Алкэхьыф - الكهف - The Cave

1 Мы тхыгъэр Ежь иIумэт къыфезгъэхыгъэ Алахьым щытхъур ыдэжь, ащ къончагъэ къыдигъэхьагъэп!
بِسْمِ اللَّهِ الرَّحْمَٰنِ الرَّحِيمِ الْحَمْدُ لِلَّهِ الَّذِي أَنْزَلَ عَلَىٰ عَبْدِهِ الْكِتَابَ وَلَمْ يَجْعَلْ لَهُ عِوَجًا ۜ
2 Ежь лъэкIышхо зэриIэр къыуигъэшIэным пае шъыпкъагъэ зыхэлъ тхыгъ, Тхьэр зышIошъ хъухэу шIу зышIэхэрэм тын лъапIэ яIэ зэрэхъущт къэбарымкIэ егъэгушIох,
قَيِّمًا لِيُنْذِرَ بَأْسًا شَدِيدًا مِنْ لَدُنْهُ وَيُبَشِّرَ الْمُؤْمِنِينَ الَّذِينَ يَعْمَلُونَ الصَّالِحَاتِ أَنَّ لَهُمْ أَجْرًا حَسَنًا
3 Ахэр егъашIэм джэнэтым зэрисыщтхэр къареIо;
مَاكِثِينَ فِيهِ أَبَدًا
4 Моущтэу зыIуагъэхэр егъэщынэх: "Алахьым кIэлэцIыкIухэр иIэх".
وَيُنْذِرَ الَّذِينَ قَالُوا اتَّخَذَ اللَّهُ وَلَدًا
5 АщкIэ ахэмэ шIэныгъэ яIэп, ятэхэми ар яIагъэп. Ахэмэ ажэ къыдэкIырэ гущыIэм гунахьышхо хэлъ! Ахэмэ аIорэр пцIы!
مَا لَهُمْ بِهِ مِنْ عِلْمٍ وَلَا لِآبَائِهِمْ ۚ كَبُرَتْ كَلِمَةً تَخْرُجُ مِنْ أَفْوَاهِهِمْ ۚ إِنْ يَقُولُونَ إِلَّا كَذِبًا
6 Мы шIэныгъакIэм шIошъхъуныгъэ шъыпкъэ зэрэфамышIырэм пае ахэмэ язекIуакIэ о гухэкIышхо уегъэшIынкIи хъун.
فَلَعَلَّكَ بَاخِعٌ نَفْسَكَ عَلَىٰ آثَارِهِمْ إِنْ لَمْ يُؤْمِنُوا بِهَٰذَا الْحَدِيثِ أَسَفًا
7 ШъыпкъэмкIэ, ахэмэ ащыщэу изекIуакIэкIэ нахьышIур тыушэтыным пае, зэкIэ чIыгум тетымкIэ ар дгъэкIэрэкIагъэ.
إِنَّا جَعَلْنَا مَا عَلَى الْأَرْضِ زِينَةً لَهَا لِنَبْلُوَهُمْ أَيُّهُمْ أَحْسَنُ عَمَلًا
8 Ащ тетыр зэкIэ Тэ Iошъхьэ хэIэтыкIыгъэу дгъэпсынышъ, зыпари къытемыкIэжьэу тшIыщт.
وَإِنَّا لَجَاعِلُونَ مَا عَلَيْهَا صَعِيدًا جُرُزًا
9 Е гъочIэгъым е Арракъим щыпсэущтыгъэхэр Тэ тищысэ шIагъомэ ащыщэу о къыпшIошIа?
أَمْ حَسِبْتَ أَنَّ أَصْحَابَ الْكَهْفِ وَالرَّقِيمِ كَانُوا مِنْ آيَاتِنَا عَجَبًا
10 Мары, кIэлэ Iэтахъомэ гъочIэгъым зыщагъэбылъи,аIуагъ: "Ярэби я Алахь, уишIушIэ о къытэт, тиIоф занкIэ къытфэшI".
إِذْ أَوَى الْفِتْيَةُ إِلَى الْكَهْفِ فَقَالُوا رَبَّنَا آتِنَا مِنْ لَدُنْكَ رَحْمَةً وَهَيِّئْ لَنَا مِنْ أَمْرِنَا رَشَدًا
11 Ахэмэ атхьакIумэхэр илъэс пчъагъэкIэ Тэ зэфэтшIыгъэх.
فَضَرَبْنَا عَلَىٰ آذَانِهِمْ فِي الْكَهْفِ سِنِينَ عَدَدًا
12 ЦIыф купитIум язэу ахэр гъочIэгъым зэрэчIэлъыгъэхэ уахътэр нахьышIоу къэзылъытэщтыр зэдгъэшIэным пае, ахэр Тэ къэдгъэнэхъэжьыгъэх.
ثُمَّ بَعَثْنَاهُمْ لِنَعْلَمَ أَيُّ الْحِزْبَيْنِ أَحْصَىٰ لِمَا لَبِثُوا أَمَدًا
13 Ахэмэ афэгъэхьыгъэ къэбархэр хьакъым тетэу Тэ къыпфэтIотэщт. Я Тхьэ шIошъхъуныгъэ фызиIэ кIалэхэу ахэр щытыгъэх, гъогу занкIэм фэкIонхэм нахь фаблэхэу Тэ ахэр тшIыгъэх.
نَحْنُ نَقُصُّ عَلَيْكَ نَبَأَهُمْ بِالْحَقِّ ۚ إِنَّهُمْ فِتْيَةٌ آمَنُوا بِرَبِّهِمْ وَزِدْنَاهُمْ هُدًى
14 Ахэр къэтэджхи къызаIом: "Тэ ти Тхьэ уашъомрэ чIыгумрэ я Тхь, Ащ готэу тэ тхьэ горэм ыцIэ къетIощтэп. Тэ ащыгъум гъунапкъэм тикIыщтыгъэ", Тэ ахэмэ агухэр дгъэпытагъэх.
وَرَبَطْنَا عَلَىٰ قُلُوبِهِمْ إِذْ قَامُوا فَقَالُوا رَبُّنَا رَبُّ السَّمَاوَاتِ وَالْأَرْضِ لَنْ نَدْعُوَ مِنْ دُونِهِ إِلَٰهًا ۖ لَقَدْ قُلْنَا إِذًا شَطَطًا
15 Тэ тилъэпкъэгъухэм, Ащ фэшъхьафэу, нэмыкIы тхьэхэр алъытэх. Ахэр зэрэщыIэхэр къагъэшъыпкъэжьхэу къарэгъэлъагъох. Алахьым имыхьакъ езыIуалIэрэм нахь мызафэ мэхъужьа?
هَٰؤُلَاءِ قَوْمُنَا اتَّخَذُوا مِنْ دُونِهِ آلِهَةً ۖ لَوْلَا يَأْتُونَ عَلَيْهِمْ بِسُلْطَانٍ بَيِّنٍ ۖ فَمَنْ أَظْلَمُ مِمَّنِ افْتَرَىٰ عَلَى اللَّهِ كَذِبًا
16 Шъо ахэмэ шъуагокIыгъэмэ, Алахьым фэшъхьафэу ахэмэ шъхьащэ зыфашIыщтыгъэр щыжъугъэзыягъэмэ, гъочIэгъым зыщыжъугъэбылъ, Тхьэм ишIушIэ къышъуфищэищт, шъуиIофкIэ IэпыIэгъу къышъуфигъэхьазырыщт.
وَإِذِ اعْتَزَلْتُمُوهُمْ وَمَا يَعْبُدُونَ إِلَّا اللَّهَ فَأْوُوا إِلَى الْكَهْفِ يَنْشُرْ لَكُمْ رَبُّكُمْ مِنْ رَحْمَتِهِ وَيُهَيِّئْ لَكُمْ مِنْ أَمْرِكُمْ مِرْفَقًا
17 Олъэгъу тыгъэр къыкъокI зыхъукIэ, ахэмэ ягъочIэгъ иджабгъукIэ рекIокIыщтыгъэ, къуахьэ зыхъукIэ, ахэмэ ясэмэгукIэ ябгъукIощтыгъэ,ежьхэр ащ ыгузэгу исыгъэх. Алахьым ищысэтехыпIэмэ ар ащыщ: Алахьыр зыфаер гъогу занкIэ рэкIо, Ащ дигъэхрэм къэзыухъумэни пащэ фэхъуни ыгъотыщтэп.
