ФатIир - فاطر - The Originator

1 Уашъуи чIыгуи КъэзгъэшIыгъэу, тэмэ тIурытIухэр, щырыщхэр, плIырыплIхэр зиIэ мэлаIичхэр лIыкIо зышIыгъэ Алахьым щытхъур ыдэжь. Ежь шIоигъор гъэиныгъэу псэ зыпытэу къыгъэшIыгъэмэ ахелъхьэ. Алахьым ыIэ къимыхьан щыIэп!
بِسْمِ اللَّهِ الرَّحْمَٰنِ الرَّحِيمِ الْحَمْدُ لِلَّهِ فَاطِرِ السَّمَاوَاتِ وَالْأَرْضِ جَاعِلِ الْمَلَائِكَةِ رُسُلًا أُولِي أَجْنِحَةٍ مَثْنَىٰ وَثُلَاثَ وَرُبَاعَ ۚ يَزِيدُ فِي الْخَلْقِ مَا يَشَاءُ ۚ إِنَّ اللَّهَ عَلَىٰ كُلِّ شَيْءٍ قَدِيرٌ
2 Ежь гукIэгъоу хэлъым щыщэу Алахьым цIыфмэ къафилъэгъурэр зэтезыIэжэн щыIэп. Ащ зэтыриIажэрэр Ащ ыуж къэзгъэхьын щыIэп. Ар ин дэд, Iуш!
مَا يَفْتَحِ اللَّهُ لِلنَّاسِ مِنْ رَحْمَةٍ فَلَا مُمْسِكَ لَهَا ۖ وَمَا يُمْسِكْ فَلَا مُرْسِلَ لَهُ مِنْ بَعْدِهِ ۚ وَهُوَ الْعَزِيزُ الْحَكِيمُ
3 О цIыфхэр, Алахьым шIоу къышъуфишIэрэр шъугу къэжъугъэкIыжь. Алахьым фэшъхьафэу гъэпсакIо горэ шъуищыкIагъэр уашъом къыригъэхэу, чIыгум къыхигъэкIэу щыIа? Ащ фэшъхьаф тхьэ щыIэп! Шъо шъузэрэакъылынчъэр!
يَا أَيُّهَا النَّاسُ اذْكُرُوا نِعْمَتَ اللَّهِ عَلَيْكُمْ ۚ هَلْ مِنْ خَالِقٍ غَيْرُ اللَّهِ يَرْزُقُكُمْ مِنَ السَّمَاءِ وَالْأَرْضِ ۚ لَا إِلَٰهَ إِلَّا هُوَ ۖ فَأَنَّىٰ تُؤْفَكُونَ
4 О ахэмэ гъэпцIакIокIэ уалъытэмэ, уапэкIэ щыIэгъэ лIыкIохэр гъэпцIакIохэкIэ алъытэщтыгъэх, Алахьым дэжь а Iофхэм къагъэзэжьыщт.
وَإِنْ يُكَذِّبُوكَ فَقَدْ كُذِّبَتْ رُسُلٌ مِنْ قَبْلِكَ ۚ وَإِلَى اللَّهِ تُرْجَعُ الْأُمُورُ
5 О цIыфхэр, Алахьым гугъэу къышIыгъэр шъыпкъэ. ГъашIэу узхэтым зыдемыгъэхьых, Алахьым фэгъэхьыгъэ гъэблакIом зыдемыгъэхьых!
يَا أَيُّهَا النَّاسُ إِنَّ وَعْدَ اللَّهِ حَقٌّ ۖ فَلَا تَغُرَّنَّكُمُ الْحَيَاةُ الدُّنْيَا ۖ وَلَا يَغُرَّنَّكُمْ بِاللَّهِ الْغَرُورُ
6 Шъыпкъэ дэдэмкIэ, шэйтаныр шъо шъуипый, ар пыикIэ шъулъытэ! Ащ фэщагъэхэр машIом щыпсэунхэу ышIынхэм пае ар къяджэ.
