Алрэхьман - الـرحـمـن - The Beneficent

1 ГукIэгъу зыхэлъым
بِسْمِ اللَّهِ الرَّحْمَٰنِ الرَّحِيمِ الرَّحْمَٰنُ
2 КъурIаныр аригъэшIагъ,
عَلَّمَ الْقُرْآنَ
3 ЦIыфыр къыгъэшIыгъ.
خَلَقَ الْإِنْسَانَ
4 Дахэу гущыIэнэу ригъэшIагъ,
عَلَّمَهُ الْبَيَانَ
5 Тыгъэмрэ мазэмрэ пIэлъэ гъэнэфагъэм тетэу къекIокIых.
الشَّمْسُ وَالْقَمَرُ بِحُسْبَانٍ
6 Уцхэмрэ чъыгхэмрэ Тхьэм шъхьащэ фашIы.
وَالنَّجْمُ وَالشَّجَرُ يَسْجُدَانِ
7 Уашъор лъагэу ыIэтыгъ,шъущэчырэмкIэ шъумыгъэпцIэнхэу
وَالسَّمَاءَ رَفَعَهَا وَوَضَعَ الْمِيزَانَ
8 Щэчалэхэр ыгъэуцугъэх.
أَلَّا تَطْغَوْا فِي الْمِيزَانِ
9 Зэфагъэм тетэу афэшъущэч, щэчалъэхэр зэщышъумыгъакъох.
وَأَقِيمُوا الْوَزْنَ بِالْقِسْطِ وَلَا تُخْسِرُوا الْمِيزَانَ
10 ЦIыф лъэпкъ зэфэшъхьафхэм апае Ащ чIыгур зэригъэфагъ.
وَالْأَرْضَ وَضَعَهَا لِلْأَنَامِ
11 Пхъэшъхьэ-мышъхьэхэр, хъурмэ чъыгхэр,
فِيهَا فَاكِهَةٌ وَالنَّخْلُ ذَاتُ الْأَكْمَامِ
12 Фышъхьэ лэжьыгъэхэр, мэIэшIу къызпихырэ уцхэр чIыгум тетых.
وَالْحَبُّ ذُو الْعَصْفِ وَالرَّيْحَانُ
13 Шъуи Тхьэ ишIушIэмэ ащыщэу шъо тара пцIыкIэ шъулъытэщтыр?
فَبِأَيِّ آلَاءِ رَبِّكُمَا تُكَذِّبَانِ
14 КъошынышIымэ агъэфедэрэ ятIэм Ащ цIыфыр хишIыкIыгъ.
خَلَقَ الْإِنْسَانَ مِنْ صَلْصَالٍ كَالْفَخَّارِ
15 МэшIо тхъоуабзэ Iужъоу Iугъо къызпымыкIрэм Ащ джынэхэр хишIыкIыгъэх.
وَخَلَقَ الْجَانَّ مِنْ مَارِجٍ مِنْ نَارٍ
16 Шъуи Тхьэ ишIушIэмэ ащыщэу шъо тара пцIыкIэ шъулъытэщтыр?
فَبِأَيِّ آلَاءِ رَبِّكُمَا تُكَذِّبَانِ
17 КъокIыпIитIур Ащ ыIэ илъ. КъохьапIитIур Ащ ыIэ илъ.
رَبُّ الْمَشْرِقَيْنِ وَرَبُّ الْمَغْرِبَيْنِ
18 Шъуи Тхьэ ишIушIэмэ ащыщэу шъо тара пцIыкIэ шъулъытэщтыр?
فَبِأَيِّ آلَاءِ رَبِّكُمَا تُكَذِّبَانِ
19 ХитIоу зэнэсыщтыгъэхэр Ащ ыгощыгъ.
مَرَجَ الْبَحْرَيْنِ يَلْتَقِيَانِ
20 Ахэмэ азфагу зэпыгъэIыкIыпIэм зыкъыщеIэты, ахэр зэхахьэхэрэп.
بَيْنَهُمَا بَرْزَخٌ لَا يَبْغِيَانِ
21 Шъуи Тхьэ ишIушIэмэ ащыщэу шъо тара пцIыкIэ шъулъытэщтыр?
فَبِأَيِّ آلَاءِ رَبِّكُمَا تُكَذِّبَانِ
22 Адырэми мыдырэми налмэс налкъутэхэр, мыжъо лъапIэхэр къахэкIых.
يَخْرُجُ مِنْهُمَا اللُّؤْلُؤُ وَالْمَرْجَانُ
23 Шъуи Тхьэ ишIушIэмэ ащыщэу шъо тара пцIыкIэ шъулъытэщтыр?
