Алахьзаб - الأحزاب - The Allies

1 О пегъэмбар, Алахьым фэшъыпкъ, джаурхэми шъорышIхэми уафэмыIорышI, шъыпкъэ дэдэмкIэ, Алахьым ешIэ, Iуш!
بِسْمِ اللَّهِ الرَّحْمَٰنِ الرَّحِيمِ يَا أَيُّهَا النَّبِيُّ اتَّقِ اللَّهَ وَلَا تُطِعِ الْكَافِرِينَ وَالْمُنَافِقِينَ ۗ إِنَّ اللَّهَ كَانَ عَلِيمًا حَكِيمًا
2 О уи Тхьэ пшIошъ къыгъэхъугъэм рыкIу. Шъо шъушIэрэр Алахьым ешIэ!
وَاتَّبِعْ مَا يُوحَىٰ إِلَيْكَ مِنْ رَبِّكَ ۚ إِنَّ اللَّهَ كَانَ بِمَا تَعْمَلُونَ خَبِيرًا
3 Алахьыр гугъапIэ шIы, Алахьыр гугъапIэкIэ икъущт!
وَتَوَكَّلْ عَلَى اللَّهِ ۚ وَكَفَىٰ بِاللَّهِ وَكِيلًا
4 Алахьым цIыфым гуитIу къыкIоцIилъхьагъэп, шъуишъузхэр шъуянэ къышIыгъэхэп, шъупIужьыхэри шъукъо къышIыгъэхэп. ШъуIупэ телъыр шъо шъуигущыI ныIэп, ау Алахьым къыIорэр шъыпкъэ, Ащ гъогу занкIэр къегъэлъагъо.
مَا جَعَلَ اللَّهُ لِرَجُلٍ مِنْ قَلْبَيْنِ فِي جَوْفِهِ ۚ وَمَا جَعَلَ أَزْوَاجَكُمُ اللَّائِي تُظَاهِرُونَ مِنْهُنَّ أُمَّهَاتِكُمْ ۚ وَمَا جَعَلَ أَدْعِيَاءَكُمْ أَبْنَاءَكُمْ ۚ ذَٰلِكُمْ قَوْلُكُمْ بِأَفْوَاهِكُمْ ۖ وَاللَّهُ يَقُولُ الْحَقَّ وَهُوَ يَهْدِي السَّبِيلَ
5 Ахэр ятэ шъыпкъэхэм якIалэхэкIэ шъулъытэх, ар Алахьым ыпашъхьэкIэ нахь зэфагъ. Ахэмэ ятэхэр шъумышIэмэ, ахэмэ шъуидин ит шъукъошхэр, шъуиIахьылхэр ты афэрэхъух. ПсэкIодэу къышъутефэщтыр шъо хэукъоныгъэу шъушIырэр арэп зэлъытыгъэр, гухэлъ фышъуиIэу шъугумэ аушъэфрэр ары нахь. Алахьым къыпфегъэгъу, гукIэгъу хэлъ!
ادْعُوهُمْ لِآبَائِهِمْ هُوَ أَقْسَطُ عِنْدَ اللَّهِ ۚ فَإِنْ لَمْ تَعْلَمُوا آبَاءَهُمْ فَإِخْوَانُكُمْ فِي الدِّينِ وَمَوَالِيكُمْ ۚ وَلَيْسَ عَلَيْكُمْ جُنَاحٌ فِيمَا أَخْطَأْتُمْ بِهِ وَلَٰكِنْ مَا تَعَمَّدَتْ قُلُوبُكُمْ ۚ وَكَانَ اللَّهُ غَفُورًا رَحِيمًا
6 Ежьхэр зэрэзэпэблэгъэжьхэм нахьи пегъэмбарыр Тхьэр зышIошъ хъурэмэ нахь апэблагъ, ащ ишъхьэгъусэхэр ахэмэ янэх. Iахьылыгъэ зэфызиIэхэр, Алахьым итхылъкIэ, Тхьэр зышIошъ хъухэрэм, мухьаджырхэм зэрапэблагъэхэм нахьи нахь зэпэблагъэх. Шъуиныбджэгъухэм шIоу афашъушIэрэр ащ хэкIы. Ар тхылъым итхагъ.
النَّبِيُّ أَوْلَىٰ بِالْمُؤْمِنِينَ مِنْ أَنْفُسِهِمْ ۖ وَأَزْوَاجُهُ أُمَّهَاتُهُمْ ۗ وَأُولُو الْأَرْحَامِ بَعْضُهُمْ أَوْلَىٰ بِبَعْضٍ فِي كِتَابِ اللَّهِ مِنَ الْمُؤْمِنِينَ وَالْمُهَاجِرِينَ إِلَّا أَنْ تَفْعَلُوا إِلَىٰ أَوْلِيَائِكُمْ مَعْرُوفًا ۚ كَانَ ذَٰلِكَ فِي الْكِتَابِ مَسْطُورًا
7 Тэ пегъэмбарми ори, Нухьи, Ибрахьими, Моси, Мерэм ыкъоу Хьиси, Iогъэ пхъашэ къаIытхыгъ.
وَإِذْ أَخَذْنَا مِنَ النَّبِيِّينَ مِيثَاقَهُمْ وَمِنْكَ وَمِنْ نُوحٍ وَإِبْرَاهِيمَ وَمُوسَىٰ وَعِيسَى ابْنِ مَرْيَمَ ۖ وَأَخَذْنَا مِنْهُمْ مِيثَاقًا غَلِيظًا
8 Къафэшъыпкъэхэр къафэшъыпкъэнхэм кIэдэунхэу, джаурхэм хьэзаб пщыныжь Ащ афигъэхьазырыгъ.
لِيَسْأَلَ الصَّادِقِينَ عَنْ صِدْقِهِمْ ۚ وَأَعَدَّ لِلْكَافِرِينَ عَذَابًا أَلِيمًا
9 О шIошъхъуныгъэ шъыпкъэ зышIыгъэхэр! Шъо дзэхэр къызышъутеохэм, Алахьым шIоу къышъуфишIагъэр шъугу къэжъугъэкIыжь, Тэ ахэмэ жьыбгъэр къафидгъэлъыгъ, шъумылъэгъухэрэ дзэхэр къапэдгъэгъокIыгъэх. Шъо шъушIэрэр Алахьым къелъэгъу!