إِنَّ الشَّيْطَانَ لَكُمْ عَدُوٌّ فَاتَّخِذُوهُ عَدُوًّا ۚ إِنَّمَا يَدْعُو حِزْبَهُ لِيَكُونُوا مِنْ أَصْحَابِ السَّعِيرِ
7 ШIошъхъуныгъэ шъыпкъэ зимыIагъэхэм апай пщынэжь лъэшыр. ШIошъхъуныгъэ шъыпкъэ зышIыгъэхэу, шIу зышIэщтыгъэхэм афагъэгъущт, тын лъапIэ афыщылъ.
الَّذِينَ كَفَرُوا لَهُمْ عَذَابٌ شَدِيدٌ ۖ وَالَّذِينَ آمَنُوا وَعَمِلُوا الصَّالِحَاتِ لَهُمْ مَغْفِرَةٌ وَأَجْرٌ كَبِيرٌ
8 Iоф бзаджэу ашIагъэр дэгъукIэ зылъэгъужьхэрэр?. Ежь зыфаер Алахьым егъэгъуащэ, зыфаем занкIэу пэщэныгъэ дызэрехьэ, ащ пае о ахэмэ уафэмышъыгъу, шъыпкъэ дэдэмкIэ, ахэмэ ашIэрэр Алахьым ешIэ!
أَفَمَنْ زُيِّنَ لَهُ سُوءُ عَمَلِهِ فَرَآهُ حَسَنًا ۖ فَإِنَّ اللَّهَ يُضِلُّ مَنْ يَشَاءُ وَيَهْدِي مَنْ يَشَاءُ ۖ فَلَا تَذْهَبْ نَفْسُكَ عَلَيْهِمْ حَسَرَاتٍ ۚ إِنَّ اللَّهَ عَلِيمٌ بِمَا يَصْنَعُونَ
9 Алахьым жьыбгъэхэр къегъакIох, ахэмэ ошъуапщэхэр къаIэтых, Тэ ахэр хэгъэгу илIыкIыгъэм тэфыхэшъ, ахэмкIэ чIыгум псэ къыпытэгъэкIэжьы. Джащ фэд къызэрэхъужьыщтхэри!
وَاللَّهُ الَّذِي أَرْسَلَ الرِّيَاحَ فَتُثِيرُ سَحَابًا فَسُقْنَاهُ إِلَىٰ بَلَدٍ مَيِّتٍ فَأَحْيَيْنَا بِهِ الْأَرْضَ بَعْدَ مَوْتِهَا ۚ كَذَٰلِكَ النُّشُورُ
10 Зыгорэ щытхъу фаемэ, гущыIэшIуи IофышIуи зэкIолIэжьэу Алахьым дэжь зэрэщытэу щытхъур щыI. Ащ ар ыгъэлъэпIэщт. БзэджагъэмкIэ тхьагъэпцIыгъэ къызхэзгъафэхэрэм хьазаб пщынэжь афыщылъ, ахэмэ ятхьагъэпцIыгъэ хьаолыеу кIодыщт.
مَنْ كَانَ يُرِيدُ الْعِزَّةَ فَلِلَّهِ الْعِزَّةُ جَمِيعًا ۚ إِلَيْهِ يَصْعَدُ الْكَلِمُ الطَّيِّبُ وَالْعَمَلُ الصَّالِحُ يَرْفَعُهُ ۚ وَالَّذِينَ يَمْكُرُونَ السَّيِّئَاتِ لَهُمْ عَذَابٌ شَدِيدٌ ۖ وَمَكْرُ أُولَٰئِكَ هُوَ يَبُورُ
11 Алахьым шъо ятIэм шъухишIыкIыгъ, етIанэ гъуаткIом, етIанэ зэшъхьэгъусэ шъуишIыгъ: Тхьэм ымышIэу бзылъфыгъэм ыныбэ илъ хъурэп, къыгъотрэп. ГъэшIэ кIыхьэ зиIэри гъэшIэ кIэкI зиIэри Тхьэм дэжь тхыгъэу щыI. Шъыпкъэ дэдэмкIэ, ар АлахьымкIэ IэшIэх!