وَتَرَى الشَّمْسَ إِذَا طَلَعَتْ تَزَاوَرُ عَنْ كَهْفِهِمْ ذَاتَ الْيَمِينِ وَإِذَا غَرَبَتْ تَقْرِضُهُمْ ذَاتَ الشِّمَالِ وَهُمْ فِي فَجْوَةٍ مِنْهُ ۚ ذَٰلِكَ مِنْ آيَاتِ اللَّهِ ۗ مَنْ يَهْدِ اللَّهُ فَهُوَ الْمُهْتَدِ ۖ وَمَنْ يُضْلِلْ فَلَنْ تَجِدَ لَهُ وَلِيًّا مُرْشِدًا
18 Ахэр мэчэфыхэу о уегупшысэ, ау ахэр мэчъыех, Тэ ахэр сэмэгубгъумкIэ джабгъу лъэныкъомкIэ зэпырытэгъазэх, ахэмэ яхьи ылъакъохэр зэкIищхи, пчъэшъхьаIум тырилъхьагъэх, ахэр о плъэгъугъэхэмэ, уащыщынэзэ, кIэпIэжьыни.
وَتَحْسَبُهُمْ أَيْقَاظًا وَهُمْ رُقُودٌ ۚ وَنُقَلِّبُهُمْ ذَاتَ الْيَمِينِ وَذَاتَ الشِّمَالِ ۖ وَكَلْبُهُمْ بَاسِطٌ ذِرَاعَيْهِ بِالْوَصِيدِ ۚ لَوِ اطَّلَعْتَ عَلَيْهِمْ لَوَلَّيْتَ مِنْهُمْ فِرَارًا وَلَمُلِئْتَ مِنْهُمْ رُعْبًا
19 Зым адырэр еупчIыжьыным пае Тэ ахэр къэдгъэхъужьыгъэх. Ахэмэ ащыщ къэупчIагъ: "Сыд фэдизрэ мыщ шъучIэлъыгъа?" Ахэмэ аIуагъ: "Мыщ зы мафэ е мафэм щыщ Iахьэ тыщыIагъ". Ахэмэ аIуагъ: "Шъо мыщ шъузэрэщыIагъэр шъощ нахьышIоу шъуи Тхьэ ешIэ. Джы шъуащыщ горэ мы ахъщэр ыIыгъэу къалэм жъугъакIо, зигъомылэ нахь къабзэм къерэплъ, шъушхыщтым фэдиз къерэхь. Ау шъырытэу орэзекIо, шъо шъуикъэбар зыпарэми рерэмыгъашI.
وَكَذَٰلِكَ بَعَثْنَاهُمْ لِيَتَسَاءَلُوا بَيْنَهُمْ ۚ قَالَ قَائِلٌ مِنْهُمْ كَمْ لَبِثْتُمْ ۖ قَالُوا لَبِثْنَا يَوْمًا أَوْ بَعْضَ يَوْمٍ ۚ قَالُوا رَبُّكُمْ أَعْلَمُ بِمَا لَبِثْتُمْ فَابْعَثُوا أَحَدَكُمْ بِوَرِقِكُمْ هَٰذِهِ إِلَى الْمَدِينَةِ فَلْيَنْظُرْ أَيُّهَا أَزْكَىٰ طَعَامًا فَلْيَأْتِكُمْ بِرِزْقٍ مِنْهُ وَلْيَتَلَطَّفْ وَلَا يُشْعِرَنَّ بِكُمْ أَحَدًا
20 Ахэр шъуадэжь къызыкІохэкІэ, е мыжъохэмкІэ шъуаукІыщт, е ежьхэм ядин шъурагъэхьащт, аущтэу эыхъукІэ, шъо егъашІэрэу насыпышІо шъухъущтэп".
إِنَّهُمْ إِنْ يَظْهَرُوا عَلَيْكُمْ يَرْجُمُوكُمْ أَوْ يُعِيدُوكُمْ فِي مِلَّتِهِمْ وَلَنْ تُفْلِحُوا إِذًا أَبَدًا
21 Алахьым къызэригъэгугъагъэхэр зэрэшъыпкъэр, дунаир зыщыкІодыжьыщт сыхьатым джэнджэш зэрэхэмылъыр ашІэным пае Тэ ахэмэ ар ядгъэшІагъ! Ежьхэм яІофхэмкІэ ахэр зэгокІыгъэхэу зэнэкъокъух, аІуагъ: "Ахэмэ ашъхьагъ унэ горэ ижъугъэуцу. я Тхьэ ахэр анахьышІоу ешІэх". Ахэмэ яІофхэмкІэ апэ итхэм аІуагъ: "Ахэмэ ашъхьагъ мэщыт идгъэуцощт!"
وَكَذَٰلِكَ أَعْثَرْنَا عَلَيْهِمْ لِيَعْلَمُوا أَنَّ وَعْدَ اللَّهِ حَقٌّ وَأَنَّ السَّاعَةَ لَا رَيْبَ فِيهَا إِذْ يَتَنَازَعُونَ بَيْنَهُمْ أَمْرَهُمْ ۖ فَقَالُوا ابْنُوا عَلَيْهِمْ بُنْيَانًا ۖ رَبُّهُمْ أَعْلَمُ بِهِمْ ۚ قَالَ الَّذِينَ غَلَبُوا عَلَىٰ أَمْرِهِمْ لَنَتَّخِذَنَّ عَلَيْهِمْ مَسْجِدًا
22 Ахэмэ аІощт: "Ахэр щы хъущтыгъэх, яплІэнэрэр ахэмэ яхь", джащ фэдэу аІощт: "Тфы, яхэнэрэр ахэмэ яхь", джаущтэу амышІэрэр зэхаІухьэщтыгъэ, аІощтыгъэ: "Блы, яенэрэр ахэмэ яхь". ЯІу: "Сэ си Тхьэ нахьышІоу ешІэ ахэмэ япчъагъэ. Ар зышІэрэр макІэ ныІэп". Зэнэкъокъур занкІэу зэшІохыгъэ мыхъурэмэ, ащ пае ахэмэ о уямынэкъокъу, афэгъэхьыгъэу ишІошІыкІэ хэти ахэмэ ащыщ уемыупчІ.
سَيَقُولُونَ ثَلَاثَةٌ رَابِعُهُمْ كَلْبُهُمْ وَيَقُولُونَ خَمْسَةٌ سَادِسُهُمْ كَلْبُهُمْ رَجْمًا بِالْغَيْبِ ۖ وَيَقُولُونَ سَبْعَةٌ وَثَامِنُهُمْ كَلْبُهُمْ ۚ قُلْ رَبِّي أَعْلَمُ بِعِدَّتِهِمْ مَا يَعْلَمُهُمْ إِلَّا قَلِيلٌ ۗ فَلَا تُمَارِ فِيهِمْ إِلَّا مِرَاءً ظَاهِرًا وَلَا تَسْتَفْتِ فِيهِمْ مِنْهُمْ أَحَدًا
23 Сыд фэгъэхьыгъэуи о сыдигъуи умыІо: "Ар неущ сшІэн.
وَلَا تَقُولَنَّ لِشَيْءٍ إِنِّي فَاعِلٌ ذَٰلِكَ غَدًا
24 Алахьым ыІомэ умыІоу, зыпщыгъупшэжькІэ, уи Тхьэ угу къэгъэкІыжь, Іо: "Сэ мыщ шъыпкъэу сыкъекІугъэшъ, си Тхьэ гъогу занкІэ къысигъэлъэгъункІи мэхъу".
إِلَّا أَنْ يَشَاءَ اللَّهُ ۚ وَاذْكُرْ رَبَّكَ إِذَا نَسِيتَ وَقُلْ عَسَىٰ أَنْ يَهْدِيَنِ رَبِّي لِأَقْرَبَ مِنْ هَٰذَا رَشَدًا
25 Ахэр ягъочІэгъ илъэс шъищэ чІэсыгъэх, ащ илъэсибгъу хагъэхъожьыгъ.