يَا أَيُّهَا الَّذِينَ آمَنُوا اذْكُرُوا نِعْمَةَ اللَّهِ عَلَيْكُمْ إِذْ جَاءَتْكُمْ جُنُودٌ فَأَرْسَلْنَا عَلَيْهِمْ رِيحًا وَجُنُودًا لَمْ تَرَوْهَا ۚ وَكَانَ اللَّهُ بِمَا تَعْمَلُونَ بَصِيرًا
10 Шъо ахэр шъуашъхьагъыкIи шъуачIэгъыкIи къышъутеуагъэх, мары, шъунэхэри кIосагъэх, шъугухэр шъучыишъхьэ къыIугъолъхьэгъагъэх, АлахьымкIэ шъузэгупшысэщтыр шъумышIэу, шъухъугъ.
إِذْ جَاءُوكُمْ مِنْ فَوْقِكُمْ وَمِنْ أَسْفَلَ مِنْكُمْ وَإِذْ زَاغَتِ الْأَبْصَارُ وَبَلَغَتِ الْقُلُوبُ الْحَنَاجِرَ وَتَظُنُّونَ بِاللَّهِ الظُّنُونَا
11 Мыщ Тхьэр зышIошъ хъухэрэр ушэтыгъэ щыхъугъэх, щэчыгъое гукIодыгъо инкIэ агъэщэчэгъагъэх!
هُنَالِكَ ابْتُلِيَ الْمُؤْمِنُونَ وَزُلْزِلُوا زِلْزَالًا شَدِيدًا
12 ШъорышIхэмрэ зыгу уз илъхэмрэ аIощтыгъэ: "Тэ Алахьым, Ащ илIыкIо тыкъызэрагъэгугъагъэр пцIы ныIэп!"
وَإِذْ يَقُولُ الْمُنَافِقُونَ وَالَّذِينَ فِي قُلُوبِهِمْ مَرَضٌ مَا وَعَدَنَا اللَّهُ وَرَسُولُهُ إِلَّا غُرُورًا
13 Ахэмэ ащыщэу зы куп ыIуагъ: "Ясриб щыпсэухэрэр! Мыщ шъущытыныр къышъопэсыгъэп, жъугъэзэжь! "НэмыкI купыр IукIыжьынэу Iизин къаритынэу пегъэмбарым къелъэIу: "Тиунэхэр IэпыIэгъунчъэх". Ау ахэр IэпыIэгъунчъэхэу щытыгъэхэп. КIаIэжьынэу ахэр фэягъэх ныIэп.
وَإِذْ قَالَتْ طَائِفَةٌ مِنْهُمْ يَا أَهْلَ يَثْرِبَ لَا مُقَامَ لَكُمْ فَارْجِعُوا ۚ وَيَسْتَأْذِنُ فَرِيقٌ مِنْهُمُ النَّبِيَّ يَقُولُونَ إِنَّ بُيُوتَنَا عَوْرَةٌ وَمَا هِيَ بِعَوْرَةٍ ۖ إِنْ يُرِيدُونَ إِلَّا فِرَارًا
14 Къалэм исыд фэдэрэ лъэныкъокIи пыир ахэмэ къатеогъагъэмэ, пыим езэонхэу хъугъагъэхэмэ ахэмэ лIыгъэ къахэфэныеп, анахьыбэр пыим гохьани.
وَلَوْ دُخِلَتْ عَلَيْهِمْ مِنْ أَقْطَارِهَا ثُمَّ سُئِلُوا الْفِتْنَةَ لَآتَوْهَا وَمَا تَلَبَّثُوا بِهَا إِلَّا يَسِيرًا
15 АкIыб къамыгъэзэнэу ахэмэ нахь пасэу Алахьым Iуагъэ фашIыгъагъ. Алахьым Iуагъэу дашIыгъэмкIэ ахэмэ къяупчIыщтых.
وَلَقَدْ كَانُوا عَاهَدُوا اللَّهَ مِنْ قَبْلُ لَا يُوَلُّونَ الْأَدْبَارَ ۚ وَكَانَ عَهْدُ اللَّهِ مَسْئُولًا
16 ЯIу: "Хьадэгъум е шъуаукIыным шъуаIэкIэкIынэу шъочъэмэ, шъузэрэчъэрэм шъо федэ къышъуфихьыщтэп, шъутхъэжьэу бэрэ шъухэтыщтэп".
قُلْ لَنْ يَنْفَعَكُمُ الْفِرَارُ إِنْ فَرَرْتُمْ مِنَ الْمَوْتِ أَوِ الْقَتْلِ وَإِذًا لَا تُمَتَّعُونَ إِلَّا قَلِيلًا
17 ЯIу: "Е къышъуишIэ шIоигъомэ е гукIэгъу къышъуфишIы шIоигъомэ хэта Алахьым нэмыкIэу шъукъэзыухъумэнэу щыIэр?" Алахьым фэшъхьафэу къэзыухъумэнхи IэпыIэгъу афэхъуни ахэмэ агъотыщтэп!
قُلْ مَنْ ذَا الَّذِي يَعْصِمُكُمْ مِنَ اللَّهِ إِنْ أَرَادَ بِكُمْ سُوءًا أَوْ أَرَادَ بِكُمْ رَحْمَةً ۚ وَلَا يَجِدُونَ لَهُمْ مِنْ دُونِ اللَّهِ وَلِيًّا وَلَا نَصِيرًا
18 Алахьым ешIэх шъо шъущыщхэу ащ (Мыхьамэт ) ыкъошхэр гозыщхэрэр, ахэмэ языIохэрэр: "Тэ тадэжь шъукъакIу!" МакIэ ахэмэ лIыгъэу къызхагъафэрэр,
قَدْ يَعْلَمُ اللَّهُ الْمُعَوِّقِينَ مِنْكُمْ وَالْقَائِلِينَ لِإِخْوَانِهِمْ هَلُمَّ إِلَيْنَا ۖ وَلَا يَأْتُونَ الْبَأْسَ إِلَّا قَلِيلًا
19 Шъощ пае загъэхьарамзэ. Щынагъо къызыкIокIэ, олъэгъу ахэр къызэрэоплъхэрэр, хьадэгъум ыгъэмэхыгъагъэм фэдэу, ахэмэ анэхэр ечэрэзыхьэх. Щынагъор зытекIыкIэ, абзэгу папцIэхэмкIэ ахэр къыпхэпыджэх, былымыр агощы зыхъукIэ хьарамых. Ахэмэ шIошъхъуныгъэ шъыпкъэ ашIыгъэп, яIофхэр Алахьым пкIэнчъэ ышIыщтых! АлахьымкIэ ар IэшIэх!