وَاللَّهُ خَلَقَكُمْ مِنْ تُرَابٍ ثُمَّ مِنْ نُطْفَةٍ ثُمَّ جَعَلَكُمْ أَزْوَاجًا ۚ وَمَا تَحْمِلُ مِنْ أُنْثَىٰ وَلَا تَضَعُ إِلَّا بِعِلْمِهِ ۚ وَمَا يُعَمَّرُ مِنْ مُعَمَّرٍ وَلَا يُنْقَصُ مِنْ عُمُرِهِ إِلَّا فِي كِتَابٍ ۚ إِنَّ ذَٰلِكَ عَلَى اللَّهِ يَسِيرٌ
12 ХитIур зэфэдэп: зым уешъонкIэ IэшIу, гохьы, гуапэ, адырэр щыугъэ, дыджы, тIуми лэу къахэшъухыгъэр шъошхы, зызэрэжъугъэдэхэщтхэри къахэшъохы. О олъэгъу Ащ ишIушIэ шъулъыхъунэу амал шъуиIэным пае къухьэхэу псыр зэIызыбзхэрэр, шъо разэ шъухъункIи мэхъу!
وَمَا يَسْتَوِي الْبَحْرَانِ هَٰذَا عَذْبٌ فُرَاتٌ سَائِغٌ شَرَابُهُ وَهَٰذَا مِلْحٌ أُجَاجٌ ۖ وَمِنْ كُلٍّ تَأْكُلُونَ لَحْمًا طَرِيًّا وَتَسْتَخْرِجُونَ حِلْيَةً تَلْبَسُونَهَا ۖ وَتَرَى الْفُلْكَ فِيهِ مَوَاخِرَ لِتَبْتَغُوا مِنْ فَضْلِهِ وَلَعَلَّكُمْ تَشْكُرُونَ
13 Ащ чэщыр мэфэ кIоцIым щегъэбылъы, мафэр чэщ кIоцIым. Ащ тыгъэри мазэри къызфигъэIорышIагъ. Адырэри мыдырэри пIэлъэ гъэнэфагъэм нэс къекIокIых. Шъуи Тхьэ Алахьыр джащ фэд. Ащ лъэкI иI, ау Ащ фэшъхьафэу шъо нэмаз зыфэшъушIыхэрэм хъурмакIэм телъ кIышъо цIыкIуми лъэкI фыряIэп.
يُولِجُ اللَّيْلَ فِي النَّهَارِ وَيُولِجُ النَّهَارَ فِي اللَّيْلِ وَسَخَّرَ الشَّمْسَ وَالْقَمَرَ كُلٌّ يَجْرِي لِأَجَلٍ مُسَمًّى ۚ ذَٰلِكُمُ اللَّهُ رَبُّكُمْ لَهُ الْمُلْكُ ۚ وَالَّذِينَ تَدْعُونَ مِنْ دُونِهِ مَا يَمْلِكُونَ مِنْ قِطْمِيرٍ
14 Ахэмэ шъукъяджэмэ, шъуиджэ макъэ зэхахрэп, ау зэхахэу щытыгъэхэмэ, джэуап къышъуатыжьыныеп, къызщыхъужьыщтхэ мафэм шъо тхьабэ шъушIошъ зэрэхъущтыгъэр ахэмэ щагъэзыещт. ЗышIэрэм къэбар зэрэуигъэшIэщтым фэдэу хэти уигъэшIэщтэп!
إِنْ تَدْعُوهُمْ لَا يَسْمَعُوا دُعَاءَكُمْ وَلَوْ سَمِعُوا مَا اسْتَجَابُوا لَكُمْ ۖ وَيَوْمَ الْقِيَامَةِ يَكْفُرُونَ بِشِرْكِكُمْ ۚ وَلَا يُنَبِّئُكَ مِثْلُ خَبِيرٍ
15 О цIыфхэр, шъо Алахьым шъуфыщэкIэ, Алахьыр бай, щытхъушхо пылъ.