فَبِأَيِّ آلَاءِ رَبِّكُمَا تُكَذِّبَانِ
24 Къушъхьэм фэдэу хыхэр зэпызычырэ къухьэхэр Ащ иех.
وَلَهُ الْجَوَارِ الْمُنْشَآتُ فِي الْبَحْرِ كَالْأَعْلَامِ
25 Шъуи Тхьэ ишIушIэмэ ащыщэу шъо тара пцIыкIэ шъулъытэщтыр?
فَبِأَيِّ آلَاءِ رَبِّكُمَا تُكَذِّبَانِ
26 Псэ зыпытэу чIыгум тетыр зэкIэ кIодыжьыщт.
كُلُّ مَنْ عَلَيْهَا فَانٍ
27 ЕгъашIэрэу къэнэжьыщтыр уи Тхьэ ынап, щытхъурэ шIуагъэрэкIэ къэуцухьагъэщт.
وَيَبْقَىٰ وَجْهُ رَبِّكَ ذُو الْجَلَالِ وَالْإِكْرَامِ
28 Шъуи Тхьэ ишIушIэмэ ащыщэу шъо тара пцIыкIэ шъулъытэщтыр?
فَبِأَيِّ آلَاءِ رَبِّكُمَا تُكَذِّبَانِ
29 ЗэкIэ псэ зыпытэу уашъом щыIи чIыгум щыIи лъэIуныгъэшхо яIэу Ащ зыфагъазэ. Мафэ къэс Ащ IофыкIэхэр ешIэх
يَسْأَلُهُ مَنْ فِي السَّمَاوَاتِ وَالْأَرْضِ ۚ كُلَّ يَوْمٍ هُوَ فِي شَأْنٍ
30 Шъуи Тхьэ ишIушIэмэ ащыщэу шъо тара пцIыкIэ шъулъытэщтыр?
فَبِأَيِّ آلَاءِ رَبِّكُمَا تُكَذِّبَانِ
31 О цIыфхэмрэ джынэхэмрэ, шъуиIоф тIоным Тэ зы мафэ пэIудгъэхьащт.
سَنَفْرُغُ لَكُمْ أَيُّهَ الثَّقَلَانِ
32 Шъуи Тхьэ ишIушIэмэ ащыщэу шъо тара пцIыкIэ шъулъытэщтыр?
فَبِأَيِّ آلَاءِ رَبِّكُمَا تُكَذِّبَانِ
33 О цIыф купрэ джынэ купрэ! Уашъомрэ чIыгумрэ ягъунапкъэхэм шъуаблэкIын шъулъэкIыщтмэ,шъуаблэкI! Ау Тхьам лъэкI къышъуитымэ ары ныIэп ащ шъублэкIын зышъулъэкIыщтыр.
يَا مَعْشَرَ الْجِنِّ وَالْإِنْسِ إِنِ اسْتَطَعْتُمْ أَنْ تَنْفُذُوا مِنْ أَقْطَارِ السَّمَاوَاتِ وَالْأَرْضِ فَانْفُذُوا ۚ لَا تَنْفُذُونَ إِلَّا بِسُلْطَانٍ
34 Шъуи Тхьэ ишIушIэмэ ащыщэу шъо тара пцIыкIэ шъулъытэщтыр?
فَبِأَيِّ آلَاءِ رَبِّكُمَا تُكَذِّبَانِ
35 Iугъо пымыкIэу мэшIо тхъуабзэ Iужъу къышъуфагъэкIуагъэ хъущт, шъо IэпыIэгъу жъугъотыщтэп.
يُرْسَلُ عَلَيْكُمَا شُوَاظٌ مِنْ نَارٍ وَنُحَاسٌ فَلَا تَنْتَصِرَانِ
36 Шъуи Тхьэ ишIушIэмэ ащыщэу шъо тара пцIыкIэ шъулъытэщтыр?
فَبِأَيِّ آلَاءِ رَبِّكُمَا تُكَذِّبَانِ
37 Уашъор зэгорэм зэкъоунышъ, кIышъо гъэлагъэм фэдэу плъыжьы хъущт.
فَإِذَا انْشَقَّتِ السَّمَاءُ فَكَانَتْ وَرْدَةً كَالدِّهَانِ
38 Шъуи Тхьэ ишIушIэмэ ащыщэу шъо тара пцIыкIэ шъулъытэщтыр?
فَبِأَيِّ آلَاءِ رَبِّكُمَا تُكَذِّبَانِ
39 А мафэм цIыфхэми джынэхэми псэкIодэу ашIагъэмкIэ яупчIыщтхэп.
