Алназихьат - الـنازعات - Those Who Yearn

1 Псэр хэзыххэрэмкIэ Iуагъэ сэшIы,
بِسْمِ اللَّهِ الرَّحْمَٰنِ الرَّحِيمِ وَالنَّازِعَاتِ غَرْقًا
2 ЗэхэзыххырэмкIэ,
وَالنَّاشِطَاتِ نَشْطًا
3 Уашъом псынкIэу къеххэрэмкIэ,
وَالسَّابِحَاتِ سَبْحًا
4 Ячъэ хэтхэу апэ ишъыхэрэмкIэ,
فَالسَّابِقَاتِ سَبْقًا
5 Унашъохэр зыгъэцакIэхэрэмкIэ!
فَالْمُدَبِّرَاتِ أَمْرًا
6 А мафэм кIэзэзырэр къызыкIэзэзыкIэ,
يَوْمَ تَرْجُفُ الرَّاجِفَةُ
7 Ащ ыуж адырэр къызыкIэлъыкIокIэ,
تَتْبَعُهَا الرَّادِفَةُ
8 А мафэм гухэр кIэзэзыщтых.
قُلُوبٌ يَوْمَئِذٍ وَاجِفَةٌ
9 Нэплъэгъухэр кIосэщтых.
أَبْصَارُهَا خَاشِعَةٌ
10 Ахэмэ аIо: "Тэ икIэрыкIэу тыкъэхъужьына?
يَقُولُونَ أَإِنَّا لَمَرْدُودُونَ فِي الْحَافِرَةِ
11 Къупшъхьэ тэкъуагъэ тыхъужьыгъагъэу?"
أَإِذَا كُنَّا عِظَامًا نَخِرَةً
12 Ахэмэ аIощт: "Ар тэркIэ федэ зыхэмылъ гъэзэжь!"
قَالُوا تِلْكَ إِذًا كَرَّةٌ خَاسِرَةٌ
13 Зы мэкъэ щынэгъо закъу ныIэп къэIурэр,
فَإِنَّمَا هِيَ زَجْرَةٌ وَاحِدَةٌ
14 Мары ахэр къыгъэхъужьыгъэх.
فَإِذَا هُمْ بِالسَّاهِرَةِ
15 Мосэ фэгъэхьыгъэ къэбарыр о къыонэсыгъа?
هَلْ أَتَاكَ حَدِيثُ مُوسَىٰ
16 КIэй лъэпIэ ТIуо дэтэу ащ и Тхьэ унашъо къыфишIыгъ
إِذْ نَادَاهُ رَبُّهُ بِالْوَادِ الْمُقَدَّسِ طُوًى
17 "Фирхьаун дэжь кIо, ар щыкIыгъ,
اذْهَبْ إِلَىٰ فِرْعَوْنَ إِنَّهُ طَغَىٰ
18 ЕIу: "О зыуукъэбзыжьыныр къыптефэрэба?
فَقُلْ هَلْ لَكَ إِلَىٰ أَنْ تَزَكَّىٰ
19 Сэ уи Тхьэ дэжь усщэщт, Тхьэм ищынагъо угу илъэу ухъущт".
وَأَهْدِيَكَ إِلَىٰ رَبِّكَ فَتَخْشَىٰ
20 Мосэ ащ щысэтехыпIэ ин дэдэ ригъэлъэгъугъ,
فَأَرَاهُ الْآيَةَ الْكُبْرَىٰ
21 Ау пцIыкIэ ар ылъытагъ, къедэIугъэп,
فَكَذَّبَ وَعَصَىٰ
22 ЫкIыб къыгъэзагъ, иIофхэм ауж ихьажьыгъ.
ثُمَّ أَدْبَرَ يَسْعَىٰ
23 Ащ цIыфхэр къыугъоигъэх, ежь иунашъохэр ахэмэ унашъо афишIыгъ.
فَحَشَرَ فَنَادَىٰ
24 АриIуагъ "Сэры шъо шъуи Тхьэу лъэгэ дэдэр!"
فَقَالَ أَنَا رَبُّكُمُ الْأَعْلَىٰ
25 ЧIыгуми ахърэт гъашIэми пщыныжьым фэIорышIэн фаеу Алахьым ар ышIыгъ.