أَشِحَّةً عَلَيْكُمْ ۖ فَإِذَا جَاءَ الْخَوْفُ رَأَيْتَهُمْ يَنْظُرُونَ إِلَيْكَ تَدُورُ أَعْيُنُهُمْ كَالَّذِي يُغْشَىٰ عَلَيْهِ مِنَ الْمَوْتِ ۖ فَإِذَا ذَهَبَ الْخَوْفُ سَلَقُوكُمْ بِأَلْسِنَةٍ حِدَادٍ أَشِحَّةً عَلَى الْخَيْرِ ۚ أُولَٰئِكَ لَمْ يُؤْمِنُوا فَأَحْبَطَ اللَّهُ أَعْمَالَهُمْ ۚ وَكَانَ ذَٰلِكَ عَلَى اللَّهِ يَسِيرًا
20 БзэджэшIэ зэгъусэхэр зэкIэмыкIуагъэхэу ахэмэ къашIошIы, бзэджэщIэ зэгъусэхэр джыри къызыкIохэкIэ, а арабхэм ягъусэхэу шъофым кощырыпсэухэу исынхэм, ащ тэ тиIоф зытетым щыкIэупчIэнхэу ахэр фэештых, ахэр шъуигъусагъэми, макIэ зэрэзэуагъэхэр.
يَحْسَبُونَ الْأَحْزَابَ لَمْ يَذْهَبُوا ۖ وَإِنْ يَأْتِ الْأَحْزَابُ يَوَدُّوا لَوْ أَنَّهُمْ بَادُونَ فِي الْأَعْرَابِ يَسْأَلُونَ عَنْ أَنْبَائِكُمْ ۖ وَلَوْ كَانُوا فِيكُمْ مَا قَاتَلُوا إِلَّا قَلِيلًا
21 Алахьым, ахърэт мафэм щыгугъыхэрэм апае, бэрэ Алахьыр зыгу къэзгъэкIыжьхэрэм апае Алахьым илIыкIо щысэ шIагъо хэлъ.
لَقَدْ كَانَ لَكُمْ فِي رَسُولِ اللَّهِ أُسْوَةٌ حَسَنَةٌ لِمَنْ كَانَ يَرْجُو اللَّهَ وَالْيَوْمَ الْآخِرَ وَذَكَرَ اللَّهَ كَثِيرًا
22 Тхьэр зышIошъ хъурэмэ бзэджэшIэ зэгъусэхэр залъэгъум, аIуагъ: "Ар тэ Алахьым, Ащ илIыкIо тыкъызэрагъэгугъагъэр ары. Алахьым, Ащ илIыкIо шъыпкъагъэ ахэлъ!" Ахэмэ шIошъхъуныгъэу, IорышIагъэу ахэлъыр ащ нахь ин ышIыгъ ныIэп.
وَلَمَّا رَأَى الْمُؤْمِنُونَ الْأَحْزَابَ قَالُوا هَٰذَا مَا وَعَدَنَا اللَّهُ وَرَسُولُهُ وَصَدَقَ اللَّهُ وَرَسُولُهُ ۚ وَمَا زَادَهُمْ إِلَّا إِيمَانًا وَتَسْلِيمًا
23 Алахьым Iуагъэу дашIыгъэм фэшъыпкъэ цIыфхэр Тхьэр зышIошъ хъурэмэ ахэтых. Ахэмэ ащыщхэм зигъашIэ зыухыгъэхэри зымыухыгъэхэри ахэтых. Ахэмэ яIо зэблахъугъэп.
مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ ۖ فَمِنْهُمْ مَنْ قَضَىٰ نَحْبَهُ وَمِنْهُمْ مَنْ يَنْتَظِرُ ۖ وَمَا بَدَّلُوا تَبْدِيلًا
24 Шъыпкъагъэ зиIэхэм яшъыпкъагъэ пае Алахьыр къызыщятэщтым, е фае хъумэ шъорышIхэр ыгъэпщынэщтых, е афигъэгъущт. Шъыпкъэ дэдэмкIэ, Алахьым къыпфегъэгъу, гукIэгъу хэлъ!
لِيَجْزِيَ اللَّهُ الصَّادِقِينَ بِصِدْقِهِمْ وَيُعَذِّبَ الْمُنَافِقِينَ إِنْ شَاءَ أَوْ يَتُوبَ عَلَيْهِمْ ۚ إِنَّ اللَّهَ كَانَ غَفُورًا رَحِيمًا
25 Джаурхэр ыгу зэрэтемыфэщтыгъэхэм пае ахэр Алахьым щигъэзыягъэх, ахэмэ Ащ мылъку аритыгъэп. Тхьэр зышIошъ хъухэрэр заом Алахьым къыщиухъумэщтых: Алахьыр кIочIэшху, пытэ!
وَرَدَّ اللَّهُ الَّذِينَ كَفَرُوا بِغَيْظِهِمْ لَمْ يَنَالُوا خَيْرًا ۚ وَكَفَى اللَّهُ الْمُؤْمِنِينَ الْقِتَالَ ۚ وَكَانَ اللَّهُ قَوِيًّا عَزِيزًا
26 Тхыгъэр зышIэрэ цIыф лъэпкъым щыщхэу ахэмэ адеIэщтыгъэхэр япытапIэмэ Ащ къадигъэкIыгъэх. Ахэмэ ащыщэу зы купыр шъо шъуукIыгъэ, адырэ купыр шъо гъэрэу шъуубытыгъэ.
وَأَنْزَلَ الَّذِينَ ظَاهَرُوهُمْ مِنْ أَهْلِ الْكِتَابِ مِنْ صَيَاصِيهِمْ وَقَذَفَ فِي قُلُوبِهِمُ الرُّعْبَ فَرِيقًا تَقْتُلُونَ وَتَأْسِرُونَ فَرِيقًا
27 Ахэмэ ячIыгухэр, япсэупIэхэр, ямылъкухэр, ячIыгоу шъумыгъэцIыкIугъэр Ащ кIэнэу къышъуитыгъ. Алахьым ыIэ къимыхьан щыIэп!
وَأَوْرَثَكُمْ أَرْضَهُمْ وَدِيَارَهُمْ وَأَمْوَالَهُمْ وَأَرْضًا لَمْ تَطَئُوهَا ۚ وَكَانَ اللَّهُ عَلَىٰ كُلِّ شَيْءٍ قَدِيرًا
28 О пегъэмбар, уишъхьагъусэмэ яIу: "ГъашIэу шъузхэтым, ащ идэхагъэхэм шъуфаемэ, шъукъакIу: Сэ а тхъагъохэр шъозгъэгъотыщтых, шъхьафитныгъэ икъу къышъостынышъ, шъхьафитэу шъустIупщыщт.
يَا أَيُّهَا النَّبِيُّ قُلْ لِأَزْوَاجِكَ إِنْ كُنْتُنَّ تُرِدْنَ الْحَيَاةَ الدُّنْيَا وَزِينَتَهَا فَتَعَالَيْنَ أُمَتِّعْكُنَّ وَأُسَرِّحْكُنَّ سَرَاحًا جَمِيلًا
29 Ау шъо Алахьымрэ илIыкIорэ ахърэтымрэ шъуфаемэ, шъо шъущыщэу шIу зышIагъэмэ Алахьым тынышхо къафигъэхьазырыгъ.
