Алкъамэр - الـقمـر - The Moon

1 Сыхьатыр къэблэгъагъ, мазэр зэгокIыгъ!
بِسْمِ اللَّهِ الرَّحْمَٰنِ الرَّحِيمِ اقْتَرَبَتِ السَّاعَةُ وَانْشَقَّ الْقَمَرُ
2 Ау ахэмэ щысэ алъэгъумэ, щагъэзые, аIо: "КIыхьэ-лыхьэ хъугъэ шхъухь!"
وَإِنْ يَرَوْا آيَةً يُعْرِضُوا وَيَقُولُوا سِحْرٌ مُسْتَمِرٌّ
3 Ушъыинхэр ахэмэ пцIыкIэ алъытагъэх, ежьхэм ашIоигъом тетхэу зекIуагъэх, ау зэкIэ зэмыхъокIынэу щыт.
وَكَذَّبُوا وَاتَّبَعُوا أَهْوَاءَهُمْ ۚ وَكُلُّ أَمْرٍ مُسْتَقِرٌّ
4 Ау щытми, щынагъом зэлъедгъэштэнхэ зылъэкIыщт къэбар горэхэм ядэIунхэу амал ахэмэ аратыгъ.
وَلَقَدْ جَاءَهُمْ مِنَ الْأَنْبَاءِ مَا فِيهِ مُزْدَجَرٌ
5 Ар блэфыгъэ акъыл, ау яушъыихэзэ зэрагъэдаIохэрэр ахэмэ зыкIи IэпыIэгъу афэхъугъэп.
حِكْمَةٌ بَالِغَةٌ ۖ فَمَا تُغْنِ النُّذُرُ
6 Ахэмэ уакIыб афэгъаз, Мыхьамэт! А мафэм зэкIэ цIыфхэм унашъо афишIынэу зыпшъэ ралъхьэгъэ мэлаIичым щынагъом фэкIонхэу унашъо къызафишIыкIэ,
فَتَوَلَّ عَنْهُمْ ۘ يَوْمَ يَدْعُ الدَّاعِ إِلَىٰ شَيْءٍ نُكُرٍ
7 Янэплъэгъухэр едзыхыгъэхэу, зэбгырыбыбыкIыгъэ мацIэмэ яхьщырхэу ахэр якъэхэм къадэкIыщтых,
خُشَّعًا أَبْصَارُهُمْ يَخْرُجُونَ مِنَ الْأَجْدَاثِ كَأَنَّهُمْ جَرَادٌ مُنْتَشِرٌ
8 Ахэмэ унашъо къафэзышIыгъэ мэлаIичым ыпэ итхэу, псынкIэ дэдэу чъэщтых. Джащыгъум джаурмэ аIощт: "Ар мэфэ къин!"
مُهْطِعِينَ إِلَى الدَّاعِ ۖ يَقُولُ الْكَافِرُونَ هَٰذَا يَوْمٌ عَسِرٌ
9 Ахэмэ апэкIэ Нухьэ ицIыф лъэпкъ шъыпкъэр пцIыкIэ ылъытагъ, гъэпцIакIом фэдэу тэ тиIумэт къыдэзекIуагъ, аIуагъ: "Ышъэ икIыгъ."Ар къыIуафыгъагъ.
كَذَّبَتْ قَبْلَهُمْ قَوْمُ نُوحٍ فَكَذَّبُوا عَبْدَنَا وَقَالُوا مَجْنُونٌ وَازْدُجِرَ
10 Ар и Тхьэ еджагъ: "Сэ къыстекIуагъэх, къыздеIэба!"
فَدَعَا رَبَّهُ أَنِّي مَغْلُوبٌ فَانْتَصِرْ
11 Уашъор игъэкIотыгъэу Тэ къызэIутхи, ащ псы чъэрыр къеткIыкIэхыгъ.
فَفَتَحْنَا أَبْوَابَ السَّمَاءِ بِمَاءٍ مُنْهَمِرٍ
12 ЧIыгу тIуакIэмэ Тэ псынэкIэчъыхэр къадэтщыгъэх, пэшIоргъэшъэу къызэраIуагъэу, къатыралъхьагъэм зэрэщагъэнэфагъэм тетэу, уашъом къехыгъэ псыр псынкIэчъыпсым хэлъэдэжьыгъ.