يَا أَيُّهَا النَّاسُ أَنْتُمُ الْفُقَرَاءُ إِلَى اللَّهِ ۖ وَاللَّهُ هُوَ الْغَنِيُّ الْحَمِيدُ
16 Ар фае хъумэ, шъуигъэкIодынышъ, нэмыкIхэр кIэу къыгъэшIынхэ ылъэкIыщт.
إِنْ يَشَأْ يُذْهِبْكُمْ وَيَأْتِ بِخَلْقٍ جَدِيدٍ
17 АлахьымкIэ ар къинэп.
وَمَا ذَٰلِكَ عَلَى اللَّهِ بِعَزِيزٍ
18 Зихьылъэ къызэхьылъэкIрэ псэм нэмыкI хьылъэ тырилъхьащтэп, ау ар къехьылъэкIэу, фахьынэу къэлъэIуагъэми, зэлъэIугъэр иIахьыл благъэу щытми, зыми фихьыщтэп. О ебгъэджэщтхэр шъэфэу я Тхьэ ищынагъо зыгу илъхэр, нэмаз зышIыхэрэр арых ныIэп. Къабзэу щытыр ежь ышъхьэ пай ныIэп зыфэкъэбзэщтыр. ЗэкIэми Алахьым дэжь шъхьэегъэзыпIэ щагъотыжьыщт.
وَلَا تَزِرُ وَازِرَةٌ وِزْرَ أُخْرَىٰ ۚ وَإِنْ تَدْعُ مُثْقَلَةٌ إِلَىٰ حِمْلِهَا لَا يُحْمَلْ مِنْهُ شَيْءٌ وَلَوْ كَانَ ذَا قُرْبَىٰ ۗ إِنَّمَا تُنْذِرُ الَّذِينَ يَخْشَوْنَ رَبَّهُمْ بِالْغَيْبِ وَأَقَامُوا الصَّلَاةَ ۚ وَمَنْ تَزَكَّىٰ فَإِنَّمَا يَتَزَكَّىٰ لِنَفْسِهِ ۚ وَإِلَى اللَّهِ الْمَصِيرُ
19 Нэшъумрэ нэпсэумрэ зэфэдэхэп.
وَمَا يَسْتَوِي الْأَعْمَىٰ وَالْبَصِيرُ
20 ШIункIымрэ нэфынэмрэ,
وَلَا الظُّلُمَاتُ وَلَا النُّورُ
21 Жьаумрэ тыгъэнэстырымрэ,
وَلَا الظِّلُّ وَلَا الْحَرُورُ
22 Псэухэмрэ лIагъэхэмрэ зэфэдэхэп: Ежь зыфаем Алахьым зэхырегъэхы, ау о къэмэ адэлъхэм зэхябгъэхын плъэкIыщтэп;
وَمَا يَسْتَوِي الْأَحْيَاءُ وَلَا الْأَمْوَاتُ ۚ إِنَّ اللَّهَ يُسْمِعُ مَنْ يَشَاءُ ۖ وَمَا أَنْتَ بِمُسْمِعٍ مَنْ فِي الْقُبُورِ
23 О шIэныгъэ ахэолъхьэ ныIэп.
إِنْ أَنْتَ إِلَّا نَذِيرٌ
24 Шъыпкъэ дэдэмкIэ, Тэ о къэбарышIу ябгъэшIэнэу, шIэныгъэ ахэплъхьанэу удгъэкIуагъ. Сыд фэдэ цIыф лъэпкъи щыIэп шIэныгъэ ахэзылъхьан зыфэмыкIуагъэ!
إِنَّا أَرْسَلْنَاكَ بِالْحَقِّ بَشِيرًا وَنَذِيرًا ۚ وَإِنْ مِنْ أُمَّةٍ إِلَّا خَلَا فِيهَا نَذِيرٌ
25 О ахэмэ гъэпцIакIокIэ уалъытэмэ, ахэмэ апэкIэ щыIагъэхэ лIыкIохэр, Iэятэ къэгъэшъыпкъэжьыгъэ зэхэугуфыкIыгъэхэр, тхыгъэхэр, шIэныгъэ язгъэгъотрэ тхылъыр къафэзыхьыщтыгъэхэр гъэпцIакIокIэ алъытэщтыгъэх.