وَإِنْ كُنْتُنَّ تُرِدْنَ اللَّهَ وَرَسُولَهُ وَالدَّارَ الْآخِرَةَ فَإِنَّ اللَّهَ أَعَدَّ لِلْمُحْسِنَاتِ مِنْكُنَّ أَجْرًا عَظِيمًا
30 О пегъэмбарым ишъхьагъусэхэр! Шъуащыщэу бзэджэгъэ гъэнэфагъэ зышIэрэм пщынэжьэу ыхьыщтыр фэдитIукIэ нахьыб. АлахьымкIэ ар IэшIэх!
يَا نِسَاءَ النَّبِيِّ مَنْ يَأْتِ مِنْكُنَّ بِفَاحِشَةٍ مُبَيِّنَةٍ يُضَاعَفْ لَهَا الْعَذَابُ ضِعْفَيْنِ ۚ وَكَانَ ذَٰلِكَ عَلَى اللَّهِ يَسِيرًا
31 Шъуащыщэу Алахьымрэ илIыкIорэ шъуафэIорышIэмэ, шIу афашъушIэмэ, Тэ фэдитIу тын шъуфэтшIыщт, ащ пае IахьышIу дгъэхьазырыгъэ.
وَمَنْ يَقْنُتْ مِنْكُنَّ لِلَّهِ وَرَسُولِهِ وَتَعْمَلْ صَالِحًا نُؤْتِهَا أَجْرَهَا مَرَّتَيْنِ وَأَعْتَدْنَا لَهَا رِزْقًا كَرِيمًا
32 О пегъэмбарым ишъхьагъусэхэр! Бзылъфыгъэмэ ащыщ горэмэ шъуфэдэп. Тхьэм ищынагъо шъугу илъмэ, дэхащэу шъумыгущыI, зыгу уз илъхэр къышъомыхъопсэнхэм пае, гущыIэ дэгъукIэ шъугущыI.
يَا نِسَاءَ النَّبِيِّ لَسْتُنَّ كَأَحَدٍ مِنَ النِّسَاءِ ۚ إِنِ اتَّقَيْتُنَّ فَلَا تَخْضَعْنَ بِالْقَوْلِ فَيَطْمَعَ الَّذِي فِي قَلْبِهِ مَرَضٌ وَقُلْنَ قَوْلًا مَعْرُوفًا
33 Шъуиунэмэ шъуарыс, блэкIыгъэ уахътэу зи зыщышъумышIэщтыгъэм шъузэрэзыщытхъужьыщтыгъэм фэдэу нэмыкIмэ апашъхьэ шъуищыгъынхэмкIэ шъузщымытхъужь, нэмаз шъушIы, мылъкум шъугухэр зыгъэкъэбзэрэ сэдакъэ хэжъугъэкI, Алахьым, Ащ илIыкIо шъуафэIорышI. Шъо бзэджагъэр Алахьым шъукIэрихы шIоигъу ныIэп, мы унэм ис унагъом шъо къэбзэ шъыпкъэ, шъуишIы шIоигъу.
وَقَرْنَ فِي بُيُوتِكُنَّ وَلَا تَبَرَّجْنَ تَبَرُّجَ الْجَاهِلِيَّةِ الْأُولَىٰ ۖ وَأَقِمْنَ الصَّلَاةَ وَآتِينَ الزَّكَاةَ وَأَطِعْنَ اللَّهَ وَرَسُولَهُ ۚ إِنَّمَا يُرِيدُ اللَّهُ لِيُذْهِبَ عَنْكُمُ الرِّجْسَ أَهْلَ الْبَيْتِ وَيُطَهِّرَكُمْ تَطْهِيرًا
34 Алахьым иIэятэ къэгъэшъыпкъэжьыгъэхэм шъуиунэмэ шъущяджэ зыхъукIэ Ащ иIушыгъэ шъугу къэжъугъэкIыжь. Алахьыр шIу, ешIэ!"
وَاذْكُرْنَ مَا يُتْلَىٰ فِي بُيُوتِكُنَّ مِنْ آيَاتِ اللَّهِ وَالْحِكْمَةِ ۚ إِنَّ اللَّهَ كَانَ لَطِيفًا خَبِيرًا
35 Шъыпкъэ дэдэмкIэ, быслъымэн хъулъфыгъэхэм, быслъымэн бзылъфыгъэхэм, Тхьэр зышIошъ хъухэрэ хъулъфыгъэхэм, бзылъфыгъэхэм, ТхьэмкIэ щэIагъэ зиIэхэм, Ар зыгу имыкIхэрэ хъулъфыгъэхэм, бзылъфыгъэхэм, сэдакъэ зытыхэрэ хъулъфыгъэхэм, бзылъфыгъэхэм, нэкIмазэр зыIыгъ хъулъфыгъэхэм, бзылъфыгъэхэм, зинамыс къэзыухъумэжьхэрэ хъулъфыгъэхэм, бзылъфыгъэхэм, Алахьыр бэрэ зыгу къэзгъэкIхэрэм фэгъэгъуныр, тын лъапIэр Алахьым къафигъэхьазырыгъ!
إِنَّ الْمُسْلِمِينَ وَالْمُسْلِمَاتِ وَالْمُؤْمِنِينَ وَالْمُؤْمِنَاتِ وَالْقَانِتِينَ وَالْقَانِتَاتِ وَالصَّادِقِينَ وَالصَّادِقَاتِ وَالصَّابِرِينَ وَالصَّابِرَاتِ وَالْخَاشِعِينَ وَالْخَاشِعَاتِ وَالْمُتَصَدِّقِينَ وَالْمُتَصَدِّقَاتِ وَالصَّائِمِينَ وَالصَّائِمَاتِ وَالْحَافِظِينَ فُرُوجَهُمْ وَالْحَافِظَاتِ وَالذَّاكِرِينَ اللَّهَ كَثِيرًا وَالذَّاكِرَاتِ أَعَدَّ اللَّهُ لَهُمْ مَغْفِرَةً وَأَجْرًا عَظِيمًا
36 Алахьым, Ащ илIыкIо Iоф горэ рихъухьэ зыхъукIэ, Тхьэр зышIошъ хъурэ хъулъфыгъэми бзылъфыгъэми а IофымкIэ ашIэн зыфаIорэм фитхэп, Алахьым, Ащ илIыкIо апэшIуекIорэр нэрылъэгъу гъощакIэкIэ гъощагъэ.
