Алшъэф - الـصـف - The Ranks

1 Уашъохэм ащыIи чIыгум щыIи Алахьым ищытхъу еIо. Ар Iуш!
بِسْمِ اللَّهِ الرَّحْمَٰنِ الرَّحِيمِ سَبَّحَ لِلَّهِ مَا فِي السَّمَاوَاتِ وَمَا فِي الْأَرْضِ ۖ وَهُوَ الْعَزِيزُ الْحَكِيمُ
2 О шIошъхъуныгъэ шъыпкъэ зышIыгъэхэр! Шъо шъумышIэрэр сыд пае шъуIора?
يَا أَيُّهَا الَّذِينَ آمَنُوا لِمَ تَقُولُونَ مَا لَا تَفْعَلُونَ
3 Шъо шъумышIэрэр зэрэшъуIорэм пае фэмылъэгъуныгъэу Алахьым къышъуфишIырэр ины.
كَبُرَ مَقْتًا عِنْدَ اللَّهِ أَنْ تَقُولُوا مَا لَا تَفْعَلُونَ
4 Алахьым игъогу тетхэу, сатырэ зэготхэу заохэрэр Ащ шIу елъэгъух, ахэр унэ пытэм фэдэх!
إِنَّ اللَّهَ يُحِبُّ الَّذِينَ يُقَاتِلُونَ فِي سَبِيلِهِ صَفًّا كَأَنَّهُمْ بُنْيَانٌ مَرْصُوصٌ
5 Мосэ ицIыф лъэпкъ риIуагъ: "О сицIыф лъэпкъ! Сэ Алахьым сырилIыкIоу шъуадэжь сыкъызэрэкIуагъэр шъушIэзэ, сыд пае шъхьакIо къысэшъухыра?" Гъогу зафэм ахэр зыдэхыхэм, Алахьым ахэмэ агухэр ыгъэгъощагъэх. ПсэкIодшIэгъабэ зиIэ цIыф лъэпкъыр Алахьым гъогу занкIэ рищэрэп!
وَإِذْ قَالَ مُوسَىٰ لِقَوْمِهِ يَا قَوْمِ لِمَ تُؤْذُونَنِي وَقَدْ تَعْلَمُونَ أَنِّي رَسُولُ اللَّهِ إِلَيْكُمْ ۖ فَلَمَّا زَاغُوا أَزَاغَ اللَّهُ قُلُوبَهُمْ ۚ وَاللَّهُ لَا يَهْدِي الْقَوْمَ الْفَاسِقِينَ
6 Мерэм ыкъоу Хьисэ ицIыф лъэпкъ риIуагъ: "О Исраил ыкъохэр! Сэ сапэкIэ къырагъэхыгъэ Библием итхэр зэрэшъыпкъэр къэсыушыхьатынэу, сэ сауж къэкIощт лIыкIоу Ахьмэд зыцIэм пае къэбарышIу къышъозгъэIунэу, Алахьым сырилIыкIоу сэ шъуадэжь сыкъэкIуагъ". Iэятэ къэгъэшъыпкъэгъэ зэхэугуфыкIыгъэхэр иIэхэу ар къызэкIом, ахэмэ аIуагъ: "Ар шхъухьэ наф!"
وَإِذْ قَالَ عِيسَى ابْنُ مَرْيَمَ يَا بَنِي إِسْرَائِيلَ إِنِّي رَسُولُ اللَّهِ إِلَيْكُمْ مُصَدِّقًا لِمَا بَيْنَ يَدَيَّ مِنَ التَّوْرَاةِ وَمُبَشِّرًا بِرَسُولٍ يَأْتِي مِنْ بَعْدِي اسْمُهُ أَحْمَدُ ۖ فَلَمَّا جَاءَهُمْ بِالْبَيِّنَاتِ قَالُوا هَٰذَا سِحْرٌ مُبِينٌ
7 Алахьым имыхьакъ езыIуалIэрэм, Ислам диным фэлэжьэнэу раIозэ, нахь гунахьышIэ цIыф щыIэна? Гунахьыбэ зыгъэхъэгъэ цIыф лъэпкъыр Алахьым гъогу занкIэ рищэрэп!
وَمَنْ أَظْلَمُ مِمَّنِ افْتَرَىٰ عَلَى اللَّهِ الْكَذِبَ وَهُوَ يُدْعَىٰ إِلَى الْإِسْلَامِ ۚ وَاللَّهُ لَا يَهْدِي الْقَوْمَ الظَّالِمِينَ
8 Ахэр гущыIэкIэ Алахьым инурэ агъэбылъыным фаех, ау Алахьым къытырэ нурэм, джаурмэ ар яджагъоми, нэфынакIэ къыхегъахъо.