وَإِنْ يُكَذِّبُوكَ فَقَدْ كَذَّبَ الَّذِينَ مِنْ قَبْلِهِمْ جَاءَتْهُمْ رُسُلُهُمْ بِالْبَيِّنَاتِ وَبِالزُّبُرِ وَبِالْكِتَابِ الْمُنِيرِ
26 ЕтIанэ Сэ ахэр згъэпщынэгъэ, джаурыгъэх. Сэ сигубж лъэш зыфэдагъэр!
ثُمَّ أَخَذْتُ الَّذِينَ كَفَرُوا ۖ فَكَيْفَ كَانَ نَكِيرِ
27 О плъэгъугъэба Алахьым псыр уашъом къызэрэригъэхрэр, ащкIэ Тэ шъо зэфэшъхьаф зиIэ пхъэшъхьэ мышъхьэхэр къэтэгъэкIых. Къушъхьэмэ яIэх гъогухэр фыжьхэуи плъыжьхэуи, ашъохэмкIэ зэфэшъхьафхэу, чIапцIэхэу, къолэжъыр зэрэшIуцIэм фэдэу.
أَلَمْ تَرَ أَنَّ اللَّهَ أَنْزَلَ مِنَ السَّمَاءِ مَاءً فَأَخْرَجْنَا بِهِ ثَمَرَاتٍ مُخْتَلِفًا أَلْوَانُهَا ۚ وَمِنَ الْجِبَالِ جُدَدٌ بِيضٌ وَحُمْرٌ مُخْتَلِفٌ أَلْوَانُهَا وَغَرَابِيبُ سُودٌ
28 ЦIыфхэми, хьэкIэ=къуакIэхэми, хьайуанхэми шъо зэфэшъхьафхэр ахэтых. Ащ иIумэтмэ ащыщхэу Алахьым щыщтэхэрэр Iушхэр ары ныIэп, Алахьыр кIочIэшху, къыпфегъэгъу!
وَمِنَ النَّاسِ وَالدَّوَابِّ وَالْأَنْعَامِ مُخْتَلِفٌ أَلْوَانُهُ كَذَٰلِكَ ۗ إِنَّمَا يَخْشَى اللَّهَ مِنْ عِبَادِهِ الْعُلَمَاءُ ۗ إِنَّ اللَّهَ عَزِيزٌ غَفُورٌ
29 Шъыпкъэ дэдэмкIэ, Алахьым итхылъ еджэхэрэр, нэмаз зышIыхэрэр, Тэ ядгъэгъотрэм щыщ шъэфэуи нафэуи зытыхэрэр сатыу мыкIодыжьыщтым щэгугъых.
إِنَّ الَّذِينَ يَتْلُونَ كِتَابَ اللَّهِ وَأَقَامُوا الصَّلَاةَ وَأَنْفَقُوا مِمَّا رَزَقْنَاهُمْ سِرًّا وَعَلَانِيَةً يَرْجُونَ تِجَارَةً لَنْ تَبُورَ
30 Ахэмэ уасэр Ащ хьакъым тетэу къаритыщт, Ежь ихьалэлыгъэ щыщи къафыхигъэхъощт. Шъыпкъэ дэдэмкIэ, Ащ къыпфегъэгъу, шIу ешIэ!
لِيُوَفِّيَهُمْ أُجُورَهُمْ وَيَزِيدَهُمْ مِنْ فَضْلِهِ ۚ إِنَّهُ غَفُورٌ شَكُورٌ
31 Тхылъым щыщэу Тэ о къыбгурыдгъэIуагъэр шъыпкъэ, ащ къегъэшъыпкъэжьы ащ ыпэкIэ къырагъэхыгъэхэр зэрэшъыпкъэр. Шъыпкъэ дэдэмкIэ, Ежь иIумэтхэр Алахьым ешIэх, елъэгъух!