وَمَا كَانَ لِمُؤْمِنٍ وَلَا مُؤْمِنَةٍ إِذَا قَضَى اللَّهُ وَرَسُولُهُ أَمْرًا أَنْ يَكُونَ لَهُمُ الْخِيَرَةُ مِنْ أَمْرِهِمْ ۗ وَمَنْ يَعْصِ اللَّهَ وَرَسُولَهُ فَقَدْ ضَلَّ ضَلَالًا مُبِينًا
37 Алахьым ынэшIу къызщыфагъэм, о унэшIу зыщыфагъэм "Уишъхьагъусэ зэубытылI, Алахьым щыщын!", Алахьым нафэ къышI шIоигъуагъэр о угу щыуушъэфызэ, цIыфмэ уащыщынэзэ, япIо зэхъум, о зэкIэми анахьэу Алахьым ущыщынэн фэягъэ. Бзылъфыгъэм фэгъэхьыгъэу Зэидэ шIоигъор зегъэцакIэм, Тхьэр зышIошъ хъурэмэ апIужьыгъэмэ яшъузхэр къащэнхэр гунахь мыхъуным пае ахэмэ ежьхэр зэрашIоигъоу задэзекIуагъэхэм ыуж Тэ ар о къэодгъэщагъ. Алахьым иунашъо гъэцэкIагъэ хъугъэ!
وَإِذْ تَقُولُ لِلَّذِي أَنْعَمَ اللَّهُ عَلَيْهِ وَأَنْعَمْتَ عَلَيْهِ أَمْسِكْ عَلَيْكَ زَوْجَكَ وَاتَّقِ اللَّهَ وَتُخْفِي فِي نَفْسِكَ مَا اللَّهُ مُبْدِيهِ وَتَخْشَى النَّاسَ وَاللَّهُ أَحَقُّ أَنْ تَخْشَاهُ ۖ فَلَمَّا قَضَىٰ زَيْدٌ مِنْهَا وَطَرًا زَوَّجْنَاكَهَا لِكَيْ لَا يَكُونَ عَلَى الْمُؤْمِنِينَ حَرَجٌ فِي أَزْوَاجِ أَدْعِيَائِهِمْ إِذَا قَضَوْا مِنْهُنَّ وَطَرًا ۚ وَكَانَ أَمْرُ اللَّهِ مَفْعُولًا
38 Алахьым унашъо къызэрэфишIыгъэм тетэу пегъэмбарыр зекIуагъэмэ, нахьыпэкIэ щыIагъэхэм апае Алахьым хабзэу ыгъэуцугъэм тефэмэ, пегъэмбарым псэкIод телъэп. Алахьым иIоф пэшIорыгъэшIэу ихъухьэгъахэу щытыгъ.
مَا كَانَ عَلَى النَّبِيِّ مِنْ حَرَجٍ فِيمَا فَرَضَ اللَّهُ لَهُ ۖ سُنَّةَ اللَّهِ فِي الَّذِينَ خَلَوْا مِنْ قَبْلُ ۚ وَكَانَ أَمْرُ اللَّهِ قَدَرًا مَقْدُورًا
39 Алахьым къыригъэххэрэр языIожьхэрэмкIэ, щыщынэхэрэмкIэ, Алахьым фэшъхьафэу хэти щымыщынэхэрэмкIэ Алахьыр зэкIэмэ анахь узщыгугъын ухъумакIоу щыт!
الَّذِينَ يُبَلِّغُونَ رِسَالَاتِ اللَّهِ وَيَخْشَوْنَهُ وَلَا يَخْشَوْنَ أَحَدًا إِلَّا اللَّهَ ۗ وَكَفَىٰ بِاللَّهِ حَسِيبًا
40 Шъо шъуихъулъфыгъэмэ ащыщ горэм Мыхьамэт ятагъэп, ау ар Алахьым илIыкIу ныIэп, пегъэмбархэм ятамыгъ. Алахьым зэкIэ ешIэ!
مَا كَانَ مُحَمَّدٌ أَبَا أَحَدٍ مِنْ رِجَالِكُمْ وَلَٰكِنْ رَسُولَ اللَّهِ وَخَاتَمَ النَّبِيِّينَ ۗ وَكَانَ اللَّهُ بِكُلِّ شَيْءٍ عَلِيمًا
41 О шIошъхъуныгъэ шъыпкъэ зышIыгъэхэр! Алахьыр бэрэ шъугу къэжъугъэкIыжь,
يَا أَيُّهَا الَّذِينَ آمَنُوا اذْكُرُوا اللَّهَ ذِكْرًا كَثِيرًا
42 Пчэдыжьри пчыхьэри Ащ ищытхъу шъуIо!
وَسَبِّحُوهُ بُكْرَةً وَأَصِيلًا
43 ШIункIхэм шъукъыхищыни, нэфынэм шъукъыхищэным пае шъуиморад къыжъудэзгъэхъунэу зышIэрэр Алахьыр ары, Ащ имэлэIичхэр ары. Алахьыр ары гукIэгъу къышъуфэзышIырэр, ащ имэлаIичхэри къышъуфэзгъэлъаIорэр. Тхьэр зышIошъ хъурэмэ афэгукIэгъушI!
هُوَ الَّذِي يُصَلِّي عَلَيْكُمْ وَمَلَائِكَتُهُ لِيُخْرِجَكُمْ مِنَ الظُّلُمَاتِ إِلَى النُّورِ ۚ وَكَانَ بِالْمُؤْمِنِينَ رَحِيمًا
44 Ахэр Ащ зыщыIукIэщтхэ мафэм сэлам къарихыщт: "Мамыр" Ахэмэ Ащ тын дэгъу къафигъэхьазырыгъ.
تَحِيَّتُهُمْ يَوْمَ يَلْقَوْنَهُ سَلَامٌ ۚ وَأَعَدَّ لَهُمْ أَجْرًا كَرِيمًا
45 О пегъэмбар, ушыхьатэу, агурыбгъэIонэу, гу лъябгъэтэнэу Тэ удгъэкIуагъ.
يَا أَيُّهَا النَّبِيُّ إِنَّا أَرْسَلْنَاكَ شَاهِدًا وَمُبَشِّرًا وَنَذِيرًا
46 Алахьым иIоф фэпщэнхэм, дин шIэныгъэ язгъэгъотрэ остыгъэ нэф уафэхъуным Ащ иIизын хэлъ.
وَدَاعِيًا إِلَى اللَّهِ بِإِذْنِهِ وَسِرَاجًا مُنِيرًا
47 Алахьым ыцIэкIэ шIушIэн ин дэдэхэр зэрафыщылъымкIэ Тхьэр зышIошъ хъухэрэр гъэгушIох!
