Алджумухьэ - الـجـمـعـة - The Congregation

1 Пачъыхьэу къабзэу, щытхъушхо зыпылъэу, Iушэу Алахьым ищытхъу уашъохэм ащыIи чIыгум щыIи аIо! Ар лъэшы, Iуш!
بِسْمِ اللَّهِ الرَّحْمَٰنِ الرَّحِيمِ يُسَبِّحُ لِلَّهِ مَا فِي السَّمَاوَاتِ وَمَا فِي الْأَرْضِ الْمَلِكِ الْقُدُّوسِ الْعَزِيزِ الْحَكِيمِ
2 ЦIыф мыгъэсагъэмэ ащыщэу Ащ лIыкIор къахигъэтэджагъ. Ар Ащ иIэятэ къэгъэшъыпкъагъэмэ къафеджэ, ахэр егъэкъабзэх, тхыгъэмрэ Iушыгъэмрэ арегъашIэ, ахэр ыпэкIэ, Iо хэмылъэу, нафэу гъощагъэхэу щытыгъэхэми,
هُوَ الَّذِي بَعَثَ فِي الْأُمِّيِّينَ رَسُولًا مِنْهُمْ يَتْلُو عَلَيْهِمْ آيَاتِهِ وَيُزَكِّيهِمْ وَيُعَلِّمُهُمُ الْكِتَابَ وَالْحِكْمَةَ وَإِنْ كَانُوا مِنْ قَبْلُ لَفِي ضَلَالٍ مُبِينٍ
3 Ахэмэ ащыщхэу джыри нэмыкIхэу гъусэ къафэмыхъугъэхэри. Ежь щытхъушхо пылъ, Iуш!
وَآخَرِينَ مِنْهُمْ لَمَّا يَلْحَقُوا بِهِمْ ۚ وَهُوَ الْعَزِيزُ الْحَكِيمُ
4 Мыр Алахьым ишIушIагъ, ар Ежь шIоигъом реты. ШъушIэ иныр Алахьым ыIэ илъ.
ذَٰلِكَ فَضْلُ اللَّهِ يُؤْتِيهِ مَنْ يَشَاءُ ۚ وَاللَّهُ ذُو الْفَضْلِ الْعَظِيمِ
5 Библиер къызэратыгъэу ащ рымылажьэрэр тхылъхэр зыхьырэ щыдым фэд. Алахьым иIэятэ къэгъэшъыпкъагъэхэр пцIыкIэ зылъытэщтыгъэ цIыфхэр дэй горэм яхьщыр мэхъух! ШIошъхъуныгъэ зимыIэ цIыфхэм Алахьыр пащэ афэхъурэп!
مَثَلُ الَّذِينَ حُمِّلُوا التَّوْرَاةَ ثُمَّ لَمْ يَحْمِلُوهَا كَمَثَلِ الْحِمَارِ يَحْمِلُ أَسْفَارًا ۚ بِئْسَ مَثَلُ الْقَوْمِ الَّذِينَ كَذَّبُوا بِآيَاتِ اللَّهِ ۚ وَاللَّهُ لَا يَهْدِي الْقَوْمَ الظَّالِمِينَ
6 ЯIу: "О джурт хъугъэхэр! Шъо Алахьым шъупэблагъэу къышъушIошIымэ,нэмыкI цIыфмэ афэшъхьафэу, шъо шъуIорэр шъыпкъэмэ, лIэныгъэр къыхэшъух!
قُلْ يَا أَيُّهَا الَّذِينَ هَادُوا إِنْ زَعَمْتُمْ أَنَّكُمْ أَوْلِيَاءُ لِلَّهِ مِنْ دُونِ النَّاسِ فَتَمَنَّوُا الْمَوْتَ إِنْ كُنْتُمْ صَادِقِينَ
7 Хьау, Iофэу ашIагъэмэ апае ахэр сыдигъуи лIэныгъэм фэещтхэп, сыда пIомэ Алахьым цIыф дэйхэр ешIэх.
وَلَا يَتَمَنَّوْنَهُ أَبَدًا بِمَا قَدَّمَتْ أَيْدِيهِمْ ۚ وَاللَّهُ عَلِيمٌ بِالظَّالِمِينَ
8 Ахэмэ яIу: "ШъузIэпыкIы шъушIоигъо лIэныгъэр шъуапэкIэ къышъуфэзэщт, етIанэ шъэфыри нафэри зышIэрэм ыпашъхьэ шъурагъэзыхьажьыщт, шъушIэщтыгъэхэр Ащ къышъуиIожьыщтых".
قُلْ إِنَّ الْمَوْتَ الَّذِي تَفِرُّونَ مِنْهُ فَإِنَّهُ مُلَاقِيكُمْ ۖ ثُمَّ تُرَدُّونَ إِلَىٰ عَالِمِ الْغَيْبِ وَالشَّهَادَةِ فَيُنَبِّئُكُمْ بِمَا كُنْتُمْ تَعْمَلُونَ
9 О шIошъхъуныгъэ шъыпкъэ зышIыгъэхэр! Джумахьэ мафэм нэмаз шъушIынэу къызышъуаджэхэкIэ, Алахьыр шъугу къэжъугъэкIыжьыным шъуегугъу, сатыур щыжъугъэзый. ШIошIэмэ, шъоркIэ ар нахьышIу!
يَا أَيُّهَا الَّذِينَ آمَنُوا إِذَا نُودِيَ لِلصَّلَاةِ مِنْ يَوْمِ الْجُمُعَةِ فَاسْعَوْا إِلَىٰ ذِكْرِ اللَّهِ وَذَرُوا الْبَيْعَ ۚ ذَٰلِكُمْ خَيْرٌ لَكُمْ إِنْ كُنْتُمْ تَعْلَمُونَ
10 Нэмазыр ухыгъэ зыхъукIэ, шъуздакIо шъушIоигъом шъукIу, Алахьым ишIушIэ шъулъыхъу, бэрэ Алахьым шъуегупшыс, шъо насыпышIо шъухъункIи мэхъу,
فَإِذَا قُضِيَتِ الصَّلَاةُ فَانْتَشِرُوا فِي الْأَرْضِ وَابْتَغُوا مِنْ فَضْلِ اللَّهِ وَاذْكُرُوا اللَّهَ كَثِيرًا لَعَلَّكُمْ تُفْلِحُونَ
11 Ахэмэ сатыу горэ залъэгъукIэ е чэфыгъо горэ анэ къызыпэшIуафэкIэ, бгъу пстэумкIи зэхэкIыжьхэшъ, уизакъоу укъагъанэ. ЯIу: "Алахьым иIэр чэфыныгъэмрэ сатыумрэ анахьышIу!" Алахьым гъомылэр анахьышIоу егощы!
وَإِذَا رَأَوْا تِجَارَةً أَوْ لَهْوًا انْفَضُّوا إِلَيْهَا وَتَرَكُوكَ قَائِمًا ۚ قُلْ مَا عِنْدَ اللَّهِ خَيْرٌ مِنَ اللَّهْوِ وَمِنَ التِّجَارَةِ ۚ وَاللَّهُ خَيْرُ الرَّازِقِينَ