فَأَخَذَهُ اللَّهُ نَكَالَ الْآخِرَةِ وَالْأُولَىٰ
26 Шъыпкъэ дэдэмкIэ, Тхьэм ищынагъо зыгу илъхэмкIэ ащ гъэсэпэтхыдэ хэлъ!
إِنَّ فِي ذَٰلِكَ لَعِبْرَةً لِمَنْ يَخْشَىٰ
27 Шъо шъукъагъэшIыныр ара хьауми уашъор къэгъэшIыгъэныр ара нахь къиныр? Ащ уашъор къыгъэпсыгъ,
أَأَنْتُمْ أَشَدُّ خَلْقًا أَمِ السَّمَاءُ ۚ بَنَاهَا
28 Ошъо зэхэгъэIагъэр лъагэу ыIэтыгъ, шъо зэкIужь къыритыгъ.
رَفَعَ سَمْكَهَا فَسَوَّاهَا
29 Ащ ичэщ шIункIи пчэдыжь нэфылъыр къыригъэштагъ.
وَأَغْطَشَ لَيْلَهَا وَأَخْرَجَ ضُحَاهَا
30 Ащ ыуж чIыгур ригъэкIотыгъ,
وَالْأَرْضَ بَعْدَ ذَٰلِكَ دَحَاهَا
31 Ащ псыр, хъупIэхэр,
أَخْرَجَ مِنْهَا مَاءَهَا وَمَرْعَاهَا
32 Къушъхьэхэр къыхищыгъэх,
وَالْجِبَالَ أَرْسَاهَا
33 Шъори шъуибылымхэри къышъушъхьэпэнхэу Ащ ыгъэпытагъэх.
مَتَاعًا لَكُمْ وَلِأَنْعَامِكُمْ
34 Зэхэгъэтэкъо ин дэдэр къызысыкIэ,
فَإِذَا جَاءَتِ الطَّامَّةُ الْكُبْرَىٰ
35 ЦIыфыр ышIагъэмэ ягупшысэ зыхъукIэ,
يَوْمَ يَتَذَكَّرُ الْإِنْسَانُ مَا سَعَىٰ
36 Нэ зиIэ пэпчъ джэхьнэм мэшIо плъырхэр ыIэгу илъым фэдэу зыхъукIэ,
وَبُرِّزَتِ الْجَحِيمُ لِمَنْ يَرَىٰ
37 IорышIэу щымытыгъэ цIыф пэпчъэу
فَأَمَّا مَنْ طَغَىٰ
38 Зыхэт гъашIэр нахь къэзыштэщтыгъэм
وَآثَرَ الْحَيَاةَ الدُّنْيَا
39 Джэхьнэмыр шъхьэегъэзыпIэ фэхъущт.
فَإِنَّ الْجَحِيمَ هِيَ الْمَأْوَىٰ
40 И Тхьэ илъэпIагъэ щыщынэу кIэзэзыщтыгъэм, псэкIодышIэным зыфэзыIажэщтыгъэм
وَأَمَّا مَنْ خَافَ مَقَامَ رَبِّهِ وَنَهَى النَّفْسَ عَنِ الْهَوَىٰ
41 Джэнэтыр шъхьэегъэзыпIэ фэхъущт.
فَإِنَّ الْجَنَّةَ هِيَ الْمَأْوَىٰ
42 О ахэр къыоупчIых: "Сыдигъуа ар къызысыщтыр?"
يَسْأَلُونَكَ عَنِ السَّاعَةِ أَيَّانَ مُرْسَاهَا
43 О сыда ащ хэпшIыкIрэр?
فِيمَ أَنْتَ مِنْ ذِكْرَاهَا
44 Ащ гъунапкъэу иIэр зышIэрэр Алахь закъор ары.
إِلَىٰ رَبِّكَ مُنْتَهَاهَا
45 Ащ щыщынэхэрэмкIэ о умэкъэгъэIу ныIэп.
إِنَّمَا أَنْتَ مُنْذِرُ مَنْ يَخْشَاهَا
46 А мафэм ахэмэ Ар залъэгъукIэ, зы пчыхьэ закъо е пчэдыжьым якъэхэм адэлъыгъэхэу къашIошIыщт.
كَأَنَّهُمْ يَوْمَ يَرَوْنَهَا لَمْ يَلْبَثُوا إِلَّا عَشِيَّةً أَوْ ضُحَاهَا