وَفَجَّرْنَا الْأَرْضَ عُيُونًا فَالْتَقَى الْمَاءُ عَلَىٰ أَمْرٍ قَدْ قُدِرَ
13 ГъучIыIунэкIэ зэхэIулIэгъэ пхъэмбгъум хэшIыкIыгъэ къухьэм исэу Нухьэ Тэ етхьыжьагъ.
وَحَمَلْنَاهُ عَلَىٰ ذَاتِ أَلْوَاحٍ وَدُسُرٍ
14 Тэ тинэплъэгъу итэу ар хым къыщекIокIыщтыгъэ. Ахэр разэ зыфэмыхъугъэхэм джащ фэд тыны афэхъугъэр.
تَجْرِي بِأَعْيُنِنَا جَزَاءً لِمَنْ كَانَ كُفِرَ
15 Тэ ар щысэу къафэдгъэнагъ, зы нэбгыр ныIэми акъыл фэхъунба!
وَلَقَدْ تَرَكْنَاهَا آيَةً فَهَلْ مِنْ مُدَّكِرٍ
16 Сэ сяушъыизэ зэрэзгъэдаIощтыгъэхэ сихьазаб сыд фэдагъа!
فَكَيْفَ كَانَ عَذَابِي وَنُذُرِ
17 Тяушъыизэ дгъэдэIонхэм пае Тэ КъурIаныр гурыIогъошIу тшIыгъэ. Ащ зыпари егупшысэрэба?
وَلَقَدْ يَسَّرْنَا الْقُرْآنَ لِلذِّكْرِ فَهَلْ مِنْ مُدَّكِرٍ
18 Хьадмэ шъыпкъэр пцIыкIэ алъытагъ, Сэ сяушъыизэ зэрэзгъэдэIуагъэхэ сихьазаб сыд фэдагъа!
كَذَّبَتْ عَادٌ فَكَيْفَ كَانَ عَذَابِي وَنُذُرِ
19 Ахэмэ Тэ жьыбгъэ лъэш мэфэ мыгъом афэдгъэкIогъагъ, ар зэпымыожьэу къепщэщтыгъэ.
إِنَّا أَرْسَلْنَا عَلَيْهِمْ رِيحًا صَرْصَرًا فِي يَوْمِ نَحْسٍ مُسْتَمِرٍّ
20 Хъурмэ чъыг итхъыгъэм фэдэу, ащ цIыфхэр чIыгум къытыричхэти, къыIэтыщтыгъэх.
تَنْزِعُ النَّاسَ كَأَنَّهُمْ أَعْجَازُ نَخْلٍ مُنْقَعِرٍ
21 Сэ сяушъыизэ зэрэзгъэдаIощтыгъэхэ сихьазаб сыд фэдагъа!
فَكَيْفَ كَانَ عَذَابِي وَنُذُرِ
22 Тяушъыизэ дгъэдэIонхэм пае Тэ КъурIаныр гурыIогъошIу тшIыгъэ. Ащ зыпари егупшысэрэба?
وَلَقَدْ يَسَّرْنَا الْقُرْآنَ لِلذِّكْرِ فَهَلْ مِنْ مُدَّكِرٍ
23 Тэ зэрэдгъэщынэхэрэр самудмэ пцIыкIэ алъытагъ,
كَذَّبَتْ ثَمُودُ بِالنُّذُرِ
24 АIуагъ: "Тэ тщыщ цIыф закъом тедэIунэуи? Ащыгъум тэ гъощэныгъэм, акъылынчъагъэм тыпыхьагъэу тыхъуни!
فَقَالُوا أَبَشَرًا مِنَّا وَاحِدًا نَتَّبِعُهُ إِنَّا إِذًا لَفِي ضَلَالٍ وَسُعُرٍ
25 Хьау, ар нафэу пцIыус, пагэ.
أَأُلْقِيَ الذِّكْرُ عَلَيْهِ مِنْ بَيْنِنَا بَلْ هُوَ كَذَّابٌ أَشِرٌ
26 Пэгэ пцIыусыр ахэмэ неущ къашIэщт!
سَيَعْلَمُونَ غَدًا مَنِ الْكَذَّابُ الْأَشِرُ
27 Ахэр тыушэтынхэм пае Тэ мэхъшэбзыр афэтэгъакIо, ахэмэ алъыплъ, щыIэ!