وَلَبِثُوا فِي كَهْفِهِمْ ثَلَاثَ مِائَةٍ سِنِينَ وَازْدَادُوا تِسْعًا
26 ЯІу: "Ахэр зэрэчІэсыгъэхэм ибагъэ Алахьым нахьышІоу ешІэ. Уашъоми чІыгуми шъэфэу яІэр Ащ ешІэ. Ащ нафэу зэрилъэгъурэр, Ащ нафэу зэрэзэхихрэр! Ахэмэ яІэп Ащ фэшъхьаф ІэпыІэгъу къафэхъун, Ащ рихъухьэхэрэмкІэ зыпари зыгуигъэуцорэп".
قُلِ اللَّهُ أَعْلَمُ بِمَا لَبِثُوا ۖ لَهُ غَيْبُ السَّمَاوَاتِ وَالْأَرْضِ ۖ أَبْصِرْ بِهِ وَأَسْمِعْ ۚ مَا لَهُمْ مِنْ دُونِهِ مِنْ وَلِيٍّ وَلَا يُشْرِكُ فِي حُكْمِهِ أَحَدًا
27 Уи Тхьэ итхыгъэ щыщэу о къыпфызэІухыгъэм къедж, Ащ игущыІэхэр зэблэзыхъун щыІэп. Ащ фэшъхьафэу укъэзыухъумэн о сыдигъуи бгъотыщтэп.
وَاتْلُ مَا أُوحِيَ إِلَيْكَ مِنْ كِتَابِ رَبِّكَ ۖ لَا مُبَدِّلَ لِكَلِمَاتِهِ وَلَنْ تَجِدَ مِنْ دُونِهِ مُلْتَحَدًا
28 Ащ ынапэ кІэхъопсыхэу я Тхьэ пчэдыжьрэ пчыхьэрэ елъэІухэрэм ренэу апэблагъэу щыт, ахэмэ уинэплъэгъу атемых, гъэшІэ Іахьым идэхагъэ зыдебгъэхьыхэу, Тэ агу тыкъэкІыным емыгугъынэу Тэ тшІыгъэхэм, ежь яшІоигъоныгъэ дихьыхыгъэхэм, зиІофхэм лыягъэ хэлъхэм уафэмыІорышІ.
وَاصْبِرْ نَفْسَكَ مَعَ الَّذِينَ يَدْعُونَ رَبَّهُمْ بِالْغَدَاةِ وَالْعَشِيِّ يُرِيدُونَ وَجْهَهُ ۖ وَلَا تَعْدُ عَيْنَاكَ عَنْهُمْ تُرِيدُ زِينَةَ الْحَيَاةِ الدُّنْيَا ۖ وَلَا تُطِعْ مَنْ أَغْفَلْنَا قَلْبَهُ عَنْ ذِكْرِنَا وَاتَّبَعَ هَوَاهُ وَكَانَ أَمْرُهُ فُرُطًا
29 ЯІу: "Шъыпкъэр шъуи Тхьэ дэжь къекІы. Фаем шІошъхъуныгъэ ышІыщт, фаер джаур хъущт". Зэфагъэ зыхэмылъхэм Тэ афэдгъэхьазырыгъэр машІо, ащ щатырэм фэдэу ахэр къыухъурэяхьыщтых, ау ахэр ІэпыІэгъу къыкІэлъэІухэмэ, псынкІэу ІэпыІэгъу афэхъущтых, ау ар нэгур кІэзыстыкІрэ гъучІ гъэткІугъэм фэдэщт. Шъоныпс хьэзаб, шъхьэегъэзыпІэ дэй!
وَقُلِ الْحَقُّ مِنْ رَبِّكُمْ ۖ فَمَنْ شَاءَ فَلْيُؤْمِنْ وَمَنْ شَاءَ فَلْيَكْفُرْ ۚ إِنَّا أَعْتَدْنَا لِلظَّالِمِينَ نَارًا أَحَاطَ بِهِمْ سُرَادِقُهَا ۚ وَإِنْ يَسْتَغِيثُوا يُغَاثُوا بِمَاءٍ كَالْمُهْلِ يَشْوِي الْوُجُوهَ ۚ بِئْسَ الشَّرَابُ وَسَاءَتْ مُرْتَفَقًا
30 Шъыпкъэ дэдэмкІэ, шІошъхъуныгъэ шъыпкъэ зышІыгъэхэу, шІу зышІэщтыгъэхэр, ІофышІу зышІэщтыгъэхэм ятынхэр Тэ дгъэкІодыщтхэп.
إِنَّ الَّذِينَ آمَنُوا وَعَمِلُوا الصَّالِحَاتِ إِنَّا لَا نُضِيعُ أَجْرَ مَنْ أَحْسَنَ عَمَلًا
31 Ахэмэ апай егъэшІэрэ псыхъохэр зыщычъэхэрэ джэнэтхэр, ахэмэ ащ дышъэ ІэхъухэмкІэ зыщагъэкІэрэкІэщт, уцышъо щыгъынхэу алътэсым, дэнэ Іужъоу тыжьынрэ дышъэрэ зыхэдагъэхэр зыщалъэщтых, тахътэ тІысыпІэмэ атесыщтых. Тын лъапІ, шъхьэегъэзыпІэ дэгъу!
أُولَٰئِكَ لَهُمْ جَنَّاتُ عَدْنٍ تَجْرِي مِنْ تَحْتِهِمُ الْأَنْهَارُ يُحَلَّوْنَ فِيهَا مِنْ أَسَاوِرَ مِنْ ذَهَبٍ وَيَلْبَسُونَ ثِيَابًا خُضْرًا مِنْ سُنْدُسٍ وَإِسْتَبْرَقٍ مُتَّكِئِينَ فِيهَا عَلَى الْأَرَائِكِ ۚ نِعْمَ الثَّوَابُ وَحَسُنَتْ مُرْتَفَقًا
32 Гъэсэпэтхыдэу нэбгыритІу ахэмэ къафэхь. Зым Тэ сэнэшъхьэ хэтитІу хъурмэ чъыгхэр къякІокІыхэу фэтшІыгъ, ахэмэ азфагу лэжьыгъэкІуапІэхэр дэтыщтых,
وَاضْرِبْ لَهُمْ مَثَلًا رَجُلَيْنِ جَعَلْنَا لِأَحَدِهِمَا جَنَّتَيْنِ مِنْ أَعْنَابٍ وَحَفَفْنَاهُمَا بِنَخْلٍ وَجَعَلْنَا بَيْنَهُمَا زَرْعًا
33 ХэтитІуми пхъэшъхьэ=мышъхьэхэр къатыгъэх, ахэмэ ащыщ зыпари дгъэкІодыгъэп. Ахэмэ азфагу Тэ псыхъо рытщагъ.
كِلْتَا الْجَنَّتَيْنِ آتَتْ أُكُلَهَا وَلَمْ تَظْلِمْ مِنْهُ شَيْئًا ۚ وَفَجَّرْنَا خِلَالَهُمَا نَهَرًا
34 Ащ пхъэшъхьэ=мышъхьэхэр иІагъэх, ащ къыдэгущыІэщтыгъэ ныбджэгъум риІуагъ: "Сэ ощ нахьи мылъкукІэ сынахь бай, бынымкІи сынахь насыпышІу".
وَكَانَ لَهُ ثَمَرٌ فَقَالَ لِصَاحِبِهِ وَهُوَ يُحَاوِرُهُ أَنَا أَكْثَرُ مِنْكَ مَالًا وَأَعَزُّ نَفَرًا
35 Ежь=ежьырэу шъхьакІо зэрихыжьи, ар ихатэ дэхьагъ, ыІуагъ: " Мыр зэгорэм кІодынэу къысшІошІрэп.