وَبَشِّرِ الْمُؤْمِنِينَ بِأَنَّ لَهُمْ مِنَ اللَّهِ فَضْلًا كَبِيرًا
48 Джаурхэм, шъорышIхэм уафэмыIорышI, ахэмкIэ шъхьакIо умышIы, Алахьыр гугъапIэ шIы! Алахьыр гугъапIэкIэ икъущт.
وَلَا تُطِعِ الْكَافِرِينَ وَالْمُنَافِقِينَ وَدَعْ أَذَاهُمْ وَتَوَكَّلْ عَلَى اللَّهِ ۚ وَكَفَىٰ بِاللَّهِ وَكِيلًا
49 О шIошъхъуныгъэ шъыпкъэ зышIыгъэхэр! Тхьэр зышIошъ хъухэрэр къызышъущэхэу, етIанэ ахэмэ шъуанэсыным ыпэкIэ зышъутIупщыжьхэкIэ, пIалъэу шъулъытэрэм нэс ижъугъэсынхэу ищыкIагъэп, тынхэр афашъушIи, цIыфыгъэ хэлъэу ижъугъэкIыжьых.
يَا أَيُّهَا الَّذِينَ آمَنُوا إِذَا نَكَحْتُمُ الْمُؤْمِنَاتِ ثُمَّ طَلَّقْتُمُوهُنَّ مِنْ قَبْلِ أَنْ تَمَسُّوهُنَّ فَمَا لَكُمْ عَلَيْهِنَّ مِنْ عِدَّةٍ تَعْتَدُّونَهَا ۖ فَمَتِّعُوهُنَّ وَسَرِّحُوهُنَّ سَرَاحًا جَمِيلًا
50 О пегъэмбар! Нэчыхьэ зэптыгъэхэр шъхьагъусэ къыпфэхъунхэу Тэ фит утшIыгъ, Алахьым къонтхъэу къыуитыгъэм щыщэу пIэ къихьэгъэ бзылъфыгъэ гъэрхэри ары. Уятэшымэ, уятэшыпхъумэ апхъухэр, уянэшмэ, уянэшыпхъумэ апхъухэр, уигъусэхэу мыщ къэкощыжьыгъэхэр (Меккэм къикIхи, Мэдинэ къэкIожьыгъэхэр), хэтрэ бзылъфыгъэу Тхьэр зышIошъ хъурэр пегъэмбарым Iэрылъхьэ зыфишIымэ, пегъэмбарым ар къыщэнэу хъумэ, уихэхыгъэ фитныгъ нахь, зэкIэ Тхьэр зышIошъ хъурэмэ апаеп. О псэкIод птемылъыным пае ахэмэ яшъхьагъусэхэм, аIэ къихьэгъэ бзылъфыгъэ гъэрхэм афэгъэхьыгъэу Тэ хабзэу афэдгъэуцугъэр Тэ тэшIэ, Алахьым къыпфегъэгъу, гукIэгъу хэлъ!
يَا أَيُّهَا النَّبِيُّ إِنَّا أَحْلَلْنَا لَكَ أَزْوَاجَكَ اللَّاتِي آتَيْتَ أُجُورَهُنَّ وَمَا مَلَكَتْ يَمِينُكَ مِمَّا أَفَاءَ اللَّهُ عَلَيْكَ وَبَنَاتِ عَمِّكَ وَبَنَاتِ عَمَّاتِكَ وَبَنَاتِ خَالِكَ وَبَنَاتِ خَالَاتِكَ اللَّاتِي هَاجَرْنَ مَعَكَ وَامْرَأَةً مُؤْمِنَةً إِنْ وَهَبَتْ نَفْسَهَا لِلنَّبِيِّ إِنْ أَرَادَ النَّبِيُّ أَنْ يَسْتَنْكِحَهَا خَالِصَةً لَكَ مِنْ دُونِ الْمُؤْمِنِينَ ۗ قَدْ عَلِمْنَا مَا فَرَضْنَا عَلَيْهِمْ فِي أَزْوَاجِهِمْ وَمَا مَلَكَتْ أَيْمَانُهُمْ لِكَيْلَا يَكُونَ عَلَيْكَ حَرَجٌ ۗ وَكَانَ اللَّهُ غَفُورًا رَحِيمًا
51 Ахэмэ ащыщэу узыфаер птIупщыжьын уфит, пшIоигъор шъхьэгъусэу пштэн уфит, птIупщыжьыгъэмэ ащыщэу узыфаер къыппэблагъэ пшIыжьын уфит. АщкIэ о псэкIод къыптефэщтэп. Ахэмэ анэмэ жьы акIэуным пае ар нахь къекIу, ахэр орэмынэшхъэих, ахэмэ яптырэмкIэ ахэр разэ пфэрэхъух. Шъугу илъхэр Алахьым ешIэ. Алахьым ешIэ, шъабэ!
تُرْجِي مَنْ تَشَاءُ مِنْهُنَّ وَتُؤْوِي إِلَيْكَ مَنْ تَشَاءُ ۖ وَمَنِ ابْتَغَيْتَ مِمَّنْ عَزَلْتَ فَلَا جُنَاحَ عَلَيْكَ ۚ ذَٰلِكَ أَدْنَىٰ أَنْ تَقَرَّ أَعْيُنُهُنَّ وَلَا يَحْزَنَّ وَيَرْضَيْنَ بِمَا آتَيْتَهُنَّ كُلُّهُنَّ ۚ وَاللَّهُ يَعْلَمُ مَا فِي قُلُوبِكُمْ ۚ وَكَانَ اللَّهُ عَلِيمًا حَلِيمًا
52 Ащ ыуж бзылъфыгъэмэ ядэхагъэ лъэшэу угу рехьыми, о пIэ къихьэрэ бзылъфыгъэ гъэрхэр хэмытхэу, ащ нахьыбэрэ шъуз къэпщэн, уиIэхэр нэмыкI шъхьэгъусэхэмкIэ зэблэпхъун уфитэп. Алахьым зэкIэ инэплъэгъу ит!
