фэдэ щысэхэр Алахьым къышъуфызэIуехых! Алахьым ешIэ, Iуш!
يَا أَيُّهَا الَّذِينَ آمَنُوا لِيَسْتَأْذِنْكُمُ الَّذِينَ مَلَكَتْ أَيْمَانُكُمْ وَالَّذِينَ لَمْ يَبْلُغُوا الْحُلُمَ مِنْكُمْ ثَلَاثَ مَرَّاتٍ ۚ مِنْ قَبْلِ صَلَاةِ الْفَجْرِ وَحِينَ تَضَعُونَ ثِيَابَكُمْ مِنَ الظَّهِيرَةِ وَمِنْ بَعْدِ صَلَاةِ الْعِشَاءِ ۚ ثَلَاثُ عَوْرَاتٍ لَكُمْ ۚ لَيْسَ عَلَيْكُمْ وَلَا عَلَيْهِمْ جُنَاحٌ بَعْدَهُنَّ ۚ طَوَّافُونَ عَلَيْكُمْ بَعْضُكُمْ عَلَىٰ بَعْضٍ ۚ كَذَٰلِكَ يُبَيِّنُ اللَّهُ لَكُمُ الْآيَاتِ ۗ وَاللَّهُ عَلِيمٌ حَكِيمٌ
59 ШъуикIалэмэ аныбжь зикъукIэ, апэкIэ щыIагъэмэ зэрашIыщтыгъэу, Iизын яшъутынэу къышъорэлъэIух. Джаущтэу Алахьым ищысэхэр къышуфызэIуехых! Алахьым ешIэ, Iуш!
وَإِذَا بَلَغَ الْأَطْفَالُ مِنْكُمُ الْحُلُمَ فَلْيَسْتَأْذِنُوا كَمَا اسْتَأْذَنَ الَّذِينَ مِنْ قَبْلِهِمْ ۚ كَذَٰلِكَ يُبَيِّنُ اللَّهُ لَكُمْ آيَاتِهِ ۗ وَاللَّهُ عَلِيمٌ حَكِيمٌ
60 Зыныбжь хэкIотэгъэ бзылъфыгъэхэу дэкIожьынхэм щымыгугъыжьхэрэм, яшъуашэхэмкIэ зыщытхъужьынхэ агу хэмылъмэ, ящыгъынхэр зыщахынхэм псэкIодышIагъэ хэлъэп. Ау дэхагъэкIэ замыгъэшынкIыным ахэр егъэдахэх. Алахьым зэхехы, ешIэ!
وَالْقَوَاعِدُ مِنَ النِّسَاءِ اللَّاتِي لَا يَرْجُونَ نِكَاحًا فَلَيْسَ عَلَيْهِنَّ جُنَاحٌ أَنْ يَضَعْنَ ثِيَابَهُنَّ غَيْرَ مُتَبَرِّجَاتٍ بِزِينَةٍ ۖ وَأَنْ يَسْتَعْفِفْنَ خَيْرٌ لَهُنَّ ۗ وَاللَّهُ سَمِيعٌ عَلِيمٌ
61 Нэшъуми губгъэн телъэп, лъащэми телъэп, сымаджэми телъэп, шъуиунэхэм, е шъуятэмэ яунэхэм, е шъуянэмэ яунэхэм, е шъушымэ яунэхэм, е шъушыпхъухэм яунэхэм, е шъуятэшхэм яунэхэм, е шъуятэшыпхъухэм яунэхэм, е шъуянэшыхэм яунэхэм, е шъуянэшыпхъухэм яунэхэм, е зиIункIыбзэIуххэр шъо шъуIыгъхэм, е шъуиныбджэгъум дэжь шъущышхэмэ псэкIодышIагъэ шъутелъэп, зэкIэми шъузэдашхэмэ е шъуизакъоу шъушхэмэ псэкIодшIагъэ шъутелъэп. унэмэ шъузарыхьэкIэ, Алахьэу щытхъушхо зыпылъым, хьалэлым, псауныгъэ къышъуитынэу шъуелъэIузэ щIуфэс зэшъух, мамыркIэ шъузэфэлъаIу. Джаущтэу Алахьым щысэхэр къышъуфызэхефых, шъо акъыл хэшъухынкIи мэхъу!