يُرِيدُونَ لِيُطْفِئُوا نُورَ اللَّهِ بِأَفْوَاهِهِمْ وَاللَّهُ مُتِمُّ نُورِهِ وَلَوْ كَرِهَ الْكَافِرُونَ
9 Сыд фэдэ дини ар анахь лъагэу къыгъэкIоным пае, ар Тхьабэ зышIошъ хъурэмэ афэмылъэгъущтыгъэ нахь мышIэми, илIыкIо зэрэзекIощтымрэ дин шъыпкъэмрэ къыритыгъэх.
هُوَ الَّذِي أَرْسَلَ رَسُولَهُ بِالْهُدَىٰ وَدِينِ الْحَقِّ لِيُظْهِرَهُ عَلَى الدِّينِ كُلِّهِ وَلَوْ كَرِهَ الْمُشْرِكُونَ
10 О шIошъхъуныгъэ шъыпкъэ зышIыгъэхэр! Хьэзаб пщынэжьым шъущызыухъумэщт сатыур къышъосэрэгъэлъэгъуа?
يَا أَيُّهَا الَّذِينَ آمَنُوا هَلْ أَدُلُّكُمْ عَلَىٰ تِجَارَةٍ تُنْجِيكُمْ مِنْ عَذَابٍ أَلِيمٍ
11 Шъо Алахьым, Ащ илIыкIо шIошъхъуныгъэ афышъуиI, Алахьым игъогу шъутетэу шъуимылъкукIэ, шъупсэхэмкIэ шъозао. ШъоркIэ ар нахьышIу! шъо шъошIэмэ.
تُؤْمِنُونَ بِاللَّهِ وَرَسُولِهِ وَتُجَاهِدُونَ فِي سَبِيلِ اللَّهِ بِأَمْوَالِكُمْ وَأَنْفُسِكُمْ ۚ ذَٰلِكُمْ خَيْرٌ لَكُمْ إِنْ كُنْتُمْ تَعْلَمُونَ
12 Джащыгъум шъо псэкIодшIагъэу шъуиIэхэр Ащ шъуфигъэгъущтых, псыхъохэр зыхэчъхэрэ джэнэтхэу псэупIэшIухэр зыхэтхэм шъуахищэщт. Ар гъунэ зимыIэ насып!
يَغْفِرْ لَكُمْ ذُنُوبَكُمْ وَيُدْخِلْكُمْ جَنَّاتٍ تَجْرِي مِنْ تَحْتِهَا الْأَنْهَارُ وَمَسَاكِنَ طَيِّبَةً فِي جَنَّاتِ عَدْنٍ ۚ ذَٰلِكَ الْفَوْزُ الْعَظِيمُ
13 Шъо нэмыкI шIуагъэхэу шъузфаехэр, Алахьым иIэпыIэгъурэ итекIоныгъэ благъэрэ, Ащ къышъуетых Тхьэр зышIошъ хъухэрэр гъэгушIох!
وَأُخْرَىٰ تُحِبُّونَهَا ۖ نَصْرٌ مِنَ اللَّهِ وَفَتْحٌ قَرِيبٌ ۗ وَبَشِّرِ الْمُؤْمِنِينَ
14 О шIошъхъуныгъэ шъыпкъэ зышIыгъэхэр! Алахьым шъуригъус, Мерэм ыкъо Хьиси игъусэхэмэ зэрариIуагъэм фэдэу: "Алахьым иIофкIэ хэта сэ джэуап къысфэхъущтыр? Ригъэджагъэхэм аIуагъ: "Тэры Алахьым игъусэхэр!" Исраил ыкъохэм ащыщэу зы куп шIошъхъуныгъэ ашIыгъ, адырэмэ шIошъхъуныгъэ ашIыгъэп. ШIошъхъуныгъэ зышIыгъэхэм япыйхэм апэшIуекIонхэу Тэ кIуачIэ яттыгъ, ахэмэ текIоныгъэр къыдахыгъ.
يَا أَيُّهَا الَّذِينَ آمَنُوا كُونُوا أَنْصَارَ اللَّهِ كَمَا قَالَ عِيسَى ابْنُ مَرْيَمَ لِلْحَوَارِيِّينَ مَنْ أَنْصَارِي إِلَى اللَّهِ ۖ قَالَ الْحَوَارِيُّونَ نَحْنُ أَنْصَارُ اللَّهِ ۖ فَآمَنَتْ طَائِفَةٌ مِنْ بَنِي إِسْرَائِيلَ وَكَفَرَتْ طَائِفَةٌ ۖ فَأَيَّدْنَا الَّذِينَ آمَنُوا عَلَىٰ عَدُوِّهِمْ فَأَصْبَحُوا ظَاهِرِينَ