فَيَوْمَئِذٍ لَا يُسْأَلُ عَنْ ذَنْبِهِ إِنْسٌ وَلَا جَانٌّ
40 Шъуи Тхьэ ишIушIэмэ ащыщэу шъо тара пцIыкIэ шъулъытэщтыр?
فَبِأَيِّ آلَاءِ رَبِّكُمَا تُكَذِّبَانِ
41 ПсэкIодышIэхэр ятамыгъэхэмкIэ къэшIэжьыгъэ хъущтых, ахэр ашъхьацхэмкIэ, алъакъохэмкIэ аубытыщтых.
يُعْرَفُ الْمُجْرِمُونَ بِسِيمَاهُمْ فَيُؤْخَذُ بِالنَّوَاصِي وَالْأَقْدَامِ
42 Шъуи Тхьэ ишIушIэмэ ащыщэу шъо тара пцIыкIэ шъулъытэщтыр?
فَبِأَيِّ آلَاءِ رَبِّكُمَا تُكَذِّبَانِ
43 Джаурмэ къэугупшысыгъэкIэ алъытэщтыгъэ джэхьнэмыр мары,
هَٰذِهِ جَهَنَّمُ الَّتِي يُكَذِّبُ بِهَا الْمُجْرِمُونَ
44 МэшIо тхъуабзэмрэ псэу къажъомрэ азфагу къакIухьэу ахэр итыщтых.
يَطُوفُونَ بَيْنَهَا وَبَيْنَ حَمِيمٍ آنٍ
45 Шъуи Тхьэ ишIушIэмэ ащыщэу шъо тара пцIыкIэ шъулъытэщтыр?
فَبِأَيِّ آلَاءِ رَبِّكُمَا تُكَذِّبَانِ
46 Лъытэныгъэ зиIэ Тхьэм ищынагъо зыгу илъым джэнэтитIу ратыщт.
وَلِمَنْ خَافَ مَقَامَ رَبِّهِ جَنَّتَانِ
47 Шъуи Тхьэ ишIушIэмэ ащыщэу шъо тара пцIыкIэ шъулъытэщтыр?
فَبِأَيِّ آلَاءِ رَبِّكُمَا تُكَذِّبَانِ
48 ТIури къутамэхэмкIэ гъэкIэрэкIэгъэщтых.
ذَوَاتَا أَفْنَانٍ
49 Шъуи Тхьэ ишIушIэмэ ащыщэу шъо тара пцIыкIэ шъулъытэщтыр?
فَبِأَيِّ آلَاءِ رَبِّكُمَا تُكَذِّبَانِ
50 Ахэмэ псы лъэкъуитIу ахэчъы.
فِيهِمَا عَيْنَانِ تَجْرِيَانِ
51 Шъуи Тхьэ ишIушIэмэ ащыщэу шъо тара пцIыкIэ шъулъытэщтыр?
فَبِأَيِّ آلَاءِ رَبِّكُمَا تُكَذِّبَانِ
52 Ахэмэ пхъэшъхьэ-мышъхьэ зэфэшъхьафхэр лъэпкъитIоу ащыIэх.
فِيهِمَا مِنْ كُلِّ فَاكِهَةٍ زَوْجَانِ
53 Шъуи Тхьэ ишIушIэмэ ащыщэу шъо тара пцIыкIэ шъулъытэщтыр?
فَبِأَيِّ آلَاءِ رَبِّكُمَا تُكَذِّبَانِ
54 Ахэр дышъэрэ тыжьынрэ зыхэдэгъэ дэнэ Iужъур зыкIэбзэгъэ алрэгъумэ загъэпсэфынэу атегъолъхьащтых. чъыг хэтитIуми пхъэшъхьэ-мышъхьэу апытхэр зышIоигъо пэпчъ къыпичынхэу лъхъэнчэщтых.
مُتَّكِئِينَ عَلَىٰ فُرُشٍ بَطَائِنُهَا مِنْ إِسْتَبْرَقٍ ۚ وَجَنَى الْجَنَّتَيْنِ دَانٍ
55 Шъуи Тхьэ ишIушIэмэ ащыщэу шъо тара пцIыкIэ шъулъытэщтыр?
فَبِأَيِّ آلَاءِ رَبِّكُمَا تُكَذِّبَانِ
56 Нэплъэгъу укIытапхэхэр зиIэхэ пшъэшъэ ныбжьыкIэхэу цIыфи джыни зынэмысыгъэхэр ащ щыIэщтых.
فِيهِنَّ قَاصِرَاتُ الطَّرْفِ لَمْ يَطْمِثْهُنَّ إِنْسٌ قَبْلَهُمْ وَلَا جَانٌّ
57 Шъуи Тхьэ ишIушIэмэ ащыщэу шъо тара пцIыкIэ шъулъытэщтыр?