لَا يَحِلُّ لَكَ النِّسَاءُ مِنْ بَعْدُ وَلَا أَنْ تَبَدَّلَ بِهِنَّ مِنْ أَزْوَاجٍ وَلَوْ أَعْجَبَكَ حُسْنُهُنَّ إِلَّا مَا مَلَكَتْ يَمِينُكَ ۗ وَكَانَ اللَّهُ عَلَىٰ كُلِّ شَيْءٍ رَقِيبًا
53 О шIошъхъуныгъэ шъыпкъэ зышIыгъэхэр! Шъо Iанэм шъурамыгъэблэгъагъэу, ар зыщыхьазырым къышъомыжэхэмэ, пегъэмбарым иунэхэм шъуарымыхь. Ау къызышъуаджэхэкIэ, шъуихь, шъузышхахэкIэ, ныбджэгъу гущыIэм шъухэмыхьажьэу шъузэхэкIыжь. Ащ пегъэмбарыр егъэгумэкIы. Ар къышъуиIонкIэ пегъэмбарыр мэукIытэ, ау шъыпкъэр къышъуиIонкIэ Алахьыр укIытэрэп. Ахэмэ шъо шыкъу горэм пае шъузялъэIукIэ, пэIухъо горэм ыкIыб шъудэтэу шъуялъэIу. Ар шъугухэмкIи ахэмэ агухэмкIи нахь къабз. Алахьым илIыкIо жъугъэгумэкIыныр къекIурэп, ащ ишъузыгъэхэр къэшъумыщэжьых. Алахьым ыпашъхьэкIэ ар Iофышху.
يَا أَيُّهَا الَّذِينَ آمَنُوا لَا تَدْخُلُوا بُيُوتَ النَّبِيِّ إِلَّا أَنْ يُؤْذَنَ لَكُمْ إِلَىٰ طَعَامٍ غَيْرَ نَاظِرِينَ إِنَاهُ وَلَٰكِنْ إِذَا دُعِيتُمْ فَادْخُلُوا فَإِذَا طَعِمْتُمْ فَانْتَشِرُوا وَلَا مُسْتَأْنِسِينَ لِحَدِيثٍ ۚ إِنَّ ذَٰلِكُمْ كَانَ يُؤْذِي النَّبِيَّ فَيَسْتَحْيِي مِنْكُمْ ۖ وَاللَّهُ لَا يَسْتَحْيِي مِنَ الْحَقِّ ۚ وَإِذَا سَأَلْتُمُوهُنَّ مَتَاعًا فَاسْأَلُوهُنَّ مِنْ وَرَاءِ حِجَابٍ ۚ ذَٰلِكُمْ أَطْهَرُ لِقُلُوبِكُمْ وَقُلُوبِهِنَّ ۚ وَمَا كَانَ لَكُمْ أَنْ تُؤْذُوا رَسُولَ اللَّهِ وَلَا أَنْ تَنْكِحُوا أَزْوَاجَهُ مِنْ بَعْدِهِ أَبَدًا ۚ إِنَّ ذَٰلِكُمْ كَانَ عِنْدَ اللَّهِ عَظِيمًا
54 Шъо зыгорэ нафэу е шъэфэу шъошIэмэ, зэкIэ Алахьым ешIэ.
إِنْ تُبْدُوا شَيْئًا أَوْ تُخْفُوهُ فَإِنَّ اللَّهَ كَانَ بِكُلِّ شَيْءٍ عَلِيمًا
55 Ятэхэм, якIалэхэм, ашыхэм, ашымэ акъохэм, ашыпхъухэм акъохэм, ахэмэ яшъузхэм, ягъэрхэм апашъхьэ ахэр мыухъумагъэхэу ихьанхэм псэкIод хэлъэп. Алахьым шъущыщын, Ащ зэкIэ къелъэгъу!
لَا جُنَاحَ عَلَيْهِنَّ فِي آبَائِهِنَّ وَلَا أَبْنَائِهِنَّ وَلَا إِخْوَانِهِنَّ وَلَا أَبْنَاءِ إِخْوَانِهِنَّ وَلَا أَبْنَاءِ أَخَوَاتِهِنَّ وَلَا نِسَائِهِنَّ وَلَا مَا مَلَكَتْ أَيْمَانُهُنَّ ۗ وَاتَّقِينَ اللَّهَ ۚ إِنَّ اللَّهَ كَانَ عَلَىٰ كُلِّ شَيْءٍ شَهِيدًا
56 Шъыпкъэ дэдэмкIэ, Алахьым, Ащ имэлаIичхэм пегъэмбарым иморад къыдэхъунэу раIуалIэ. О шIошъхъуныгъэ шъыпкъэ зышIыгъэхэр! Ащ иморад къыдэхъунэу ешъуIуалI, ащ мамыр иIэнэу шъушIоигъоу, мамыр шIуфэс ешъух.
إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا
57 Шъыпкъэ дэдэмкIэ, Алахьым, Ащ илIыкIо шъхьакIо языхыхэрэм гъашIэу зыхэтхэми ахърэтми бгыбзэ Алахьым ащырихыгъ, ахэр зыгъэцIыкIухэрэм пщынэжь къафигъэхьазырыгъ.
إِنَّ الَّذِينَ يُؤْذُونَ اللَّهَ وَرَسُولَهُ لَعَنَهُمُ اللَّهُ فِي الدُّنْيَا وَالْآخِرَةِ وَأَعَدَّ لَهُمْ عَذَابًا مُهِينًا
58 Тхьэр зышIошъ хъурэ хъулъфыгъэхэм, бзылъфыгъэхэм ямыфэшъуашэу шъхьакIо языхрэм пцIы зытыралъхьажьы, псэкIод гъэнэфагъэ ашIэ.
وَالَّذِينَ يُؤْذُونَ الْمُؤْمِنِينَ وَالْمُؤْمِنَاتِ بِغَيْرِ مَا اكْتَسَبُوا فَقَدِ احْتَمَلُوا بُهْتَانًا وَإِثْمًا مُبِينًا
59 О пегъэмбар! Уишъхьагъусэхэм, ппхъухэм, Тхьэр зышIошъ хъухэрэм яшъузхэм яIу: "Ахэмэ атехъуагъэхэр нахь благъэу къызэрарэщэкIых, аущтэу ашIымэ, ахэр къашIэжьыщтхэп, шъхьакIо къарахыщтэп". Алахьым къыпфегъэгъу, гукIэгъу хэлъ!
يَا أَيُّهَا النَّبِيُّ قُلْ لِأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِنْ جَلَابِيبِهِنَّ ۚ ذَٰلِكَ أَدْنَىٰ أَنْ يُعْرَفْنَ فَلَا يُؤْذَيْنَ ۗ وَكَانَ اللَّهُ غَفُورًا رَحِيمًا
60 ШъорышIыхэу, зыгу уз илъхэу, къэбар нэпцIыхэр Мэдинэ щызытIупщыхэрэр зымыуцухэкIэ, Тэ ахэмэ уафэдгъэблыщт, Алахьыр ябгыгъэ хъунхэшъ, уигъунэгъухэу бэрэ псэущтхэп,
لَئِنْ لَمْ يَنْتَهِ الْمُنَافِقُونَ وَالَّذِينَ فِي قُلُوبِهِمْ مَرَضٌ وَالْمُرْجِفُونَ فِي الْمَدِينَةِ لَنُغْرِيَنَّكَ بِهِمْ ثُمَّ لَا يُجَاوِرُونَكَ فِيهَا إِلَّا قَلِيلًا
61 Тыдэ ахэмэ ащыIукIагъэхэми, нахьыпэкIэ щыIагъэхэм афэгъэхьыгъэу Алахьым унашъоу ышIыгъагъэм тефэу, утынкIэ нэбгырэ пэпчъ аукIыщт,
مَلْعُونِينَ ۖ أَيْنَمَا ثُقِفُوا أُخِذُوا وَقُتِّلُوا تَقْتِيلًا
62 НахьыпэкIэ щыIагъэхэм афэгъэхьыгъэу Алахьым унашъоу ышIыгъагъэм тефэу. Алахьым иунашъо зэхъокIныгъэ о хэбгъотэщтэп!