إِنَّا مُرْسِلُو النَّاقَةِ فِتْنَةً لَهُمْ فَارْتَقِبْهُمْ وَاصْطَبِرْ
28 Псыр ежьхэмрэ мэхъшэбзымрэ зэфагощын зэрэфаер яIу атефэрэр зэбладзызэ арэшI.
وَنَبِّئْهُمْ أَنَّ الْمَاءَ قِسْمَةٌ بَيْنَهُمْ ۖ كُلُّ شِرْبٍ مُحْتَضَرٌ
29 Ахэмэ ныбджэгъу унашъо фашIыгъ. Адырэм сэшхор къырихи, мэхъшэбзыр ыукIыгъ.
فَنَادَوْا صَاحِبَهُمْ فَتَعَاطَىٰ فَعَقَرَ
30 Сэ сяушъыизэ зэрэзгъэдаIощтыгъэхэр, зэрэзгъэпщынэщтыгъэхэр сыд фэдагъа!
فَكَيْفَ كَانَ عَذَابِي وَنُذُرِ
31 Тэ ахэмэ мэлаIичым икуо макъ ныIэп афэдгъэкIуагъэр, ахэр орзэ гъугъэу ятIэм хэгъэкIухьагъэм фэдэ хъугъэх.
إِنَّا أَرْسَلْنَا عَلَيْهِمْ صَيْحَةً وَاحِدَةً فَكَانُوا كَهَشِيمِ الْمُحْتَظِرِ
32 Тяушъыизэ дгъэдэIонхэм пае Тэ КъурIаныр гурыIогъошIу тшIыгъэ. Ащ зыпари егупшысэрэба?
وَلَقَدْ يَسَّرْنَا الْقُرْآنَ لِلذِّكْرِ فَهَلْ مِنْ مُدَّكِرٍ
33 ЛютIэ ицIыф лъэпкъ гъэщынэныгъэр пцIыкIэ ылъытэщтыгъэ.
كَذَّبَتْ قَوْمُ لُوطٍ بِالنُّذُرِ
34 Мыжъохэр къэзыдзыщтыгъэ жьыуае Тэ а цIыф лъэпкъым фэдгъэкIуагъ, нэфшъагъом ЛютIэ иунагъу ныIэп къэдгъэнэжьыгъэр.
إِنَّا أَرْسَلْنَا عَلَيْهِمْ حَاصِبًا إِلَّا آلَ لُوطٍ ۖ نَجَّيْنَاهُمْ بِسَحَرٍ
35 Тэ талъэныкъокIэ ар шIушIагъэу щытыгъ. Къытфэрэзэ цIыфхэм Тэ джаущтэу тятэ!
نِعْمَةً مِنْ عِنْدِنَا ۚ كَذَٰلِكَ نَجْزِي مَنْ شَكَرَ
36 ЛютIэ Тэ кIуачIэу тиIэмкIэ ахэр ыгъэщынэщтыгъэх, ау щынэныгъэм еджэнджэшыщтыгъэх.
وَلَقَدْ أَنْذَرَهُمْ بَطْشَتَنَا فَتَمَارَوْا بِالنُّذُرِ
37 Ахэр яхьакIэмэ зэрар арахынэу фэягъэх, ау Тэ амылъэгъужьэу тшIыгъэ, ятIуагъ: "Сэ сигъэпщынэни, сигъэщынэни зэхашъушIэ!"
وَلَقَدْ رَاوَدُوهُ عَنْ ضَيْفِهِ فَطَمَسْنَا أَعْيُنَهُمْ فَذُوقُوا عَذَابِي وَنُذُرِ
38 КъыкIэлъыкIогъэ мафэм хьэзаб пщынэжьым ар дэдэм ахэр зэлъиштагъэх.
وَلَقَدْ صَبَّحَهُمْ بُكْرَةً عَذَابٌ مُسْتَقِرٌّ
39 Сэ зэрэзгъэщынэхэрэр, сяушъыизэ зэрэзгъэдаIохэрэр зэхашъушIэ!
فَذُوقُوا عَذَابِي وَنُذُرِ
40 Тяушъыизэ дгъэдэIонхэм пае Тэ КъурIаныр гурыIогъошIоу тшIыгъэ. Ащ зыпари егупшысэрэба?