وَدَخَلَ جَنَّتَهُ وَهُوَ ظَالِمٌ لِنَفْسِهِ قَالَ مَا أَظُنُّ أَنْ تَبِيدَ هَٰذِهِ أَبَدًا
36 Ащ фэдэ уахътэ къэкІонэу сегупшысэрэп. Сэ си Тхьэ дэжь згъэзэжьынэу хъумэ, мыщ ычІыпІэ ащ нахьышІу къыщысатыщт".
وَمَا أَظُنُّ السَّاعَةَ قَائِمَةً وَلَئِنْ رُدِدْتُ إِلَىٰ رَبِّي لَأَجِدَنَّ خَيْرًا مِنْهَا مُنْقَلَبًا
37 Ащ къыдэгущыІэзэ, иныбджэгъу къыриІуагъ: "О сапэм ухэзышІыкІыгъэм, етІанэ хъопсащэм, етІанэ цІыф теплъэ озгъэгъотыгъэм шІошъхъуныгъэ шъыпкъэ фыуимыІэнэуи?
قَالَ لَهُ صَاحِبُهُ وَهُوَ يُحَاوِرُهُ أَكَفَرْتَ بِالَّذِي خَلَقَكَ مِنْ تُرَابٍ ثُمَّ مِنْ نُطْفَةٍ ثُمَّ سَوَّاكَ رَجُلًا
38 Ау Алахьыр си Тхьэ, си Тхьэ зыпари гозгъэуцорэп!
لَٰكِنَّا هُوَ اللَّهُ رَبِّي وَلَا أُشْرِكُ بِرَبِّي أَحَدًا
39 О уичъыг хатэ узыдахьэм, пІуагъэмэ: "Алахьым зэрэшІоигъу, Алахьым цІыфым кІуачІэ къыхелъхьэ". Сэ мылъкукІи кІалэхэмкІи ощ нахьи сынахь тхьамыкІэу сыолъэгъуми,
وَلَوْلَا إِذْ دَخَلْتَ جَنَّتَكَ قُلْتَ مَا شَاءَ اللَّهُ لَا قُوَّةَ إِلَّا بِاللَّهِ ۚ إِنْ تَرَنِ أَنَا أَقَلَّ مِنْكَ مَالًا وَوَلَدًا
40 Сэ си Тхьэ уичъыг хатэ нахьи нахьышІу къыситынкІи мэхъу, о уичъыг хатэ зыгъэкІодын уашъом къыфыригъэхынышъ, ар чІыгу джашъоу къэнэн,
فَعَسَىٰ رَبِّي أَنْ يُؤْتِيَنِ خَيْرًا مِنْ جَنَّتِكَ وَيُرْسِلَ عَلَيْهَا حُسْبَانًا مِنَ السَّمَاءِ فَتُصْبِحَ صَعِيدًا زَلَقًا
41 Е псыр чІыгум чІэхьажьынышъ, о сыд пшІагъэкІи къыфэгъотыжьынэп".
أَوْ يُصْبِحَ مَاؤُهَا غَوْرًا فَلَنْ تَسْتَطِيعَ لَهُ طَلَبًا
42 Чъыг хатэм къыпыкІагъэр зэкІэ кІодыгъэ, джы ар лъапсэу иІагъэм нэсэу унэхъугъэу, ащ тыригъэкІодагъэм пае ыІэхэр зэриутэкІэу ригъэжьагъ, еІо: "Сэ си Тхьэ зыпари госымыгъэуцощтыгъэмэ!"
وَأُحِيطَ بِثَمَرِهِ فَأَصْبَحَ يُقَلِّبُ كَفَّيْهِ عَلَىٰ مَا أَنْفَقَ فِيهَا وَهِيَ خَاوِيَةٌ عَلَىٰ عُرُوشِهَا وَيَقُولُ يَا لَيْتَنِي لَمْ أُشْرِكْ بِرَبِّي أَحَدًا
43 Алахьым фэшъхьафэу ащ къыдеІэн купи иІагъэп, зыухъумэни щыІагъэп.
وَلَمْ تَكُنْ لَهُ فِئَةٌ يَنْصُرُونَهُ مِنْ دُونِ اللَّهِ وَمَا كَانَ مُنْتَصِرًا
44 Олъэгъу: Алахь закъор ары укъэзгъэнэжьыщтыр. Ар къыотэнымкІи кІэух пфэхъущтымкІи нахьышІу.
هُنَالِكَ الْوَلَايَةُ لِلَّهِ الْحَقِّ ۚ هُوَ خَيْرٌ ثَوَابًا وَخَيْرٌ عُقْبًا
45 ГъэшІэ Іахьыр зыфэдэр ахэмэ ягъэлъэгъу. Ар псэу уашъом къедгъэхрэм фэд; чІыгум тет уцхэр ащ хэкІухьэхэшъ, жьыбгъэм зэрихьэрэ хэкІ гъушъэ мэхъужьых. Алахьым ыІэ къимыхьан щыІэп!
وَاضْرِبْ لَهُمْ مَثَلَ الْحَيَاةِ الدُّنْيَا كَمَاءٍ أَنْزَلْنَاهُ مِنَ السَّمَاءِ فَاخْتَلَطَ بِهِ نَبَاتُ الْأَرْضِ فَأَصْبَحَ هَشِيمًا تَذْرُوهُ الرِّيَاحُ ۗ وَكَانَ اللَّهُ عَلَىٰ كُلِّ شَيْءٍ مُقْتَدِرًا
46 Баиныгъэмрэ кІалэхэмрэ гъэшІэ Іахьым игъэдэхалъэх, ау мыкІодыжьыщтыр уи Тхьэ ыпашъхьэ ІофышІоу щыпшІэхэрэр ары, ахэр тыными гугъапІэми анахьышІух.
الْمَالُ وَالْبَنُونَ زِينَةُ الْحَيَاةِ الدُّنْيَا ۖ وَالْبَاقِيَاتُ الصَّالِحَاتُ خَيْرٌ عِنْدَ رَبِّكَ ثَوَابًا وَخَيْرٌ أَمَلًا
47 А мафэм Тэ къушъхьэхэр ячІыпІэ зидгъэкощыкІыхэкІэ, чІыгур зэныбжь зэрэхъущтыр плъэгъущт. Тэ ахэр тыугъоижьыщтых, ахэмэ ащыщ зыпари къэдгъэнэщтэп.
وَيَوْمَ نُسَيِّرُ الْجِبَالَ وَتَرَى الْأَرْضَ بَارِزَةً وَحَشَرْنَاهُمْ فَلَمْ نُغَادِرْ مِنْهُمْ أَحَدًا
48 Уи Тхьэ ыпашъхьэ ахэр сатырэу зэготхэу рагъэуцощтых. Апэрэу тэ шъукъызэрэдгъэхъугъэм шъутетэу, тадэжь шъукъэкІожьыгъ. Охътэ гъэнэфагъэ шъуфэтымыгъэуцущтэу шъорыба зыІощтыгъэр.
وَعُرِضُوا عَلَىٰ رَبِّكَ صَفًّا لَقَدْ جِئْتُمُونَا كَمَا خَلَقْنَاكُمْ أَوَّلَ مَرَّةٍ ۚ بَلْ زَعَمْتُمْ أَلَّنْ نَجْعَلَ لَكُمْ مَوْعِدًا
49 Тхылъыр арагъэлъэгъущт, псэкІодшІэгъабэ зиІэхэр ащ итым ыгъэщтагъэхэу плъэгъущт. Ахэмэ аІо: "Тэ Тхьэр къытэуагъ, ар сыд тхылъа, цІыкІуи ини ащ дэмытхагъэ къэнагъэп!" ЗэкІэ ашІагъэр ахэмэ нэрлъэгъу афэхъужьыгъ. Уи Тхьэ зыпарэми ыгу хигъэкІрэп!