وَالَّذِي أَوْحَيْنَا إِلَيْكَ مِنَ الْكِتَابِ هُوَ الْحَقُّ مُصَدِّقًا لِمَا بَيْنَ يَدَيْهِ ۗ إِنَّ اللَّهَ بِعِبَادِهِ لَخَبِيرٌ بَصِيرٌ
32 ЕтIанэ Тэ тиIумэтхэм ащыщхэу Тэ къыхэтхыгъэмэ тхыгъэр яттыгъ, ахэмэ ахэтых ежь ежьырэу зэрар зэзыхыжьхэрэр, ахэмэ ахэтых зыпкъ итхэри, Алахьым ишIэ хэлъэу шIукIэ нэмыкIмэ апэ ишъыхэри ахэтых, ар шIушIэ ин дэд!
ثُمَّ أَوْرَثْنَا الْكِتَابَ الَّذِينَ اصْطَفَيْنَا مِنْ عِبَادِنَا ۖ فَمِنْهُمْ ظَالِمٌ لِنَفْسِهِ وَمِنْهُمْ مُقْتَصِدٌ وَمِنْهُمْ سَابِقٌ بِالْخَيْرَاتِ بِإِذْنِ اللَّهِ ۚ ذَٰلِكَ هُوَ الْفَضْلُ الْكَبِيرُ
33 Джэнэтым ичъыг хатэмэ ахэр ахэхьащтых, ащ дышъэм, налмэс=налкъутэм ахэшIыкIыгъэ Iэхъухэр щызыпалъхьащтых, дэнэ щыгъынкIэ фэпэгъэщтых.
جَنَّاتُ عَدْنٍ يَدْخُلُونَهَا يُحَلَّوْنَ فِيهَا مِنْ أَسَاوِرَ مِنْ ذَهَبٍ وَلُؤْلُؤًا ۖ وَلِبَاسُهُمْ فِيهَا حَرِيرٌ
34 Ахэмэ аIощт: "Нэшхъэигъэр ттезыхыгъэ Алахьым щытхъур ыдэжь" Шъыпкъэ дэдэмкIэ, тэ ти Тхьэ къыпфегъэгъу, шIу ешIэ!
وَقَالُوا الْحَمْدُ لِلَّهِ الَّذِي أَذْهَبَ عَنَّا الْحَزَنَ ۖ إِنَّ رَبَّنَا لَغَفُورٌ شَكُورٌ
35 Ащ ишIушIагъэкIэ тэ егъашIэм щыIэщт псэупIэм тыригъэтIысхьагъ; тэ ащ пшъыгъэр, пшъыгъэ дэди къыщытэнэсыщтэп.
الَّذِي أَحَلَّنَا دَارَ الْمُقَامَةِ مِنْ فَضْلِهِ لَا يَمَسُّنَا فِيهَا نَصَبٌ وَلَا يَمَسُّنَا فِيهَا لُغُوبٌ
36 ШIошъхъуныгъэ шъыпкъэ зымышIыгъэхэм джэхьнэм машIор къяжэ. Ахэр лIэнхэу пэшIорыгъэшIэу афэухэсыгъэп, ащ щащэчыщт хьазабри нахь шъабэ хъущтэп. Хэтрэ джаури пщынэжьэу едгъэхьыщтыр джащ фэд!
وَالَّذِينَ كَفَرُوا لَهُمْ نَارُ جَهَنَّمَ لَا يُقْضَىٰ عَلَيْهِمْ فَيَمُوتُوا وَلَا يُخَفَّفُ عَنْهُمْ مِنْ عَذَابِهَا ۚ كَذَٰلِكَ نَجْزِي كُلَّ كَفُورٍ
37 Ащ ахэр тхьаусхэхэзэ щыкуощтых: "Ярэби я Алахь, мыщ тэ тищыжь, нахьыпэм тшIэщтыгъэм фэмыдэу тэ шIу тшIэщт! Акъыл къэзгъотыжьын зылъэкIыщтым къыгъотыжьынэу Тэ гъэшIэ кIыхьэ къышъоттыгъагъэба? ШIэныгъэ къышъухэзылъхьащтыри къышъуфэкIогъагъ. Зэфэнчъэмэ IэпыIэгъу афэхъун щыIэп, зэхашъушIэ!