فَبِأَيِّ آلَاءِ رَبِّكُمَا تُكَذِّبَانِ
58 Ахэр мэрджанэмэ, налмэс-налкъутэмэ афэдэх.
كَأَنَّهُنَّ الْيَاقُوتُ وَالْمَرْجَانُ
59 Шъуи Тхьэ ишIушIэмэ ащыщэу шъо тара пцIыкIэ шъулъытэщтыр?
فَبِأَيِّ آلَاءِ رَبِّكُمَا تُكَذِّبَانِ
60 ШIум шIу фэшъхьаф тын фэпшIынэу щыIэна?
هَلْ جَزَاءُ الْإِحْسَانِ إِلَّا الْإِحْسَانُ
61 Шъуи Тхьэ ишIушIэмэ ащыщэу шъо тара пцIыкIэ шъулъытэщтыр?
فَبِأَيِّ آلَاءِ رَبِّكُمَا تُكَذِّبَانِ
62 Мы джэнэтитIум афэшъхьафэу, нэмыкI джэнэтитIу джыри щыIэщт.
وَمِنْ دُونِهِمَا جَنَّتَانِ
63 Шъуи Тхьэ ишIушIэмэ ащыщэу шъо тара пцIыкIэ шъулъытэщтыр?
فَبِأَيِّ آلَاءِ رَبِّكُمَا تُكَذِّبَانِ
64 Уцышъо чIапцIэхэр.
مُدْهَامَّتَانِ
65 Шъуи Тхьэ ишIушIэмэ ащыщэу шъо тара пцIыкIэ шъулъытэщтыр?
فَبِأَيِّ آلَاءِ رَبِّكُمَا تُكَذِّبَانِ
66 Ахэмэ псы къакIэчъэу псынэкIэчъитIу ахэтыщт.
فِيهِمَا عَيْنَانِ نَضَّاخَتَانِ
67 Шъуи Тхьэ ишIушIэмэ ащыщэу шъо тара пцIыкIэ шъулъытэщтыр?
فَبِأَيِّ آلَاءِ رَبِّكُمَا تُكَذِّبَانِ
68 Ахэмэ пхъэшъхьэ-мышъхьэ, хъурмэ, нарэ чъыгхэр арытых.
فِيهِمَا فَاكِهَةٌ وَنَخْلٌ وَرُمَّانٌ
69 Шъуи Тхьэ ишIушIэмэ ащыщэу шъо тара пцIыкIэ шъулъытэщтыр?
فَبِأَيِّ آلَاءِ رَبِّكُمَا تُكَذِّبَانِ
70 Бзылъфыгъэ шIагъохэр, хьалэлхэр ащ щыIэщтых.
فِيهِنَّ خَيْرَاتٌ حِسَانٌ
71 Шъуи Тхьэ ишIушIэмэ ащыщэу шъо тара пцIыкIэ шъулъытэщтыр?
فَبِأَيِّ آلَاءِ رَبِّكُمَا تُكَذِّبَانِ
72 Нэ шIуцIэ инхэр зиIэ пшъашъэхэр щыбылыкъмэ ачIэсыщтых.
حُورٌ مَقْصُورَاتٌ فِي الْخِيَامِ
73 Шъуи Тхьэ ишIушIэмэ ащыщэу шъо тара пцIыкIэ шъулъытэщтыр?
فَبِأَيِّ آلَاءِ رَبِّكُمَا تُكَذِّبَانِ
74 Ахэмэ цIыфи джыни анэсыгъэп.
لَمْ يَطْمِثْهُنَّ إِنْسٌ قَبْلَهُمْ وَلَا جَانٌّ
75 Шъуи Тхьэ ишIушIэмэ ащыщэу шъо тара пцIыкIэ шъулъытэщтыр?
فَبِأَيِّ آلَاءِ رَبِّكُمَا تُكَذِّبَانِ
76 Шъхьэнтэ уцышъомэ, алрэгъу шIагъомэ ателъхэу загъэпсэфыщт.
مُتَّكِئِينَ عَلَىٰ رَفْرَفٍ خُضْرٍ وَعَبْقَرِيٍّ حِسَانٍ
77 Шъуи Тхьэ ишIушIэмэ ащыщэу шъо тара пцIыкIэ шъулъытэщтыр?
فَبِأَيِّ آلَاءِ رَبِّكُمَا تُكَذِّبَانِ
78 Щытхъурэ лъытэныгъэрэ зыIэ илъэу уи Тхьэ ыцIэ лъапIэ, лъагэ орэхъу!
تَبَارَكَ اسْمُ رَبِّكَ ذِي الْجَلَالِ وَالْإِكْرَامِ