وَوُضِعَ الْكِتَابُ فَتَرَى الْمُجْرِمِينَ مُشْفِقِينَ مِمَّا فِيهِ وَيَقُولُونَ يَا وَيْلَتَنَا مَالِ هَٰذَا الْكِتَابِ لَا يُغَادِرُ صَغِيرَةً وَلَا كَبِيرَةً إِلَّا أَحْصَاهَا ۚ وَوَجَدُوا مَا عَمِلُوا حَاضِرًا ۗ وَلَا يَظْلِمُ رَبُّكَ أَحَدًا
50 Тэ мэлаІичмэ ятІуагъ: "Адамэ шъхьащэ фэшъушІ!" Иблыс фэшъхьафрэ, ахэмэ шъхьащэ фашІыгъ. Ар джынэмэ ащыщыгъ, и Тхьэ игъогу дэхыгъ. Сэ счІыпІэкІэ ащ къытекІыгъэхэр ухъумакІохэу шъуштэнхэуи. ШъоркІэ ахэр пыих. ЗэфэнчъэхэмкІэ ар зэблэхъукІэ дэй!
وَإِذْ قُلْنَا لِلْمَلَائِكَةِ اسْجُدُوا لِآدَمَ فَسَجَدُوا إِلَّا إِبْلِيسَ كَانَ مِنَ الْجِنِّ فَفَسَقَ عَنْ أَمْرِ رَبِّهِ ۗ أَفَتَتَّخِذُونَهُ وَذُرِّيَّتَهُ أَوْلِيَاءَ مِنْ دُونِي وَهُمْ لَكُمْ عَدُوٌّ ۚ بِئْسَ لِلظَّالِمِينَ بَدَلًا
51 Уашъомрэ чІыгумрэ сэ къызысэгъэшІхэм е ежьхэр къызысэгъэхъужьхэм, ахэр шыхьатэу сштэгъагъэхэп. Гъогум дэзгъэхыхэрэр Сэ ІэпыІэгъу зыфэсшІыжьхэрэп.
مَا أَشْهَدْتُهُمْ خَلْقَ السَّمَاوَاتِ وَالْأَرْضِ وَلَا خَلْقَ أَنْفُسِهِمْ وَمَا كُنْتُ مُتَّخِذَ الْمُضِلِّينَ عَضُدًا
52 А мафэм Ащ ыІощт: "Сэ сигъусэхэу шъулъытэщтыгъэхэм шъуялъэІу". Ахэмэ къяджагъэх, ау джэуап къаратыжьыгъэп, ахэр зыдэкІодэщтхэ тІокІэ куур азфагу дэтлъхьащт.
وَيَوْمَ يَقُولُ نَادُوا شُرَكَائِيَ الَّذِينَ زَعَمْتُمْ فَدَعَوْهُمْ فَلَمْ يَسْتَجِيبُوا لَهُمْ وَجَعَلْنَا بَيْنَهُمْ مَوْبِقًا
53 ПсэкІодшІэгъабэ зиІэхэм джэхьнэм машІор алъэгъугъ, ащ зэрэхэфэщтхэм егупшысагъэх. Ащ щызыухъумэнхэ агъотыгъэп.
وَرَأَى الْمُجْرِمُونَ النَّارَ فَظَنُّوا أَنَّهُمْ مُوَاقِعُوهَا وَلَمْ يَجِدُوا عَنْهَا مَصْرِفًا
54 Мы КъурІаным цІыфмэ апае Тэ гъэсэпэтхыдэ зэфэшъхьафхэр къыщытхьыгъэх, ау нахьыбэмкІэ цІыфыр нэкъокъоным фэкъаигъ!
وَلَقَدْ صَرَّفْنَا فِي هَٰذَا الْقُرْآنِ لِلنَّاسِ مِنْ كُلِّ مَثَلٍ ۚ وَكَانَ الْإِنْسَانُ أَكْثَرَ شَيْءٍ جَدَلًا
55 Мы цІыфхэр гъогу занкІэм рыкІонхэу унашъо къызыфэкІуагъэм, я Тхьэ къафигъэгъунэу елъэІунхэу зыхъугъэхэм ыуж шІошъхъуныгъэ шъыпкъэ ашІынымкІэ сыда пэрыохъу къафэхъурэр? Нахьыпэм щыІэгъэ цІыфхэм къяхъулІагъэр къяхъулІэнэу фаеха е зэкІэмэ янэрлъэгъоу агъэпщынэхэ ашІоигъуа?
وَمَا مَنَعَ النَّاسَ أَنْ يُؤْمِنُوا إِذْ جَاءَهُمُ الْهُدَىٰ وَيَسْتَغْفِرُوا رَبَّهُمْ إِلَّا أَنْ تَأْتِيَهُمْ سُنَّةُ الْأَوَّلِينَ أَوْ يَأْتِيَهُمُ الْعَذَابُ قُبُلًا
56 Къэбар гушІуагъо, щынагъо амыхьэу Тэ лІыкІохэр дгъэкІогъагъэхэп. Джаурмэ язэнэкъокъукІэ шъыпкъэр пцІыкІэ ракІы ашІоигьу, Тэ ти Іэятэ къэгъэшъыпкъагъэхэри зэрэдгъэщынэхэри дэхьащхын ашІыгъэх.
وَمَا نُرْسِلُ الْمُرْسَلِينَ إِلَّا مُبَشِّرِينَ وَمُنْذِرِينَ ۚ وَيُجَادِلُ الَّذِينَ كَفَرُوا بِالْبَاطِلِ لِيُدْحِضُوا بِهِ الْحَقَّ ۖ وَاتَّخَذُوا آيَاتِي وَمَا أُنْذِرُوا هُزُوًا
57 Ахэмэ я Тхьэ иІэятэ къэгъэшъыпкъагъэхэр араІохэ зыхъукІэ, акІыб къафэзгъазэхэу, нахьыпэкІэ аІэхэм ашІэщтыгъэр зыщыгъупшэжьхэрэм анахь псэкІодышІэ мэхъужьа? Ахэмэ КъурІаныр къагурымыІоным пае агухэм Тэ техъон афэтшІыгъ, атхьакІумэхэр дэгу тшІыгъэх. Гъогу занкІэ рыкІонхэу ахэмэ узяджэкІэ, гъогур сыдигъуи ахэмэ къагъотыщтэп.
وَمَنْ أَظْلَمُ مِمَّنْ ذُكِّرَ بِآيَاتِ رَبِّهِ فَأَعْرَضَ عَنْهَا وَنَسِيَ مَا قَدَّمَتْ يَدَاهُ ۚ إِنَّا جَعَلْنَا عَلَىٰ قُلُوبِهِمْ أَكِنَّةً أَنْ يَفْقَهُوهُ وَفِي آذَانِهِمْ وَقْرًا ۖ وَإِنْ تَدْعُهُمْ إِلَى الْهُدَىٰ فَلَنْ يَهْتَدُوا إِذًا أَبَدًا
58 Уи Тхьэ къыпфегъэгъу, гукІэгъушІэныр ыІэ илъ, ахэмэ зыфашІэжьыгъэм пае ыгъэпщынэнхэу Ар фэягъэмэ, ахэр псынкІэу Ащ ыгъэпщынэнхи. Ау пІэлъэ гъэнэфагъэ яІ, сыдигъуи Ащ фэшъхьаф шъхьэегъэзыпІэ ахэмэ агъотыщтэп.
وَرَبُّكَ الْغَفُورُ ذُو الرَّحْمَةِ ۖ لَوْ يُؤَاخِذُهُمْ بِمَا كَسَبُوا لَعَجَّلَ لَهُمُ الْعَذَابَ ۚ بَلْ لَهُمْ مَوْعِدٌ لَنْ يَجِدُوا مِنْ دُونِهِ مَوْئِلًا
59 А къуаджэхэри зэфэнчъэ зэхъухэм, Тэ дгъэкІодыгъэх, ахэр дгъэкІодынхэм пае пІэлъэ гъэнэфагъэ дгъэуцугъэ.
وَتِلْكَ الْقُرَىٰ أَهْلَكْنَاهُمْ لَمَّا ظَلَمُوا وَجَعَلْنَا لِمَهْلِكِهِمْ مَوْعِدًا
60 Мары, зэгорэм Мосэ иІофышІэ кІалэм риІуагъ: "Илъэс тІокІиплІэ сыкІонэу хъугъэми хитІу зыщызэхэлъэдэжьрэм сынэмысэу сыуцущтэп.