وَهُمْ يَصْطَرِخُونَ فِيهَا رَبَّنَا أَخْرِجْنَا نَعْمَلْ صَالِحًا غَيْرَ الَّذِي كُنَّا نَعْمَلُ ۚ أَوَلَمْ نُعَمِّرْكُمْ مَا يَتَذَكَّرُ فِيهِ مَنْ تَذَكَّرَ وَجَاءَكُمُ النَّذِيرُ ۖ فَذُوقُوا فَمَا لِلظَّالِمِينَ مِنْ نَصِيرٍ
38 Шъыпкъэ дэдэмкIэ, уашъоми чIыгуми яшъэфхэр Алахьым ешIэх. Ащ гум илъыр ешIэ!
إِنَّ اللَّهَ عَالِمُ غَيْبِ السَّمَاوَاتِ وَالْأَرْضِ ۚ إِنَّهُ عَلِيمٌ بِذَاتِ الصُّدُورِ
39 ЧIыгур шъуIэ илъынэу шъо Ащ шъутыригъэуцуагъ: джаурым иджаурыгъэ ежь тефэжьыщт, джаурмэ шIошъхъуныгъэу яIэмкIэ я Тхьэ фэмылъэгъуныгъэу къафыриIэр нахь лъэш ашIыщт, джаурмэ яшIошъмыхъуныгъэкIэ ятхьамыкIагъо хагъэхъощт ныIэп!
هُوَ الَّذِي جَعَلَكُمْ خَلَائِفَ فِي الْأَرْضِ ۚ فَمَنْ كَفَرَ فَعَلَيْهِ كُفْرُهُ ۖ وَلَا يَزِيدُ الْكَافِرِينَ كُفْرُهُمْ عِنْدَ رَبِّهِمْ إِلَّا مَقْتًا ۖ وَلَا يَزِيدُ الْكَافِرِينَ كُفْرُهُمْ إِلَّا خَسَارًا
40 ЯIу: "Алахьым фэшъхьафэу шъузэлъэIоу Ащ гожъугъэуцохэрэм шъуягупшысагъа? ЧIыгум ахэмэ щашIыгъэр къэжъугъэлъагъу. Е уашъом щыхъурэм ахэр хэлажьэха? Тэ яттыгъэ тхылъым ахэмэ апае унашъо горэ ита?" Къэрар зимыIэхэр. Зым адырэр дехьыхы ныIэп.
قُلْ أَرَأَيْتُمْ شُرَكَاءَكُمُ الَّذِينَ تَدْعُونَ مِنْ دُونِ اللَّهِ أَرُونِي مَاذَا خَلَقُوا مِنَ الْأَرْضِ أَمْ لَهُمْ شِرْكٌ فِي السَّمَاوَاتِ أَمْ آتَيْنَاهُمْ كِتَابًا فَهُمْ عَلَىٰ بَيِّنَتٍ مِنْهُ ۚ بَلْ إِنْ يَعِدُ الظَّالِمُونَ بَعْضُهُمْ بَعْضًا إِلَّا غُرُورًا
41 Шъыпкъэ дэдэмкIэ, мыкIодыжьынхэм пае, Алахьым уашъори чIыгури ыIыгъых. Ахэр кIодыжьыгъэхэмэ, Ащ фэшъхьафэу зыми къыгъэнэжьынхэеп. Ар шъабэ, къыпфегъэгъу!