لَيْسَ عَلَى الْأَعْمَىٰ حَرَجٌ وَلَا عَلَى الْأَعْرَجِ حَرَجٌ وَلَا عَلَى الْمَرِيضِ حَرَجٌ وَلَا عَلَىٰ أَنْفُسِكُمْ أَنْ تَأْكُلُوا مِنْ بُيُوتِكُمْ أَوْ بُيُوتِ آبَائِكُمْ أَوْ بُيُوتِ أُمَّهَاتِكُمْ أَوْ بُيُوتِ إِخْوَانِكُمْ أَوْ بُيُوتِ أَخَوَاتِكُمْ أَوْ بُيُوتِ أَعْمَامِكُمْ أَوْ بُيُوتِ عَمَّاتِكُمْ أَوْ بُيُوتِ أَخْوَالِكُمْ أَوْ بُيُوتِ خَالَاتِكُمْ أَوْ مَا مَلَكْتُمْ مَفَاتِحَهُ أَوْ صَدِيقِكُمْ ۚ لَيْسَ عَلَيْكُمْ جُنَاحٌ أَنْ تَأْكُلُوا جَمِيعًا أَوْ أَشْتَاتًا ۚ فَإِذَا دَخَلْتُمْ بُيُوتًا فَسَلِّمُوا عَلَىٰ أَنْفُسِكُمْ تَحِيَّةً مِنْ عِنْدِ اللَّهِ مُبَارَكَةً طَيِّبَةً ۚ كَذَٰلِكَ يُبَيِّنُ اللَّهُ لَكُمُ الْآيَاتِ لَعَلَّكُمْ تَعْقِلُونَ
62 Тхьэр зышIошъ хъухэрэр Алахьым, Ащ илIыкIо шIошъхъуныгъэ шъыпкъэ афэзышIыгъэхэр арых ныIэп. Ахэр ащ игъусэхэу зы Iоф зэдашIэ зыхъукIэ, ащ Iизын къыIамыхэу IукIыжьхэрэп. Шъыпкъэ дэдэмкIэ, Iизын яптынэу къыолъэIухэрэр Алахьым, Ащ илIыкIо шIошъхъуныгъэ шъыпкъэ афэзышIыгъэхэр арых. Ежьхэм яIоф горэхэм апае Iизын яптынэу ахэр къызыолъэIухэкIэ, ахэмэ ащыщэу узыфаем Iизын ет, ахэмэ къафигъэгъунэу Алахьым елъэIу. Шъыпкъэ дэдэмкIэ, Алахьым къыпфегъэгъу, гукIэгъушI!
إِنَّمَا الْمُؤْمِنُونَ الَّذِينَ آمَنُوا بِاللَّهِ وَرَسُولِهِ وَإِذَا كَانُوا مَعَهُ عَلَىٰ أَمْرٍ جَامِعٍ لَمْ يَذْهَبُوا حَتَّىٰ يَسْتَأْذِنُوهُ ۚ إِنَّ الَّذِينَ يَسْتَأْذِنُونَكَ أُولَٰئِكَ الَّذِينَ يُؤْمِنُونَ بِاللَّهِ وَرَسُولِهِ ۚ فَإِذَا اسْتَأْذَنُوكَ لِبَعْضِ شَأْنِهِمْ فَأْذَنْ لِمَنْ شِئْتَ مِنْهُمْ وَاسْتَغْفِرْ لَهُمُ اللَّهَ ۚ إِنَّ اللَّهَ غَفُورٌ رَحِيمٌ
63 Шъо шъузэрэзэджэжьрэм фэдэу пегъэмбарым шъуемыдж. Шъущыщхэу загъэбылъзэ ащ гокIхэрэр Алахьым ешIэх. Ащ иунашъо зыукъохэрэр ушэтыныр е хьэзаб пщыныжьыр къалъымыIэсыным пае зыфэрэсакъыжьых!
لَا تَجْعَلُوا دُعَاءَ الرَّسُولِ بَيْنَكُمْ كَدُعَاءِ بَعْضِكُمْ بَعْضًا ۚ قَدْ يَعْلَمُ اللَّهُ الَّذِينَ يَتَسَلَّلُونَ مِنْكُمْ لِوَاذًا ۚ فَلْيَحْذَرِ الَّذِينَ يُخَالِفُونَ عَنْ أَمْرِهِ أَنْ تُصِيبَهُمْ فِتْنَةٌ أَوْ يُصِيبَهُمْ عَذَابٌ أَلِيمٌ
64 Уашъом щыIи чIыгум щыIи Алахьыр арба зыIэ илъыр? Шъо зызфэжъугъэзагъэр Ащ ешIэ, ахэмэ Ащ ыдэжь къызщагъэзэжьыщт мафэм, ахэмэ ашIагъэр Ащ къариIощт. Шъыпкъэ дэдэмкIэ, Алахьым щыIэр зэкIэ ешIэ!
أَلَا إِنَّ لِلَّهِ مَا فِي السَّمَاوَاتِ وَالْأَرْضِ ۖ قَدْ يَعْلَمُ مَا أَنْتُمْ عَلَيْهِ وَيَوْمَ يُرْجَعُونَ إِلَيْهِ فَيُنَبِّئُهُمْ بِمَا عَمِلُوا ۗ وَاللَّهُ بِكُلِّ شَيْءٍ عَلِيمٌ