وَإِذْ قَالَ مُوسَىٰ لِفَتَاهُ لَا أَبْرَحُ حَتَّىٰ أَبْلُغَ مَجْمَعَ الْبَحْرَيْنِ أَوْ أَمْضِيَ حُقُبًا
61 Хыхэр зыщызэхэлъэдэжьрэм ахэр зынэсхэм, япцэжъые ащыгъупшэжьыгъ, ащ игъогу шъхьафитэу хым фигъэзагъ.
فَلَمَّا بَلَغَا مَجْمَعَ بَيْنِهِمَا نَسِيَا حُوتَهُمَا فَاتَّخَذَ سَبِيلَهُ فِي الْبَحْرِ سَرَبًا
62 Ахэр къызэсыхэм, иІофышІэ риІуагъ: "Типчэдыжьышхэ къаштэ, гъогум тытепшъыхьагъ".
فَلَمَّا جَاوَزَا قَالَ لِفَتَاهُ آتِنَا غَدَاءَنَا لَقَدْ لَقِينَا مِنْ سَفَرِنَا هَٰذَا نَصَبًا
63 Ащ ыІуагъ: "ОшІэба, къушъхьэ цакІэм дэжь тыкъызщэуцум, пцэжъыер сщыгъупшагъ. Сэ сыгу къэмыкІыжьыным пае шэйтаным ар сщигъэгъупшагъ, ащ гъэшІэгъонэу хымкІэ игъогу ыгъэзагъ".
قَالَ أَرَأَيْتَ إِذْ أَوَيْنَا إِلَى الصَّخْرَةِ فَإِنِّي نَسِيتُ الْحُوتَ وَمَا أَنْسَانِيهُ إِلَّا الشَّيْطَانُ أَنْ أَذْكُرَهُ ۚ وَاتَّخَذَ سَبِيلَهُ فِي الْبَحْرِ عَجَبًا
64 Ащ ыІуагъ: "Тэ ары тшІоигъуагъэр". Ялъэужхэм къарыкІожьхэзэ, нэбгыритІуми къагъэзэжьыгъ.
قَالَ ذَٰلِكَ مَا كُنَّا نَبْغِ ۚ فَارْتَدَّا عَلَىٰ آثَارِهِمَا قَصَصًا
65 Тэ тиІумэтхэм ащыщ ахэмэ къагъотыгъ. Тэ ащ тигукІэгъушІэ еттыгъагъ, Тэ тишІэныгъэ едгъэшІагъ.
فَوَجَدَا عَبْدًا مِنْ عِبَادِنَا آتَيْنَاهُ رَحْمَةً مِنْ عِنْدِنَا وَعَلَّمْنَاهُ مِنْ لَدُنَّا عِلْمًا
66 Ащ Мосэ риІуагъ: "О гъогу занкІэм фэгъэхьыгъэу къыуаІуагъэр сэбгъэшІэным пае уауж сыкъырырэкІуа?
قَالَ لَهُ مُوسَىٰ هَلْ أَتَّبِعُكَ عَلَىٰ أَنْ تُعَلِّمَنِ مِمَّا عُلِّمْتَ رُشْدًا
67 Ащ ыІуагъ: "О усигъусэмэ, фэщэІэщтэп.
قَالَ إِنَّكَ لَنْ تَسْتَطِيعَ مَعِيَ صَبْرًا
68 ШІэныгъэ зыфыуимыІэр сыдэущтэу фэщэІэна?"
وَكَيْفَ تَصْبِرُ عَلَىٰ مَا لَمْ تُحِطْ بِهِ خُبْرًا
69 Ащ ыІуагъ: "Алахьыр фаемэ, щэІагъэ схэлъэу сыбгъотыщт, уиунашъо горэм сыдэхыщтэп".
قَالَ سَتَجِدُنِي إِنْ شَاءَ اللَّهُ صَابِرًا وَلَا أَعْصِي لَكَ أَمْرًا
70 Ащ ыІуагъ: "О сауж укъызырыкІокІэ, сэ угу къэсэмыгъэкІыжьыфэ сыд лІэужыгъуи укъыкІэмыупчІ".
قَالَ فَإِنِ اتَّبَعْتَنِي فَلَا تَسْأَلْنِي عَنْ شَيْءٍ حَتَّىٰ أُحْدِثَ لَكَ مِنْهُ ذِكْرًا
71 Ахэр ежьагъэх, къухьэм исхэ зэхъум, адырэм ащ гъуанэ фишІыгъ. Ащ риІуагъ: "Мыщ исхэр чІебгъэхьанхэм пае гъуанэ фэпшІыгъа? О къэшІэгъуаеу узекІуагъ!"
فَانْطَلَقَا حَتَّىٰ إِذَا رَكِبَا فِي السَّفِينَةِ خَرَقَهَا ۖ قَالَ أَخَرَقْتَهَا لِتُغْرِقَ أَهْلَهَا لَقَدْ جِئْتَ شَيْئًا إِمْرًا
72 Ащ ыІуагъ: "Сэ къыосІуагъэба усигъусэнкІэ о щэІагъэр зэрэпфимыкъущтыр?"
قَالَ أَلَمْ أَقُلْ إِنَّكَ لَنْ تَسْتَطِيعَ مَعِيَ صَبْرًا
73 Ащ ыІуагъ: "Сщыгъупшагъэм пае укъысэмыгый, хьылъэ дэди къыстемылъхь!"
قَالَ لَا تُؤَاخِذْنِي بِمَا نَسِيتُ وَلَا تُرْهِقْنِي مِنْ أَمْرِي عُسْرًا
74 Ащ ыуж ахэр кІалэм ІокІэфэхэ кІуагъэх, адырэм ар ыукІыгъ. Ащ ыІуагъ: "УкІ зытемылъэу, цІыф хыер сыд пае уукІыгъа? О жъалымэу узекІуагъ!"
فَانْطَلَقَا حَتَّىٰ إِذَا لَقِيَا غُلَامًا فَقَتَلَهُ قَالَ أَقَتَلْتَ نَفْسًا زَكِيَّةً بِغَيْرِ نَفْسٍ لَقَدْ جِئْتَ شَيْئًا نُكْرًا
75 Ащ ыІуагъ: "Сэ усигъусэмэ, щэІагъэ къыпхэфэн зэрэмылъэкІыщтыр къыосІогъагъэба?"
قَالَ أَلَمْ أَقُلْ لَكَ إِنَّكَ لَنْ تَسْتَطِيعَ مَعِيَ صَبْرًا
76 Ащ ыIуагъ: "Мыщ ыуж сыд лIэужыгъо фэгъэхьыгъэми сыкъызыоупчIыкIэ, гъогогъу сызфэмышIыжь: Джыри зэ къысфэгъэгъу".
قَالَ إِنْ سَأَلْتُكَ عَنْ شَيْءٍ بَعْدَهَا فَلَا تُصَاحِبْنِي ۖ قَدْ بَلَغْتَ مِنْ لَدُنِّي عُذْرًا
77 Ащ ыуж нэбгыритІур къуаджэ горэм нэсыфэхэ кІуагъэх, щыпсэухэрэм шхын къаратынэу ялъэІугъэх, ау ахьакІэнхэу фэягъэхэп. Ахэмэ дэпкъ горэ къызэхэфэнэу ежьагъэр алъэгъугъ, игъусэ ар ыгъэцэкІэжьыгъ. Ащ ыІуагъ: "О уфэягъэмэ, ащ тефэрэ уасэр къыуатыни".
فَانْطَلَقَا حَتَّىٰ إِذَا أَتَيَا أَهْلَ قَرْيَةٍ اسْتَطْعَمَا أَهْلَهَا فَأَبَوْا أَنْ يُضَيِّفُوهُمَا فَوَجَدَا فِيهَا جِدَارًا يُرِيدُ أَنْ يَنْقَضَّ فَأَقَامَهُ ۖ قَالَ لَوْ شِئْتَ لَاتَّخَذْتَ عَلَيْهِ أَجْرًا
78 Ащ ыІуагъ: "Орырэ сэрырэ мы чІыпІэм тыщызэгокІы. О щэІагъэ къызэрэпхэмыфагъэм мэхьанэу иІэр къыосІощт.