سُنَّةَ اللَّهِ فِي الَّذِينَ خَلَوْا مِنْ قَبْلُ ۖ وَلَنْ تَجِدَ لِسُنَّةِ اللَّهِ تَبْدِيلًا
63 СыхьатымкIэ цIыфхэр о къыоупчIых. ЯIу: "Ар зышIэрэр Алахьыр ары". Ар о хэта озгъэшIэщтыр? А сыхьатыр къэблэгъэхэнкIи мэхъу.
يَسْأَلُكَ النَّاسُ عَنِ السَّاعَةِ ۖ قُلْ إِنَّمَا عِلْمُهَا عِنْدَ اللَّهِ ۚ وَمَا يُدْرِيكَ لَعَلَّ السَّاعَةَ تَكُونُ قَرِيبًا
64 Шъыпкъэ дэдэмкIэ, Алахьыр джаурмэ ябгыгъ, джэхьнэм мэшIотхъуабзэ къафигъэхьазырыгъ.
إِنَّ اللَّهَ لَعَنَ الْكَافِرِينَ وَأَعَدَّ لَهُمْ سَعِيرًا
65 Ахэр егъашIэм ащ хэтыщтых! Агъотыщтэп ахэмэ ухъумакIуи IэпыIэгъуи.
خَالِدِينَ فِيهَا أَبَدًا ۖ لَا يَجِدُونَ وَلِيًّا وَلَا نَصِيرًا
66 А мафэу ахэмэ анэгухэр машIом зыфагъазэхэкIэ, аIощт: "Тэ Алахьым тыфэIорышIэщтыгъэмэ, лIыкIом тыфэIорышIэщтыгъэмэ!"
يَوْمَ تُقَلَّبُ وُجُوهُهُمْ فِي النَّارِ يَقُولُونَ يَا لَيْتَنَا أَطَعْنَا اللَّهَ وَأَطَعْنَا الرَّسُولَا
67 Ахэмэ аIуагъ: "Ярэби я Алахь, тетыгъор зыIыгъхэм, лъэкI зиIэ байхэм тэ тафэIорышIагъ, ахэмэ гъогум тыдагъэхыгъ!
وَقَالُوا رَبَّنَا إِنَّا أَطَعْنَا سَادَتَنَا وَكُبَرَاءَنَا فَأَضَلُّونَا السَّبِيلَا
68 Ярэби я Алахь, ахэмэ афэдитIу пщыныжь ят, бгыбзэ ин дэди ях!"
رَبَّنَا آتِهِمْ ضِعْفَيْنِ مِنَ الْعَذَابِ وَالْعَنْهُمْ لَعْنًا كَبِيرًا
69 О шIошъхъуныгъэ шъыпкъэ зышIыгъэхэр! Мосэ ыгу хэзгъэкIыщтыгъэмэ афэдэ шъумыхъу! Ахэмэ аIощтыгъэм иIоф хэмылъэу ар ышIыгъ, ар Алахьым ылъытэщтыгъ.
يَا أَيُّهَا الَّذِينَ آمَنُوا لَا تَكُونُوا كَالَّذِينَ آذَوْا مُوسَىٰ فَبَرَّأَهُ اللَّهُ مِمَّا قَالُوا ۚ وَكَانَ عِنْدَ اللَّهِ وَجِيهًا
70 О шIошъхъуныгъэ шъыпкъэ зышIыгъэхэр! Алахьым шъущыщт, гущыIэ зафэхэр шъуIох.
يَا أَيُّهَا الَّذِينَ آمَنُوا اتَّقُوا اللَّهَ وَقُولُوا قَوْلًا سَدِيدًا
71 Шъо шъуиIофхэр Ащ къызэригъэфэщтых, гунахьшIагъэу шъуиIэхэр къышъуфигъэгъущтых. Алахьым, Ащ илIыкIо афэIорышIэрэр тхъэгъо ин дэдэкIэ тхъэжьыщт.
يُصْلِحْ لَكُمْ أَعْمَالَكُمْ وَيَغْفِرْ لَكُمْ ذُنُوبَكُمْ ۗ وَمَنْ يُطِعِ اللَّهَ وَرَسُولَهُ فَقَدْ فَازَ فَوْزًا عَظِيمًا
72 Уашъом, чIыгум, къушъхьэхэм Тэ диныр шэсэу яттыгъ, ау ахэмэ ар аштагъэп, щыщынагъэх, цIыфым ар ыштагъ, сыда пIомэ имышIэныгъэкIэ ащ лые зэрихыжьыгъ, зышъхьэригъэхыгъ.
إِنَّا عَرَضْنَا الْأَمَانَةَ عَلَى السَّمَاوَاتِ وَالْأَرْضِ وَالْجِبَالِ فَأَبَيْنَ أَنْ يَحْمِلْنَهَا وَأَشْفَقْنَ مِنْهَا وَحَمَلَهَا الْإِنْسَانُ ۖ إِنَّهُ كَانَ ظَلُومًا جَهُولًا
73 ШъорышI хъулъфыгъэхэр, бзылъфыгъэхэр, тхьабэ зышIошъ хъурэ хъулъфыгъэхэр, бзылъфыгъэхэр Алахьым ыгъэпщынэщтых, ау Тхьэр зышIошъ хъурэ хъулъфыгъэхэмрэ бзылъфыгъэхэмрэ шIу къяхъулIэмэ шIоигъоу Алахьыр къазэрадэзекIорэр алъэгъущт. Алахьым къыпфегъэгъу, гукIэгъу хэлъ!
لِيُعَذِّبَ اللَّهُ الْمُنَافِقِينَ وَالْمُنَافِقَاتِ وَالْمُشْرِكِينَ وَالْمُشْرِكَاتِ وَيَتُوبَ اللَّهُ عَلَى الْمُؤْمِنِينَ وَالْمُؤْمِنَاتِ ۗ وَكَانَ اللَّهُ غَفُورًا رَحِيمًا