وَلَقَدْ يَسَّرْنَا الْقُرْآنَ لِلذِّكْرِ فَهَلْ مِنْ مُدَّكِرٍ
41 Фирхьаун илIакъо ушъыихэр къыфэкIуагъэх.
وَلَقَدْ جَاءَ آلَ فِرْعَوْنَ النُّذُرُ
42 Тэ тиIэятэ къэгъэшъыпкъагъэхэр зэкIэ ахэмэ пцIыкIэ алъытагъэх, Тэ ахэр ин дэдэу, Лъэш дэдэм зэришIэу, Iуедгъэхыгъэх.
كَذَّبُوا بِآيَاتِنَا كُلِّهَا فَأَخَذْنَاهُمْ أَخْذَ عَزِيزٍ مُقْتَدِرٍ
43 Шъо шъуиджаурхэр нахьышIуа шъуапэ итхэм анахьи? Е шъо хыеу шъухэзгъэкIын тхыгъэмэ арыта?
أَكُفَّارُكُمْ خَيْرٌ مِنْ أُولَٰئِكُمْ أَمْ لَكُمْ بَرَاءَةٌ فِي الزُّبُرِ
44 Ахэмэ аIона: "Тэ тызэдеIэжьмэ, бэ тэхъу?".
أَمْ يَقُولُونَ نَحْنُ جَمِيعٌ مُنْتَصِرٌ
45 Ау бэ хъурэр шIэхэу зэбгырытэкъугъэ хъущт. Ахэмэ зэкIэмэ акIыб къагъэзэщт,
سَيُهْزَمُ الْجَمْعُ وَيُوَلُّونَ الدُّبُرَ
46 Яфэшъуашэ зыIукIэжьыщтхэ сыхьатым ахэр зэрэлъэгъущтых. Сыд фэдэу нэшхъэеу, тхьамыкIагъоу а сыхьатыр щытыщт!
بَلِ السَّاعَةُ مَوْعِدُهُمْ وَالسَّاعَةُ أَدْهَىٰ وَأَمَرُّ
47 Мысэхэр гъощэныгъэм, акъылынчъагъэм хэтых.
إِنَّ الْمُجْرِمِينَ فِي ضَلَالٍ وَسُعُرٍ
48 А мафэм, ахэр анэгухэмкIэ чIыгум щалъэшъухэзэ джэхьнэм машIом зыщыхащэщтхэм, якуощтых: "Джэхьнэмым шъузэрэнэсырэр шъуушэты!"
يَوْمَ يُسْحَبُونَ فِي النَّارِ عَلَىٰ وُجُوهِهِمْ ذُوقُوا مَسَّ سَقَرَ
49 Шъыпкъэ дэдэмкIэ, сыд лIэужыгъуи шапхъэм тетэу Тэ къэдгъэшIыгъ!
إِنَّا كُلَّ شَيْءٍ خَلَقْنَاهُ بِقَدَرٍ
50 Тэ тиIуагъэ нэгъэупIэпIэгъум фэдэу заIо.
وَمَا أَمْرُنَا إِلَّا وَاحِدَةٌ كَلَمْحٍ بِالْبَصَرِ
51 Шъо шъуихьащырхэр Тэ дгъэкIодыгъэх. Ащ зыпари егупшысэрэба?
وَلَقَدْ أَهْلَكْنَا أَشْيَاعَكُمْ فَهَلْ مِنْ مُدَّكِرٍ
52 Ахэмэ зэкIэ ашIэрэр мы тхыгъэхэм ащыхэгъэунэфыкIыгъ.
وَكُلُّ شَيْءٍ فَعَلُوهُ فِي الزُّبُرِ
53 Ащ зэкIэ итхагъ: Ин дэдэри цIыкIури.
وَكُلُّ صَغِيرٍ وَكَبِيرٍ مُسْتَطَرٌ
54 Зафэхэр псыхъохэр зыщыкIэчъырэ джэнэтхэм ащыпсэущтых,
إِنَّ الْمُتَّقِينَ فِي جَنَّاتٍ وَنَهَرٍ
55 Шъыпкъэр зыдэщыIэр лъэкIышхо зиIэ Тхьам дэжь.
فِي مَقْعَدِ صِدْقٍ عِنْدَ مَلِيكٍ مُقْتَدِرٍ