قَالَ هَٰذَا فِرَاقُ بَيْنِي وَبَيْنِكَ ۚ سَأُنَبِّئُكَ بِتَأْوِيلِ مَا لَمْ تَسْتَطِعْ عَلَيْهِ صَبْرًا
79 Къухьэм фэгъэхьыгъэр армэ, ар хым щылэжьэрэ тхьамыкІэмэ яягъ. Ар сэ зэщызгъэкъоным сыфэягъ, сыда пІомэ, къухьэхэр зэкІэ лІыгъэкІэ аІызыхырэ пачъыхьэр ахэмэ акІыб дэтыгъ.
أَمَّا السَّفِينَةُ فَكَانَتْ لِمَسَاكِينَ يَعْمَلُونَ فِي الْبَحْرِ فَأَرَدْتُ أَنْ أَعِيبَهَا وَكَانَ وَرَاءَهُمْ مَلِكٌ يَأْخُذُ كُلَّ سَفِينَةٍ غَصْبًا
80 Шъэожъыем фэгъэхьыгъэр армэ, ащ янэ=ятэхэм Тхьэр ашІошъ хъоу щытыгъэ, мыдэІоныгъэрэ шІошъмыхъуныгъэрэ ащ пахыным тэ тыщыщтагъ.
وَأَمَّا الْغُلَامُ فَكَانَ أَبَوَاهُ مُؤْمِنَيْنِ فَخَشِينَا أَنْ يُرْهِقَهُمَا طُغْيَانًا وَكُفْرًا
81 Тхьэм ащ ычІыпІэ нахьышІоу, нахь къабзэу, гукІэгъу хэлъэу къо къаритыным тэ тыфэягъ.
فَأَرَدْنَا أَنْ يُبْدِلَهُمَا رَبُّهُمَا خَيْرًا مِنْهُ زَكَاةً وَأَقْرَبَ رُحْمًا
82 Дэпкъыр къуаджэм щыщ шъэожъые ибитІу яягъ, ахэмэ апае ащ ычІэгъ мылъку чІэтІагъэ чІэлъыгъ, ахэмэ ятэ диныр ышІошъ хъущтыгъ, ахэмэ аныбжь икъуни, чІэтІагъэр уи Тхьэ ишІушІэ хэлъэу къычІахыжьыным уи Тхьэ фэягъ. Сэ зэрисхъухьагъэу ар сшІагъэп. О пфэмыщыІагъэм джары къэбарэу пылъыр".
وَأَمَّا الْجِدَارُ فَكَانَ لِغُلَامَيْنِ يَتِيمَيْنِ فِي الْمَدِينَةِ وَكَانَ تَحْتَهُ كَنْزٌ لَهُمَا وَكَانَ أَبُوهُمَا صَالِحًا فَأَرَادَ رَبُّكَ أَنْ يَبْلُغَا أَشُدَّهُمَا وَيَسْتَخْرِجَا كَنْزَهُمَا رَحْمَةً مِنْ رَبِّكَ ۚ وَمَا فَعَلْتُهُ عَنْ أَمْرِي ۚ ذَٰلِكَ تَأْوِيلُ مَا لَمْ تَسْطِعْ عَلَيْهِ صَبْرًا
83 БжъэкъуитІу зытетым фэгъэхьыгъэу ахэр о къыоупчІых. ЯІу: "Ащ фэгъэхьыгъэу сэ гукъэкІыжьхэм сакъышъуфеджэщт".
وَيَسْأَلُونَكَ عَنْ ذِي الْقَرْنَيْنِ ۖ قُلْ سَأَتْلُو عَلَيْكُمْ مِنْهُ ذِكْرًا
84 Тэ ащ мы чІыгум лъэкІышхо щедгъэгъотыгъ, зэкІэмэ якІурэ гъогу едгъэгъотыгъ,
إِنَّا مَكَّنَّا لَهُ فِي الْأَرْضِ وَآتَيْنَاهُ مِنْ كُلِّ شَيْءٍ سَبَبًا
85 Ар зы гъогу рыкІуагъ.
فَأَتْبَعَ سَبَبًا
86 Ар тыгъэ къохьапІэм зынэсым, мэ Іае зыхэурэ псынэкІэчъым дэжь ар щыкъохьажьэу ылъэгъугъ, ащ дэжь цІыфхэр Іутыгъэх. Тэ тІуагъэ: "О БжъэкъуитІу, е о бгъэпщынэщтых е шІу афэпшІэщт".
حَتَّىٰ إِذَا بَلَغَ مَغْرِبَ الشَّمْسِ وَجَدَهَا تَغْرُبُ فِي عَيْنٍ حَمِئَةٍ وَوَجَدَ عِنْدَهَا قَوْمًا ۗ قُلْنَا يَا ذَا الْقَرْنَيْنِ إِمَّا أَنْ تُعَذِّبَ وَإِمَّا أَنْ تَتَّخِذَ فِيهِمْ حُسْنًا
87 Ащ ыІуагъ: "Мызафэр тэ дгъэпщынэщт, етІанэ ар ежь и Тхьэ дэжь ыгъэзэжьыгъэ хъущт, Ащ пщынэжь хьылъэкІэ ар ыгъэпщынэщт.
قَالَ أَمَّا مَنْ ظَلَمَ فَسَوْفَ نُعَذِّبُهُ ثُمَّ يُرَدُّ إِلَىٰ رَبِّهِ فَيُعَذِّبُهُ عَذَابًا نُكْرًا
88 ШІошъхъуныгъэ шъыпкъэ зиІэу, шІу зышІэрэм тын шІушІагъэ фэтшІыщт", ащ амал псынкІагъо Тхьэм ритыщт.
وَأَمَّا مَنْ آمَنَ وَعَمِلَ صَالِحًا فَلَهُ جَزَاءً الْحُسْنَىٰ ۖ وَسَنَقُولُ لَهُ مِنْ أَمْرِنَا يُسْرًا
89 Ащ ыуж ар зэрэкІон амал Тхьэм ритыгъ.
ثُمَّ أَتْبَعَ سَبَبًا
90 Тыгъэ къокІыпІэм ар зынэсым, тыгъэр къызфыкъокІыхэрэ цІыфхэм ашъхьагъ Тэ зыпари техъон зэрэщытымышІыгъэр ащ ылъэгъугъ.
حَتَّىٰ إِذَا بَلَغَ مَطْلِعَ الشَّمْسِ وَجَدَهَا تَطْلُعُ عَلَىٰ قَوْمٍ لَمْ نَجْعَلْ لَهُمْ مِنْ دُونِهَا سِتْرًا
91 Джаущтэу ар щытыгъ, джы ащ къехъулІэгъэ къэбархэр къэтэтых.
كَذَٰلِكَ وَقَدْ أَحَطْنَا بِمَا لَدَيْهِ خُبْرًا
92 Ар зы гъогу рыкIуагъ.
ثُمَّ أَتْبَعَ سَبَبًا
93 ДэпкъитІум азфагу илъ чІыгум нэсыфэ, ар кІуагъэ.Бзэ лъэпкъ горэ ерагъэу къагурыІоу, ахэмэ азфагу ащ цІыф лъэпкъ щилъэгъугъ.
حَتَّىٰ إِذَا بَلَغَ بَيْنَ السَّدَّيْنِ وَجَدَ مِنْ دُونِهِمَا قَوْمًا لَا يَكَادُونَ يَفْقَهُونَ قَوْلًا
94 Ахэмэ аІуагъ: "О БжъэкъуитІу, Яджыджрэ Мэджыджрэ мы чІыгум тхьамыкІагъохэр щызэрахьэх, ахэмрэ тэрырэ тазфагу о псыІушІэ ибгъэуцоным пае уасэ горэ о къыотэрэта?"