إِنَّ اللَّهَ يُمْسِكُ السَّمَاوَاتِ وَالْأَرْضَ أَنْ تَزُولَا ۚ وَلَئِنْ زَالَتَا إِنْ أَمْسَكَهُمَا مِنْ أَحَدٍ مِنْ بَعْدِهِ ۚ إِنَّهُ كَانَ حَلِيمًا غَفُورًا
42 Алахьым ыцIэкIэ ятхьалъэIу кIуачIэ халъхьэ ашIоигъу, ахэмэ тхьэ аIощтыгъ: ШIэныгъэ язгъэгъотын ахэмэ адэжь къызыкIокIэ, сыд фэдэрэ цIыф лъэпкъ нахьи нахь гъогу занкIэ тетхэу хъущтых. ШIэныгъэ язгъэгъотыщтыр ахэмэ къазыфакIом, фэмылъэгъуныгъэу ахэлъыр нахь лъэш хъугъэ,
وَأَقْسَمُوا بِاللَّهِ جَهْدَ أَيْمَانِهِمْ لَئِنْ جَاءَهُمْ نَذِيرٌ لَيَكُونُنَّ أَهْدَىٰ مِنْ إِحْدَى الْأُمَمِ ۖ فَلَمَّا جَاءَهُمْ نَذِيرٌ مَا زَادَهُمْ إِلَّا نُفُورًا
43 ЧIыгум зэрэщыпагэхэрэми бзэджагъэу къаугупшысыхэрэми ахэхъуагъ. Ау а бзэджэ мэхъэджагъэр зытефэжьыгъэхэр ащ пылъыгъэхэр ары. АпэкIэ щыIэгъэ цIыф лъэпкъыхэм къяхъулIагъэр ежьхэм къяхъулIэнэу ахэр ежэнхэуи? Алахьым ышIэхэрэм о зэблэхъугъэ ахэбгъотэщтэп! Алахьым ышIэхэрэм зэхъокIыныгъэ о ахэбгъотэщтэп!
اسْتِكْبَارًا فِي الْأَرْضِ وَمَكْرَ السَّيِّئِ ۚ وَلَا يَحِيقُ الْمَكْرُ السَّيِّئُ إِلَّا بِأَهْلِهِ ۚ فَهَلْ يَنْظُرُونَ إِلَّا سُنَّتَ الْأَوَّلِينَ ۚ فَلَنْ تَجِدَ لِسُنَّتِ اللَّهِ تَبْدِيلًا ۖ وَلَنْ تَجِدَ لِسُنَّتِ اللَّهِ تَحْوِيلًا
44 Ахэмэ апэкIэ щыIагъэхэм кIэухэу афэхъугъэр ахэмэ амылъэгъущтыгъа? КIуачIэкIэ ахэр нахь лъэшыгъэх, ау Алахьым ыкIуачIэ уашъоми чIыгуми хэти къащыщигъэкIэн ылъэкIыщтэп. Ащ ешIэ, лъэкIышхо иI!
أَوَلَمْ يَسِيرُوا فِي الْأَرْضِ فَيَنْظُرُوا كَيْفَ كَانَ عَاقِبَةُ الَّذِينَ مِنْ قَبْلِهِمْ وَكَانُوا أَشَدَّ مِنْهُمْ قُوَّةً ۚ وَمَا كَانَ اللَّهُ لِيُعْجِزَهُ مِنْ شَيْءٍ فِي السَّمَاوَاتِ وَلَا فِي الْأَرْضِ ۚ إِنَّهُ كَانَ عَلِيمًا قَدِيرًا
45 ЦIыфмэ зэрагъэгъотыгъэм пае Алахьым ахэр ыгъэпщынэнхэу фэягъэмэ, Ащ чIыгум зы псэушъхьэ къытыринэныеп, ау ахэмэ пIэлъэ гъэнэфагъэм нэс Ащ афылъегъэкIуатэ. Ау ахэмэ япIалъэ къызысыкIэ, Алахьым ежь иIумэтхэр къелъэгъух!
وَلَوْ يُؤَاخِذُ اللَّهُ النَّاسَ بِمَا كَسَبُوا مَا تَرَكَ عَلَىٰ ظَهْرِهَا مِنْ دَابَّةٍ وَلَٰكِنْ يُؤَخِّرُهُمْ إِلَىٰ أَجَلٍ مُسَمًّى ۖ فَإِذَا جَاءَ أَجَلُهُمْ فَإِنَّ اللَّهَ كَانَ بِعِبَادِهِ بَصِيرًا