قَالُوا يَا ذَا الْقَرْنَيْنِ إِنَّ يَأْجُوجَ وَمَأْجُوجَ مُفْسِدُونَ فِي الْأَرْضِ فَهَلْ نَجْعَلُ لَكَ خَرْجًا عَلَىٰ أَنْ تَجْعَلَ بَيْنَنَا وَبَيْنَهُمْ سَدًّا
95 Ащ ыІуагъ: "Сэ си Тхьэ пытагъэу къысхилъхьагъэр нахьышІу, кІуачІэкІэ шъукъыздеІи, шъорырэ ахэмрэ азфагу гъунапкъэхэр изгъэуцощтых.
قَالَ مَا مَكَّنِّي فِيهِ رَبِّي خَيْرٌ فَأَعِينُونِي بِقُوَّةٍ أَجْعَلْ بَيْنَكُمْ وَبَيْنَهُمْ رَدْمًا
96 ГъучІ бзыгъэхэр къысфэшъухь" Бгышъхьэ чэпитІум азфагу зэщиз ащ зешІым, ыІуагъ: "ШъукІапщ!" Ар машІо зашІым, ыІуагъ: "Къысфэшъухьи, ащ гъучІ ткІугъэр хэскІэщт".
آتُونِي زُبَرَ الْحَدِيدِ ۖ حَتَّىٰ إِذَا سَاوَىٰ بَيْنَ الصَّدَفَيْنِ قَالَ انْفُخُوا ۖ حَتَّىٰ إِذَا جَعَلَهُ نَارًا قَالَ آتُونِي أُفْرِغْ عَلَيْهِ قِطْرًا
97 Ахэр ащ дэкІынхи гъуанэ фашІыни афэлъэкІыгъэп.
فَمَا اسْطَاعُوا أَنْ يَظْهَرُوهُ وَمَا اسْتَطَاعُوا لَهُ نَقْبًا
98 Ащ ыІуагъ: "Ар сэ си Тхьэ игукІэгъушІагъ, Сэ си Тхьэ пІуалъэу ышІыгъэр къызысыкІэ, мыр Ащ хьаджыгъэ фэдэу ышІыщт; сэ си Тхьэ къэхъунэу зыфиІорэр шъыпкъэу къэхъу".
قَالَ هَٰذَا رَحْمَةٌ مِنْ رَبِّي ۖ فَإِذَا جَاءَ وَعْدُ رَبِّي جَعَلَهُ دَكَّاءَ ۖ وَكَانَ وَعْدُ رَبِّي حَقًّا
99 Джащыгъум Тэ ахэр зэнэкъокъухэу къэдгъэнэщтых, сырынэм къызепщэхэкІэ, зэкІэри зэхэтхэу Тэ тыугъоижьыщтых.
وَتَرَكْنَا بَعْضَهُمْ يَوْمَئِذٍ يَمُوجُ فِي بَعْضٍ ۖ وَنُفِخَ فِي الصُّورِ فَجَمَعْنَاهُمْ جَمْعًا
100 А мафэм зынэхэм пщагъо атетэу Сэ сишІэныгъэ зымылъэгъущтыгъэхэм,
وَعَرَضْنَا جَهَنَّمَ يَوْمَئِذٍ لِلْكَافِرِينَ عَرْضًا
101 Зэхэзыхын зымылъэкІыщтыгъэхэ джаурмэ джэхьнэмыр нафэу ядгъэлъэгъущт.
الَّذِينَ كَانَتْ أَعْيُنُهُمْ فِي غِطَاءٍ عَنْ ذِكْرِي وَكَانُوا لَا يَسْتَطِيعُونَ سَمْعًا
102 ШІошъхъуныгъэ шъыпкъэ зымышІыгъэ сиІумэтхэр Сэ счІыпІэ ухъумакІохэу аштэнхэу егупшысэщтыгъэхэуи? Джаурмэ япсэупІэнэу Тэ джэхьнэмыр афэдгъэхьазырыгъ.
أَفَحَسِبَ الَّذِينَ كَفَرُوا أَنْ يَتَّخِذُوا عِبَادِي مِنْ دُونِي أَوْلِيَاءَ ۚ إِنَّا أَعْتَدْنَا جَهَنَّمَ لِلْكَافِرِينَ نُزُلًا
103 ЯІу: "Іофэу ашІагъэхэм пае чІэнагъэ фэшъхьаф зымышІыщтыгъэхэм,
قُلْ هَلْ نُنَبِّئُكُمْ بِالْأَخْسَرِينَ أَعْمَالًا
104 ГъашІэу зыхэтхэм ахэр зэрэщыгъощагъэхэр, ахэмэ ашІэрэр дэгъоу къызэрашІошІырэмэ ацІэ сэ къышъосэрэІуа?"
الَّذِينَ ضَلَّ سَعْيُهُمْ فِي الْحَيَاةِ الدُّنْيَا وَهُمْ يَحْسَبُونَ أَنَّهُمْ يُحْسِنُونَ صُنْعًا
105 Ахэмэ я Тхьэ иІэятэ къэгъэшъыпкъагъэхэм шІошъхъуныгъэ шъыпкъэ фамышІэу, Ащ зэрэІукІэжьыщтхэр зышІошъ мыхъущтыгъэхэм яІофхэр пкІэнчъэхэу къычІэкІыгъэх, къаймэт мафэм Тэ ахэмэ зыпари уасэ афэтшІыжьыщтэп.
أُولَٰئِكَ الَّذِينَ كَفَرُوا بِآيَاتِ رَبِّهِمْ وَلِقَائِهِ فَحَبِطَتْ أَعْمَالُهُمْ فَلَا نُقِيمُ لَهُمْ يَوْمَ الْقِيَامَةِ وَزْنًا
106 Сэ сиІэятэ къэгъэшъыпкъагъэхэм шІошъхъуныгъэ шъыпкъэ афамышІэу, ахэри силІыкІохэри кІэнэкІалъэ зэрашІыщтыгъэхэм пае ахэмэ тынэу яІэр джэхьнэмыр ары.
ذَٰلِكَ جَزَاؤُهُمْ جَهَنَّمُ بِمَا كَفَرُوا وَاتَّخَذُوا آيَاتِي وَرُسُلِي هُزُوًا
107 Шъыпкъэ дэдэмкІэ, шІошъхъуныгъэ шъыпкъэ зышІыгъэхэу шІу зышІэщтыгъэхэм апай джэнэтхэр,
إِنَّ الَّذِينَ آمَنُوا وَعَمِلُوا الصَّالِحَاتِ كَانَتْ لَهُمْ جَنَّاتُ الْفِرْدَوْسِ نُزُلًا
108 Ахэр егъашІэм зыдэщыIэщтхэр ар зэблахъунхэуи фэещтхэп.
خَالِدِينَ فِيهَا لَا يَبْغُونَ عَنْهَا حِوَلًا
109 ЯІу: "Сэ си Тхьэ игущыІэхэр ратхынхэм пае хыр мэрчэп хъугъагъэмэ, ащ фэдиз Тэ джыри хэдгъэхъуагъэми, си Тхьэ игущыІэхэр тымыухыхэзэ, нахьыпэ хыр игъукІыни".
قُلْ لَوْ كَانَ الْبَحْرُ مِدَادًا لِكَلِمَاتِ رَبِّي لَنَفِدَ الْبَحْرُ قَبْلَ أَنْ تَنْفَدَ كَلِمَاتُ رَبِّي وَلَوْ جِئْنَا بِمِثْلِهِ مَدَدًا
110 ЯІу: "Сэ сышъуфэдэу сыцІыф, шъуи Тхьэ зэу зэрэщытыр къысфырагъэхыгъэу сэшІэ. И Тхьэ ІукІэжьыным щыгугърэм ІофышІу ерэшІ, и Тхьэ шъхьащэ фишІы зыхъукІэ, зыпари Ащ гуерэмыгъэуцу".
قُلْ إِنَّمَا أَنَا بَشَرٌ مِثْلُكُمْ يُوحَىٰ إِلَيَّ أَنَّمَا إِلَٰهُكُمْ إِلَٰهٌ وَاحِدٌ ۖ فَمَنْ كَانَ يَرْجُو لِقَاءَ رَبِّهِ فَلْيَعْمَلْ عَمَلًا صَالِحًا وَلَا يُشْرِكْ بِعِبَادَةِ رَبِّهِ أَحَدًا